المشاركات
ما على المريض حرج
الرقم بالريدر يخرع
سامحونا على القصور
تستحقون مني زيارة العيد مثل العرف الكويتي الجميل الذي انتقل الى التدوين ايضا
لكن اعتذر من كل عزيز انا قصرت بحقه
أمسكت آخر سحور برمضان على "ميرامية و نايكويل" (روح يا التناقض) ومن وقتها درجات متفاوتة من اللي الله يبعده عنكم ان شاء الله
ما ابي الشفقة... بس ابي السموحة
كل عام والكويت وشعبها بخير وستر من الله
الرقم بالريدر يخرع
سامحونا على القصور
تستحقون مني زيارة العيد مثل العرف الكويتي الجميل الذي انتقل الى التدوين ايضا
لكن اعتذر من كل عزيز انا قصرت بحقه
أمسكت آخر سحور برمضان على "ميرامية و نايكويل" (روح يا التناقض) ومن وقتها درجات متفاوتة من اللي الله يبعده عنكم ان شاء الله
ما ابي الشفقة... بس ابي السموحة
كل عام والكويت وشعبها بخير وستر من الله
هناك 89 تعليقًا:
العزيز اي كويت
لقد احرجت اختك التي هي انا حين قمت بزيارة مدونتي المتواضعة للمرة الاولى وقدمت لي فيها التبريكات بمناسبة العيد فقد كانت زياره لطيفة وجميله اسعدتني كثيرا... ومامن قصور ان شاءالله ومسموح باذنه تعالى ...
وانا اللي اعتذر على تقصيري بتقديم التبيركات والتهاني بمناسبة العيد المبارك ... ومنكم القبول.
وماتشوف شر ان شاءالله... كله اجر:)
عاد الحين انا اللي مريضه صج ... سخونة .. واحتقان..بس الحمدالله رب العالمين ...جرب الزنجبيل مع النعناع يسوي مفعول كما السحر..بس الطعم لك عليه :)
ماتشوف شر..وسلامات وما على المريض حرج :)
اختك / من لا تحب الإنتظار
ودمتم بخير وسلام
مسموح
احنا نعيد افا عليك
عيدك مبارك
وعساك من عواده
كل عام وانت بالف خير
سلامات سلامات
ماتشوف شر انشاالله
أجر وعافية
:)
لما الاعتذار؟
اجمل ما في التدوين الحريه
الابتعاد عن جو التوجب والتشره
:)
اتمنى فعلا ان نبتعد عن التشره ونقل عاداتنا السيئة لأجواء التدوين
اخونا العزيز وتعبان
ما تشوف شر سلامات
اسئل الله العظيم رب العرش الكريم ان يشفيك ويعافيك يارب
وتقبل الله طاعتك وصالح أعمالك
:)
انزين ما تبي دعاء؟؟
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
اسأل الله العظيم رب العرش العظيم ان يشفيك
أجر و عافيه و ما تشوف شر.. انصحك بالفلفل الاسود كثر منه مع الشوربه و مع الحليب هم زين
و سلامات
اجر وعافيه انشاءلله
وما عاش من يشيل بخاطره عليك
ما تشوف شر يالزميل ان شاء الله طهور و معافى
ماتشوف شر انشاله
:)
مسموح يالي عذر مسموح لو ما تعذر
p;
ما تشوف شر أحر و عافيو ان شاء الله ما تصبح إلا وانت غزال
الله يهيدك
فاتح بوست علشان سخونه
خرعتنا
ما تشوف الشر
:)
ما تشوف شر اخوي , و معذور
و ان شاء الله تقوم بالسلامة .. و نشوفك متواصل من جديد
طهور إن شاء الله
العزيز كويتي لايـعه كبـده
مافيها شفقه يالحبيب..زيارة المريض واجب
وانتم لكم المكانة العالية في القلب ومثلكم نأتيه ولو كنا حفاة الأقدام..فكيف لانعودكم في مرضكم
ماتشوف شر وأجر وعافية
والحمدلله على كل حال
مع أطيب الأماني وأرقها
المحــــــب/
شــقـــران
ولاتقلد رجاءا
:)
سلامات
و عيدك مبارك
:)
اجر وعافية
وتقبل الله طاعتك
وعساك من عواده
ما تشوف شر واجر وعافية
ألف لا باس عليك
و عيدك
مبارك
و عساك من عواده
ma etshouf shar enshallah
wu
3asak 3ala alguwwa
wu
masmou7 yally ta3athar
تم حذف التعليق...
ليش تحسفت؟
الاسم الطويل حيل...
الشر ما يجيك
العفو
ازورك وعلي المنة بعد لكني اعتذر لأني لم أزور كل من كان ودي زيارتهم
حياك الله
زووز...
الله يعافيك
وانتي بألف خير وصحة وسلامة
يا زين الكلام اللي من حلاته يحرج السامع
كلك ذوق يا اختي
ما تقصرين
ما تشوف شر ان شاء الله
انا قلت يمكن صادوك مع ملوت الافنيوز
استكانه...
منا ومنك يا اختي العزيزة
الشر ما يجيك
يكون مجاملة وتوجيب لما ما يكون طالع من القلب لكن من الاحساس بالغصب او الاكراه
لكن لما يكون من القلب وناتج عن الرغبة الفعلية بالتقارب لكن كان هناك مانع فهي العكس يا اختي
مثل ما انتي قلتي
التدوين حرية ولا واجب غير ما تحسة واجب نحو الآخرين
وحب من يحبك ابو الواجب
:)
بنفسجوشوس...
الله يسلمك
وما تقصرين على الدعاء
لا نخلا ونعدم
كويتاوي...
حبيب
الله يعافيك
لا والله ما توقعت أحد يزعل أبد لكن ما حبيت القصور تجي مني
ما تستاهلون الا كل خير
بو وليد...
الله يعافيك
ما تقصر
حمودي...
الشر ما يجيك
مشكور
شهد...
غزال مرة وحده
على جذيه خوفك ما أصبح بالمرة!
:)
موك...
الشر ما يجيك
بسم الله على قلبك من الخرعه!
:)
لا والله فاتح بوست علشان حسيت اني مقصر مع اللي ما يستحقون القصور... مثلك
مس يونيفرس...
:)
الشر ما يجيك
والله يسلمك من كل شر
مشكوره وما تقصرين
المحب/ بو راكان...
:)
عزيز وغالي
ولا غريب عليك الواجب وانت من أهله
الشر ما يجيك
ولا غاليك
شوف ما قلدت/
كويــتي لايعــه كبــده
براقش (من غير ختم الجوده)...
:)
الله يعافيك
وأيامك سعيده
أبو لطيف..
الله يعافيك
منا ومنك
وياك وويا الغالين
محسد...
الشر ما يجيك
الله يعافيك
مشكور
الفارس حسام...
وايامك سعيده
تعوده كل عام بصحة وعافية
نانونانو...
الشر ما يجيك
الله يقويك
ومشكوره
مشاري...
الشر ما يجيك
لا طلعت بواسطه :)
ما تشوف شر .. أجر وعافية :)
هدف...
الشر ما يجيك
والله يعافيك
الحمد لله احسن بكثير
سلامات يالغالي سلامات ..
يعلها بجاسم الخرافي وناصر الخرافي وعلي الخليفة ولا فيك ..
ومامن قصور ان شاء الله :)
الزم ماعليك .. صحتك !
ما تشوف شر
ياعل جبدك ما تلوع
salamat I hope your feeling better
as I like...
كااااااك
:)
الله يسلمك
رفعت معنوياتي :))
فريج سعود...
الشر ما يجيك
لايعة من سنين :)
خل تتعدل الأوضاع تلقاني كويتي يطق اصبع
بس خل تتعدل
mosan mosan...
Allah yisalmik
thanx
A lot better actually
just looking like crap
So I guess I'm back to normal
:))
عزيزي كويتي
ما تشوف شر
واجر وعافية
------<---@
وكل عام وانت بخير وصحة وعافية
العزيز اي كويت
اسمي مو طويل وايد :) بس شويه
تقدر تسميني من لا تحب الانتظار :)
أو زور مدونتي وتعرف اسمي :)
اختك / من لا تحب الإنتظار
طيب طيب و ماتشوف شر .. و كل عام و انت بخير :)
سلامات و ما تشوف شر
مسموح يبه
:)
بو ديما...
الشر ما يجيك
والله يعافيك
شكرا على المرور والتهنيه
مصرنا...
الله يعينكم على اللي عندكم
ويعيننا على اللي عندنا
وحياك الله مرة أخرى
وكل مرة الى الأمام
الاسم الطويل حيل...
قصدي من لا تحب الاسامي الطويلة...
:)
بالرغم ان كبدي لايعة أحب الناس وأحب أداحرهم مداحر بريء
وبما ان اسمك يتكون من 40 حرف (عديهم) تحملي
:)
عاد انتي من اللي أنا مارهم ومعايدهم بس الظاهر ما تشيكين على الردود
ونعم الاسامي يا اختي مناير... الكويتية من أسرة غنية
:)
بو تشخيص...
يا هلا بمن جانا :)
الشر ما يجيك
وكل عام وانت بصحة وسلامة
أفضل جميل بوطن حالم...
الله يسلمك
والشر ما يجيك
ولد الديرة...
شكرا شكرا
:)
اهم شي سلامتك
اجر وعافيه ان شاء الله
المهم ديربالك على نفسك
ومسموح مسموح ولو انك ما قصرت
:))
تراب الكويت...
الله يعافيك
مشكوره وما تقصرين
زين الحمد لله :)
صج مداحر:)
عاد انت مريض وانا اكثر مع المرض و نقص النوم والتعب شديد:)
و ادري انك ماقصرت ومريتني وعايدتني .. بس قصدي اذا الاسم مؤذيك تلقى اسمي بالمدونه:)
وجنه صار نحس...مو مترقعة من كتبت البوست !!!
وماادري شنو بيصير ان كملت!!
عموما بزيارتكم نعتز .. ونكسب أخ عزيز:)
اختك / صاحبة الإسم الطويل
دمت بخير وسلام
اوديك الطبيب ؟
ماتشوف شر يالغالي
و كل عام وانت بالف خير
صاحبة الإسم الطويل حيل...
أخيرا رضختي لأمر الواقع :)
دام انك مريضة خلاص
بعتقك :)
ما تشوفين شر وألف لا باس
أجر وعافية ن شاء الله
منو اللي مو مريض الحين!؟
الجو فيه بلاوي ومحد متكلم
صاير في آخر أولوياتنا كأن كأن الموضوع ما يتعلق بأهم شيء نملكه...
صحتنا وصحة عيالنا
لكن حنا وين ومناقش هالامور وين
عزيزة يا اختي
ولا ان شاء الله ماكو نحس
مهندسنا...
لأ
صرت زين من دريت انك رجعت
الحمد لله على السلامة
لك وحشة
بس...
الشر ما يجيك
وانتي بصحة وعافية وسلامة
ما تقصرين
العزيز اي كويت
الله يسلمك يارب من كل شر .. وبالنسبه للجو خلنا ساكتين احسن.. بس على فكرة الكويتي صار عنده مناعة من الامراض قويه.. وهالغازات اللي بالجو والماي هاللي نشربة عطانا مناعة مكتسبه!!!!!
وبما انك زرت مدونتي ليش ما علقت على الموضوع الاخير خلينا نستفيد :)
دمت بخير وسلام
ما تشوف اخوي كويتي شر اجر وعافية ان شاء الله الف لاباس عليك
وتقبل الله طاعتك وعيدك مبارك
وعسى الله يمن عليك بالصحة والعافية وترجع اتناشبنا نشبة منقطعة النظير
اقول اشرايك اتصلك على الهندي اللي بعيادة لخطيب :) يعطيك هالأبرة اللي مادري اشقصتها الله خير وحده بوحده تاخذها مني ودقايق الا انت مرتز مافيك الا العافيه :)
ماتشوف شر .... أجر وعافية
دام صرت زين وينك شهالغطه ؟؟؟
من لا تحب الإنتظار...
"وبالنسبه للجو خلنا ساكتين احسن"
مو سكوتنا خلاهم يتمادون أكثر ويبنون مناطق سكنية بأماكن غير صالحة للتواجد البشري! ومن الحين شغالين كذب على الناس ان المكان "ما فيه شيء"
آه يال الذمة الهفي دوتي
مصانع التجار والنفط لا يوجد عليها رقابة بيئية تذكر والكلام ليس من منطلق المثالية بل الواقع المر الملموس... فقط انظري الى نسبة زيادة أمراض السرطان والتنفس والجلدية.
بالذات في المناطق المقاربة لمصافي النفط
أفسدوا كل شيء بالبلد
حتى هواء الله
هذه صحة عيالنا ما فيها مجاملة ولا لعب
لكن وين اللي يفهم
قضايا ملموسة وواضحة ومو خالصين
هالنوبة قضية البيئة
الله يرحم شعب الكويت
من اللي هو فيه
ولا يصير خاطرك الا طيب
أمر وانا حاضر
سامحيني صار لي كم يوم طايح ومقصر مع الكل
يا سديرة...
الشر ما يجيك
عسى الله يعافيك
منا ومنك صالح الأعمال
وعسى كل أيامك سعيدة
ما ابرك من ابرة الخطيب الا الخطيب نفسة
رجل وصلت فيه انه يعالج الناس بعيادته "الخاصة" ببلاش! لو استهدف المال بيوم من الايام لكان من أثرى أثرياء الدولة (فترة الستينات وانفجار الاقتصاد وخانته الحساسة بالسياسة ولو من بياعين الضمير كان...)
حياك الله ولا تقطعين
الناس الطيبين نطمع بوجودنا وياهم
ينسوننا الضيم اللي الديره فيه
سارونه...
الشر ما يجيك
الله يعافيك ويطول عمرك
مشكوره ما تقصرين
مهندسنا...
يوم رديت على تعليقك الأول كنت بتحسن ولله الحمد
لكن بعدها انتكست الى درجة استلزام المستشفى
والحمد لله على كل حال
مشكور على السؤال
عساك ما تفقد عزيز
العزيز اي كويت
توه كتبت تعليق طاحت ايدي منه..و اختفى:(
اللي كنت اقوله انا اتفق معاك مليون بالميه عن اللي قاعد يصير بالكويت..وألوم الحكومة طبعا على اخفاء الارقام الصحيحة عن المواطينين واقصد ارقام تنذر بوجود تلوث كبير ومدمر وقد يصل الى 100% في بعض مناطق جنوب الكويت اللي بالقرب من مصانع ومصافي النفط والغاز والاسمنت ..
وغير هذا والامر منه هو تلوث مياه الشرب .. لو اقولك مصادر مياه الشرب اللي قاعد تشربها هذي من وين اضمنلك مايطب الماي بحلجك طول ما انت عايش:)
وغير بلاوي المصانع اللي اصحابها...لا رقابه عليهم ولاهم يحزنون .. والعمال يسرحون ويمرحون وبعين قوية يقولك عادي كل شي مخالف !!!!
خلها على الله
ماتشوف شر وألف لا بأس عليك وان شاءالله نشوف بوست لك جديد :)
ملاحظة : قصدت بالتعليق هو موضوع (حياتي ) السابق كان ودي تشارك مع الاعصار اللي صار:)
وسويت تكمله للموضوع ونشرتها امس وقامت قومه علي ما قعدت .. ليمن شيلته وغيرته .. ماادري شقول صراحة غير تخلف:)
دمت بخير وسلام
طولت علينا بغيابك عسى المانع خير و ما يكون المرض تعسر معاك
أما إذا السبب قلمك ناشف ما يكتب أشوا يعني صرت غزال
p;
اسمحلي اخوي كويتي ما تعودت اعلق مرتين
لأن عادة اول تعليق لي دايما يكون اطول من معلقة الشاعر الفطحل ( دعيي الخليفة ..ما ودي اقول دعيج لأنه تخب عليه )
المهم دام الحمدلله تطمنا عليك فلحظة اشوي
خل اسوي صف بدو مع الأمريكان اللي حوالي
سلامات يا كويتي سلامات
سلامات من عقب الصخونه
وانا ناذره يوم الله أنجاك
حفلة والعذاره يرقصونه
وعيون الحسد وابليس مامات
وغدا شرك يا كويتي من عقب الصخونه
ياخوي دير بالك على صحتك وانتبه على اكلك .. وعسى الله يشافيك ويعافيك من كل علة فيك والله لا يروع اهلك واعييلك عليك قول آمين
وعلى الطاري دكتور الخطيب والنعم فيه يستاهل كل خير ويستاهل التكريم لكن وين يا خوي وديرتك ديرة ام احمد العجافه
مسموح يلي تعذرت مسموح لو ماتعذرت
اجر وعافيه
ما تشوف شر
انت اللي سامحنا
بالسلامة ان شالله
كويتي وينك طولت ؟
العزيز كويتي لايـعه كبـده
مساك الله بالخير
طولت الغيبه يالغالي...عسى ماخلاف؟
اتمنى إنك بخير
مع وافر الأماني الطيبة
من لا تحب لانتظار...
هي على الله
والا غيرة ذمة هيفي دوتي
الشر ما يجيك
مشكورة
موضوعك ما لحقت عليه
يمكن أحسن
شهد...
اي والله الصحة مو اللي هية هالكم يوم
ولا تخافين القلم ما نشف
:)
اللي ما انكتب أكثر بكثيــــــــــر من اللي انكتب
يا سديرة...
الظاهر تحبين نعيج الخليفة أكثر مني
:)
تسلمين
تسلمين
الله يسلم لسانك الطيب
وقلبك الاطيب
الله لا يخلينا من أمثالك يا اختي
مشكورة من قلب يعزك
حساوية...
الله يعافيك ان شاء الله
تسلمين
سيكرت...
الشر ما يجيك
الله يسلمك من كل شر يا العزيز
حمد...
هلا والله
الصحة شوي مو ذاك الزود
الكبر شين
:)
شقران...
مساك الله بالنور والايمان
الحمد لله على كل حال
ما اخفي عليك الصحة شوي ما هي بالتمام
شكرا على السؤال
الاصيل يبقى اصيل يا بو راكان
مررت فأعجبتنى المدونة فتركت لكم بصمتى وأيضا
دعوة من الأنسة منى مشرفة مركز خدمة
المدونين العرب لخدمة نشر المقالات على العالم ودعوة للعضوية فى مراسلتنا ونشر مقالاتكم أمام أشهر مدونة عربيةوتسجيلكم لدينا
يعني لي متى
يا اخوي ترى خرعتنا جد مو غشمرة
يا هلا بو وليد
هذا انا نزلت بوست جديد
عمرك طويل توني اشكر فيه الاحباء أمثالك
خدمة المدونين العرب...
شكرا على الدعوة
بطريقي للنظر ان شاء الله
بالرغم اني أشك بدرجة ترحيب مدونيك وقراءك بخلطة صراحتي مع وجهة نظري بما تبقى من كلمة عرب من زاويتي ككويتي بالذات
شكرا مرة أخرى
إرسال تعليق