10‏/07‏/2008

Teaser

( اضغط الصورة للتكبير )


مواضيع الغلاف هذا الاسبوع:
- الجلم الجميل
- وجهة نظر
- كاسك يا وطن
- فريج سعود

والخير بالدرب!ء


:)

تخيل مجلة من المدونين الى الكويت
بدون رقابة ولا تحكم ملاك ولا مصالح
تخيل دعم المدونين لأنفسهم
تخيل مجلة تسهل على القراء (والمدونين) وتختصر الوقت
تخيل مجلة متعددة التوجهات ترتكز على الثقافة والإحترام
تخيل مجلة صريحة وجريئة
تخيل سعادة وزارة الاعلام والرقابة والفساد :)
تخيل مجلة تهتم بكل ما يهتم به التدوين
تخيل مجلة تتيح فرصة الكتابة للقراء
تخيل مجلة تجمع خدمات وخدمة
تخيل مقابلات مع شخصيات سياسية واجتماعية
انتم تحددون اسئلتها
تخيل انتشار أكبر وهادف
تخيل فعل وليس فقط كلام
تخيل
تخيل

فقط تخيل



هناك 40 تعليقًا:

بنت الشامية يقول...

هاااااا الى الحين ما قمت من النوم
صار الظهر.....!!!!!!ء

حـمد يقول...

السالفة بيحطونها باجر بالجرايد وانت للحين نايم

قوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووم

:)

كويــتي لايــعه كبــده يقول...

غالية الشامية...

سهران

يعني الواحد ما يريح؟

:)

كويــتي لايــعه كبــده يقول...

مع حمد قلم...

اي سالفة بيحطونها بالجرايد؟

كفر المجلة؟... لي شافو الباقي شبيسوون؟

:)

الحين خليتوا الموضوع الرئيسي وركزتوا على اني نايم!؟

صج كويتيين

Eng_Q8 يقول...

يا سلام خوش فكره

جان زين لو اتصير صج بس نص مليون شيلمهن

كويــتي لايــعه كبــده يقول...

مهندسنا...

ما ينفع التنمني
stay tuned
:)

انت قريت كل اللي مكتوب على الغلاف ؟

بنت الشامية يقول...

ماااا قعدت الى الحين
الطبخه احترقت ودخنت......ما صاااااار

===
ترى حجزت لى صفحه من الحين
لشؤن المراة .....شسوي فيك مادمك ما حطيتنى وياهم ....... بحط نفسي غصب
متى بتراد علينا....؟؟؟؟؟؟

شـقـــــران يقول...

العزيز كويتي لايعـه كبــده



بانتظار تكملة موضوع هذه الصورة الجميلة حول مجلة المدونين




بالانتظار طال عمرك



وتحياتي لك

كويــتي لايــعه كبــده يقول...

زين الشامية...

لا والله قعدت بس الطبخه على نار هاديه

اي خلوا الواحد يشتغل خلف الكواليس
:)

---

ظلمتيني
فقرتك محجوزة لك من قبل لا تتكلمين
:)

---

"بتراد" ؟!

هاي شينو !؟

وبتكتبين بعد؟
:)

كويــتي لايــعه كبــده يقول...

شقار الذهب...

منت منتظر كثير ان شاء الله

التشويق جزء من النشر



المحــب /

كويــتي لايــعه كبــده


:)

بنت الشامية يقول...

شدعوه مدرس عربي....؟؟؟؟؟

Eng_Q8 يقول...

اي قريته اشلون ما قريته

دام في حجز صفحات انا ابي صفحة الابراج :p

ومدير قسم الموظفات جيك موظفات وعندي 5 سكرتيرات :p

حـمد يقول...

عزيزي كويتي

الحين التربية يقولك بيطورون المناهج

ومع حمد قلم بتصير مع حمد فارة وكي بورد :)

كويــتي لايــعه كبــده يقول...

زينة الشامية...

يا هيك يا هيك؟
:)

طبع كويتي خايس... الواحد ما يداحر الا من يعز

كويــتي لايــعه كبــده يقول...

انجنيرنا...

حرام نضيع مواهبك على الابراج
;)

واذا تبي 5 سكرتارية عندك المجلس البلدي
واذا تبي 15 عندك مجلس الامة
واذا تبي ... لا بس خلاص :)

حنا ناشفه عندنا
ولا حتى فورد نوزع لك
اذا تبي تذاكر باص انا اصرف لك من حسابي الخاص
(والا غلوهم بعد؟ خبري بـ100 فلس)

احنا هنيه عمل تطوعي وحرق قلوب ما منة اي فايدة (((شخصية)))!

يعني عكس باقي البلد

ولنا الفخر
:)

كويــتي لايــعه كبــده يقول...

مع حمد لابتوب وتوتش باد...

انت الظاهر أقدم مني يا اللي خابر
don't walk like an egyptian
:)

انا خابرهم غيروا الى "أنا آكل وأشرب" بس وراها اذا مغيرين ما ادري

لا يسوونها بس
"أنا آكل وامسح ايدي بالطوفة"
او "أنا آكل من ميزانية الدولة"
او "أنا ضامن روحي مع الشيخ فلان"

وانا راضي

Mamloo7a Q8ia يقول...

المجله وايد اعجبتني
اقدر اقضب صفحة الطبخ والطبيخ
اذا ما عطيتوها احد

ابداع ما شاء الله عليك

كويــتي لايــعه كبــده يقول...

مملوحة كويتية...

يا ألف اهلا وسهلا

حياك الله يبا

الطبخ بالطريق وانتي الصاجه

ترقبوا
بس ترقبوا

ومشكورة على الكلمة الطيبة
لا ينتفخ راسي

Mok يقول...

:) اعتقد هناك اهم بمرحله القادمة

كويــتي لايــعه كبــده يقول...

mok...

?

حياتي هدف مو عبث يقول...

نتخيل ورانا شي

!

كويــتي لايــعه كبــده يقول...

حياتك هدف...

التخيل لو يضل تخيل ما منه فايده
المقصود التفكير
او / و أكثر

:)

As YoU LiKE يقول...

خوش مجلة

حط لنا صور جمال حسين ..

ونبي كاركيتيرات عن جاسم الخرافي

كويــتي لايــعه كبــده يقول...

as they don't like...

be careful what you wish for :)

صاحب السمو الخرافي -قدس الله فلسخ- يبيله مجله كامله بروحه

اوبرا احسن منه؟

بس الاسم ماخوذ... الجريمة!
ء

حـمد يقول...

خوش فكرة

كويــتي لايــعه كبــده يقول...

حمد العزيز...

يجيك العلم

Eng_Q8 يقول...

ترى سجلت عليك قضية تغيب ووديت اسمك تنفيذ الاحكام ومنعتك من السفر

مر عندي لا اخلي ادارة المخدرات ادور عليك عاد هذيل ما يغشمرون :)

بس يقول...

عجيبة الفكرة

أبي عامود لوسمحت :)

غير معرف يقول...

وااااااااااااااو حدها قويه الفكره ..
ولا عليك أمر إحجزلي صفحة السياحه والسفر وصيد الكاميرا داخل وخارج الديره ;p

kuwait

كويــتي لايــعه كبــده يقول...

بشمهندسنا...

شرايك شايف انت شمهبب من الصبح بس قلت ماني معلق وبشوف من اللي يطب فيني وياك
:)

ردي تلقاه عندك

كلام(ن) يوصلك ويتعداك
:)

حسام بن ضرار يقول...

الفكرة جداً جميله و مبتكره

بس اعتقد من الافضل انها تطبق إلكترونياً

كويــتي لايــعه كبــده يقول...

بس...

حاضرين

عامود خيمة والا بالمجلة؟

تامرين امر
:)

كويــتي لايــعه كبــده يقول...

كويت...

مين هناك؟
وإيه كلمة السر؟

هذا انتي والا أحد مستغل اسمك؟

ملاحظة للنفس: يعني لو احد مستغل كان اعترف؟ ركز شوي ركز والا روح نام

كويــتي لايــعه كبــده يقول...

الفارس حسام...

والله هي قاعده تطبخ حاليا
وامتنع عن اعطاء التفاصيل

:)

لكن ملاخظتك بالحسبان... (قبل لا تقولها)ء

Dr. Academy يقول...

امممم ... فكره .. لكن خياليه زياده عن اللزوم ..

بس اهم شي ان المجله "تبربس" لووووووول

تحياتي و بانتظار المزيد

KrakatoA يقول...

الفكر كفكره جمليه..ولكن آلية التنفيذ هنا ندخل في المعمعه

اولا: هل تريدها ورقية ام إلكترونية

ثانيا: ان كانت الكترونية فهذا اوفر واسهل..وسندخل في معضلة اخرى

ثالثا: المعضلة الاخرى هي مالذي سوف يميزها عن اي موقع الكتروني اخباري هل هي الصور الملحقة هل هي ابواب المجلة هل هي المقالات

رابعا: هل ستكون هناك هيئة تحرير ام ماذا .وان كانت هل ستطبق قوانين النشر ام ماذا؟؟

خامسا: المجلة لكي تستمر تحتاج اعلانات..هل مدخول هذه الاعلانات سيؤثر على طريقة المقالات والاخبار خصوصوا اذا كانت تنتقد احدى الشركات المعلنة مثلا..

عموما هذا مالي حاليا حلو الموضوع

تطبيق الفكرة ليس صعبا مجرد دومين وسكربت لمجلة..لكن المشكله في من هم سيعملون على تطبيق الفكره

كويــتي لايــعه كبــده يقول...

what's up Doc...

:)

ان شاء الله الجاي بيعجبك أكثر بعد

وحياك الله بزارتك الأولى... شرفتنا

كويــتي لايــعه كبــده يقول...

بو طارق...

اوافقك مية بالمية وهذه هي الاسئلة الجوهرية والتي حاليا تحت المجهر

اشكرك بصدق على هذه النقاط واعتبرها ارشاد من أخ كبير واتمنى ان لا تبخل علينا بالمزيد هنا او بالايميل ان احببت

اسمح لي عدم قدرتي بالرد المباشر على اسئلتك حاليا بل بوقت لاحق

شكرا على المشاركه القيمه وبانتظار المزيد

الخيلاء يقول...

الله خووش فكره
:)

زياره بناء على الضجه المقامه ضد مدونتكم الغراء
من المهندس الكويتي

بلاغه شف بالاصح


تقبل مروري الاول

:)

كويــتي لايــعه كبــده يقول...

الخيلاء...

حياك الله

ما يدري ان لا يوجد اعلان سيء بل كل اعلان زين

ما عليك منه
شاري كمبيوتر سكراب
والحين يحتال يبيني ابدله

هذا وهو مهندس بعد
كادر وعطوهم
الطراره شماله!؟

الله يصلح حاله
:)