01‏/02‏/2012

عسكر ذلّك ما نفعك



حوار بديوانية بالرابعة..



لا يكون بتعطي عسكر هالمرة؟

لا والله بعطيه

شلون بتعطيه وأنت تدري أنه مرتشي وواقف مع الحكومة اللي ضدك؟

شلون ما أعطيه وهو اللي ودا ولدي علاج (بالخارج) يوم الوزارة ردتني ومحد غيره قدر يجيبها لي؟ شلون ما أعطيه؟
مرتشي مرتشي شسوي له؟ يعني الباقين فيهم خير؟

ودا ولدك والا هو اللي ذلّك مع الحكومة اللي معاملتك ما تمر إلا عن طريق ربعها بكل دائرة؟ تراه مشكلتنا مو حلها. هم يوقفون اللي لك حق فيه وما تاخذه إلا عن طريق اللي هم يوجهونك عليه. تبي عيالنا لي قدام ما تخلص أمورهم إلا عن طريقه وحكومته اللي ذالتنا بحقنا؟ والا تبي اللي يخليك تاخذ حقك بدون لا تجي أحد؟ خله عنك يا إبن الحلال وصوت بأمانة لك ولعيالك وليعيالي وياك بعد الله يجزاك خير

..هزة راس ونظرة اقتناع..



وهكذا تغلغل الوعي السياسي شعبيا بديوان كريم بالدائرة الرابعة