21‏/08‏/2008

ليش ما عندنا برنامج بهالطريقه !؟


يا الله شنو عندنا
material

هناك 38 تعليقًا:

Kuwait يقول...

احنا شطار بنظام التقليد الأعمى ..
لكن للأسف حتى التقليد تلاقيه يطلعلك برنامج سخيف كون الفكره مكرره ومبيوقه ..
يعني بفهم ليش ما يفكرون ببرنامج بدون لا يبوقون فكرته ..
شنو الأجانب عندهم مخوخ والي عندنا بروسهم قوطي ؟؟

As YoU LiKE يقول...

عندنا محمد الوشيحي
كافي وموفي

ولا تبي مبارك القناعي مال الوطن ؟

كويــتي لايــعه كبــده يقول...

كويت...

عاد هالبرنامج بالذات أنا راضي نقلده

اما ما تقصدين... حدث ولا حرج

ما ودي حتى أذكر اساميهم
يغثوني

يا كثر اللي براسهم قواطي
ولا أقصد في مجال الفن

كويــتي لايــعه كبــده يقول...

as I enjoy...

أنا ابي أحد يستلم الوطن!

حنا ناقصين واحد منهم وفيهم

Bo Jaij يقول...

إنت أول شى عندك حرية راى ...حتى تتجرأ و تسأل ليش ما عندنا برامج مثل الديلى شو و لا ستيفن كولبير؟


معلش

كويــتي لايــعه كبــده يقول...

بوجيج الكيوي...

بالزبط يا أفندم
انت واخد بال سياتك

حسام بن ضرار يقول...

على ما قال آز يو لايك

عندنا محمد الوشيحي

الكامل المكتمل

المعصوم المقدس المنزه عن الخطأ

شنبي بجون ستيوارت؟

حمودي يقول...

لو عندنا ذا مومينت اوف تروث واصير انا المذيع وانقي ضيوفي جان وناسه

كويــتي لايــعه كبــده يقول...

الفارس الملثم...

الوشيحي لحد الآن متصدر
طلعت له شعبية وانا ما ادري

كويــتي لايــعه كبــده يقول...

حمودي...

تبي تنقي ضيوفك بعد!؟

خوش مذيع

why me يقول...

احنا عطنا برامج تافهه

فيها رقص

فيها اي شي مو هادف



عرب شنو يعني عرب !!

يا سْديرَه يقول...

اخوي كويتي

ما جنك متفائل وااايد:) أول خل يصير عندنا مذيعين بربع امكانياتهم وحرية رأي فعلية ..تالي يمكن اقول يمكن تشوف منهم شي !! على اني اشك بهالشي لأن لا مهارات ولا امكانيات طاقم اعداد متكمن ولا حرص على اداء الشغل بحرفية..أكمل والااسكت ؟؟ اسكت وايد احسن لأن فعلا اللي عندنا يغثون ويبون القامت
على فكره هناك تلقى المذيع والطاقم اللي معاه يحرصون انهم يعطون البرنامج من وقتهم وجهدهم
امااهني خلف الله على اللي اهني تلقاه واللي معاه يكروتون البرنامج تحصيل حاصل عشان يمديهم يردون البيت والا يروحون الديوانية والا غيره
بس اسمحلي يا خوي اقولك خلك على الأصلي وجابل
CNN
واللي احلى
Discovery Channel
وخواتها :) شلك بالحارج والمغثة
الله يعين ياينا رمضان ابشر بالهلاقه اللي على اصولها

كويــتي لايــعه كبــده يقول...

ليش أنا...

ج ر ب

كويــتي لايــعه كبــده يقول...

يا سْديرَه...

ومن قال لك اشيله من
Discovery Science
؟
العيال تلفزيونهم بين
Cartoon Network
Boomerang
&
Disney

وأم العيال تبوق الرموت مني (أو تخزني واستسلم) وتغير الى
Style Network

صرت أعرف برامج الديكور أحسن من الحريم!
:)

---
ما شفتي ردي عليك بالبوست اللي فات؟

why me يقول...

لوووووووووووووووووووووول



عفيه على الشاطر


:)

كويــتي لايــعه كبــده يقول...

واي مي...

درس تعلمته سنة 90

وما ينسي !1

Bavaud يقول...

عاد والله جم مره افكر بهالسالفة

بس اكو معضلتين :-P

أول شي نبي مقدم دمه خفيف
أكو؟

ثاني شي، ما راح يبقى واحد الا بيزعل، و عقبها يجمع الشله و يكسرون بمبنى القناة

kuwaitya_7saweya يقول...

كله بصوب وبرنامج
big brother
بصوب

shahad يقول...

تبي هالبرنامج و بنفس الإسلوب
ويكون المجال مفتوح إنك إتقول اللي تبي إبمصداقية و بدون حدود
و إكون عربي وإبمطة عربية؟

إمش أنا وياك إنحج على قرون البقرة أسهل

موظف حكومة يقول...

جون ستيوارت ما نى قايل مهزء بوش
بس يهزء اعضاء الكونجرس بالاسم

جرب بالتلميح اهنى و شوف شنو يصير

يا سْديرَه يقول...

اخوي كويتي

اهم شي انك مستسلم للأمر الواقع :) اقول ما عنده سالفة اللي يقول عن رياييل الكويت يداقلون الحريم ويداحرونهم :) وبعدين الديكور مو شين على الأقل تحورف انت وياها بالبيت وبأقل التكاليف
:)

قريت ردك عندي طال عمرك .. مشكور وما قصرت لا خلا ولا عدم ..ورديت عليك وزيادة حرص دزيت لك ايميل

ابو لطيف يقول...

اعتقد عندنا مذيعيين وايد مثله واحسن بعد

بس يقولون ان المشكلة اللي يواجهها التلفزيون ...اهي في الوقفة لازم تكون كويتية
واللمبة الحمرة ... يقولون معناها عندنا شوي موزين

بس ...اذا حلوا هل مشكلتين ... ابشر بالبرنامج اللي راح يخليك تكسر الشاشة

....

ليس ساعتك مجدمة ساعة
تبي تسبق الزمن ؟

بس يقول...

يا خلاف هنيه بالكويت يعني ؟؟


تبيه ينتف منو بالضبط :))

كويــتي لايــعه كبــده يقول...

بافاد...

وانت الصاج اكو معاضل أكثر بعد

أولهم البرنامج على قناة منو؟ ويخدم منو؟ وهل كيف "الحكومة" تتحكم فيه؟

كويــتي لايــعه كبــده يقول...

حسا الكويت...

اللي زرط "حمار أكاديمي" (عفوا) يزرط بيق بروذر

كويــتي لايــعه كبــده يقول...

شهد...

عاد يا كثر البقر بالكويت!!!

لووول

كويــتي لايــعه كبــده يقول...

الموظف المثالي...

طب برب العالمين (استغفر الله) اسهل
يقولون لك حرية تعبير

والثانية حرية اختيار الطراقات

فكلها حريات الظاهر

أصلا كل العرب تعودوا يطبون برؤساء الغرب بسبب النقص اللي فيهم من انتقاد رؤساءهم

والا كان بطوهم بط

كويــتي لايــعه كبــده يقول...

يا سْديرَه...

شدراك ان الحين قاعدين نغير الصالة
:)
كله من
Thom Felicia
مال
Dress My Nest
لا بارك الله فيه

---
خل أجيك الايميل أجل

ترقبي ترقبي
لي الفخر يا أختي
حنا نغليكم

كويــتي لايــعه كبــده يقول...

أبو لطيف...

لو تصير أشق هدومي مو بس اكسر الشاشة

توني أدري عن الساعة
يمكن لأني مضبطها يوم اني برا الكويت
ياخي خلني اعيش الجو يعني مسافر

كويــتي لايــعه كبــده يقول...

بس...

لا بالقمر

عندك من الشيوخ
لي الأعضاء
لي التجار
لي الدينين
لي البدو
والعجم
والعوايل

علشان محد يزعل
:)

ضغاط بالسواسية
equal opportunity discrimination

AK-47 يقول...

هل عندنا برنامج واحد بالقنوات كلها
تلفزيون الكويتولا الخاص الواحد ينطر يشوفه
حتى الاخبار مايعرفون يقرونها
طال عمرك كانك تسال ليش الكويت
مو مثل السويد
:)

كويــتي لايــعه كبــده يقول...

كلاش...

لأ

بس عندنا
IKEA

KrakatoA يقول...

صعبة اوي علشانالبرنامج يصيرله معنى..لازم ينتقد الكل..بدون اي خطوط حمراء او برتقالية او صفراء

someone_q8 يقول...

السلام عليكم

خل بالاول يعرفون يقدمون عدل ويكونون على مستوى عالي ذيج الساعة يمكن يقلدون البرامج الحلوه
والزينين عندنا ينعدون بالاصابع , ديرة تعدادها مليون ومافيها مذيع او مقدم زين الا بالحسرة .

ملاحظة : اخوي العزيز بالبوست اللي طاف لما تكلمت عن علي الخليفة ما كنت ادافع عنه ولا شيء ولا يشرفني اني اتكلم عنه , فقط للمعلومة وكان كلامي بشكل عام عن الحرامية بالكويت اللي خربوا سمعتها

كويــتي لايــعه كبــده يقول...

بو طارق...

صدقت

وحتى الخطوط الشفافه بعد
اي هيّن

كويــتي لايــعه كبــده يقول...

كويتي سم ون...

ما اعتقد المشكلة منو اللي يقدم البرنامج كثر ما هي منو يسمح للبرنامج ان يكون من اساس

---
علم
شكرا للتوضيح
واتفق معك

Enter-Q8 يقول...

انا مستعد ما اتابع اي تلفزون و اكسر الستلايت بعد و كل تلفزونات البيت و تلفزونات الجيران و ربعي اللي امون عليهم و عيال عمي
اذا حكومتنا الرشيده
قالت ان عندها برنامج
و تبي المواطنين يتابعونه و يطبقونه

اشفيني شطيت

المهم لك وحشة

كويــتي لايــعه كبــده يقول...

بو وليد...

علامك طقيت رصيف؟
:)

اللـــه...
وحشة حبنا!؟
لووول

علشان نعرف القلوب على بعضها...
توني ألاحظ لنك مدونتي ببوستك السابق ودخلت منه لأشوف تعليقك عندي
:)

X-Files
Oooooooo...