02‏/12‏/2008

حــل الــلا حــل

هل الطلب من رئيس مجلس الأمة بعدم عقد جلسات لمجلس الأمة لحين انتهاء مؤتمر القمة الاقتصادي العالمي في اواخر يناير 2009 طلب دستوري؟ ...نصا أو روحا؟

وقبول استقالة الحكومة لكن عدم اعادة تشكيلها الا بعد شهرين... ؟!

لا جلسات مجلس الأمة ولا حكومة لشهرين!؟

...ثم يأتي لنا من يروج أن الديمقراطية هي من عطل التنمية ومسار البلد الصحيح.

هل نحن الآن في حالة "حل اللا حل"؟


هناك 36 تعليقًا:

حسافتج يا كويت يقول...

آه يا قلبي يا كتاكت يامنتا شايف وساكت



هذا هو الحل الامثل يا عزيزي كي تسافر بالعيد وترتاح

Enter-Q8 يقول...

انطر انطر انطر
الجاي اعظم

mosan mosan يقول...

well first ask yourself is he on the side of the people of the goverment

plus he needs a holiday poor guy ... give a christmas break

shahad يقول...

نحن في حالة الحل التأزيمي

كل ما سالفة تعسرت خافوا و حلوا

يجد الجبان ألف حل لمشكلته لكنه يختار واحد منهم و هو الهروب

ابو لطيف يقول...

حل شنو طال عمرك

احنا الحين محنا عارفين المشكلة

يابو مشكلة وحطوها بمشكلة ولاتوا معاها مشكلة وخبصوهم بمشكلة

اكمل ؟

الله المستعان

nanonano يقول...

أحنا في حالة اللاحــــــــــــــــــــــــاله

alsaronah يقول...

بل معالجة مشكلة بمشكلة أكبر...

حمودي يقول...

فيني سبه

Um il sa3af wil leef يقول...

أعرف
حلول ... من الحواي يحل مشاكل البطن
بس الحل اللا حل ...يحل المشاكل ولا ما يحلها ؟ولا يزيدها ولا ينقصها ؟؟
تحياتي

Eng_Q8 يقول...

انتهينا

Yin يقول...

احنا في مرحلة اللا حل للا حل لإنعدام الحلول للا مشاكل اللي أوجدوها وتركوا المشاكل اللي يبي لها حلول !!!

أنا ما فهمت !!
أنت فهمت؟

bo bader يقول...

احنا في زمن من كثر ما هو ردي الحكومة تتعمد مقاطعة مجلس الأمة وجلساته والنواب يهرولون للإبقاء عليها مع كل اللي قاعدة تسويه فيهم !!

يمكن حب من طرف واحد !!!

Mok يقول...

الحكومة ابخص

:P

كويــتي لايــعه كبــده يقول...

حسافتج يا كويت...

ما نبي نسافر بالعيد ومانبي نرتاح

نبي الديره اللي ترتاح ما يصير؟!

كويــتي لايــعه كبــده يقول...

بو وليد...

الجاي طول عمره اعظم

ما وصلنا هالنقطه فجأة!

كويــتي لايــعه كبــده يقول...

mosan mosan...

interesting to see that the people are on one side while the government is on the other

I think that sums it all up

"he needs a holiday" ?!?

Do not go there

كويــتي لايــعه كبــده يقول...

شهد...

وين اللي خافوا ؟!

انتي تتكلمين عن النواب والوزراء
وانا اتكلم عن اللي وراهم

يخافون ليش؟
هم اللي فاعلينها

كويــتي لايــعه كبــده يقول...

ابو لطيف...

ونعم بالله

لا لا تكمل

كويــتي لايــعه كبــده يقول...

نانونانو...

وهم بحالة نعمة اللا نعمة

كويــتي لايــعه كبــده يقول...

سارونه...

مثل الكارتون لما يهدون القطو على الفار
وبعدين يهدون كلب على القطو
وبعدين يهدون مادري شنو على الكلب
بعدين يهدون فيل على المادري شنو؟

حسب ذاكرتي البيت يخترب ويطيح بالنهاية

كويــتي لايــعه كبــده يقول...

حمودي...

خلها حق بعدين

اللي بالدرب أكثر

كويــتي لايــعه كبــده يقول...

أم السعف...

حل الحواي على الاقل ينعرف له

كويــتي لايــعه كبــده يقول...

مهندسنا...

من زمان

كويــتي لايــعه كبــده يقول...

ين...

مع الاسف اي فهمت

بص هنه بص هنه... أوبا!
سوى اللي يبيه باليد الثانية!

كويــتي لايــعه كبــده يقول...

بو بدر...

وين مجالس رجال أول ؟!
الله يرحم الحي منهم والميت

الحب من صوب واحد؟...
حب الكرسي

كويــتي لايــعه كبــده يقول...

موك...

مو الحكومة نازله من السماء ؟!
مو مجموعة قواطي سحبهم من جلسة المجلس واحد من مستشارين رئيس مجلس الوزراء وهم ما يدرون وين الله قالعهم !؟

الكلمة هذه تنقال يوم الناس ما تفهم شيء مو الحين

Fankooshy يقول...

الله يحللهم ويحلحلهم عشان يحلونها بس

بنت الشامية يقول...

احنا فى حالة دهن الحل

لغير الناطقين العربيه دهن الحل هو دهن الناريل....لوووووووول

كويــتي لايــعه كبــده يقول...

فنكوشي...

يا ريتهم يحلون عن سمانا

كويــتي لايــعه كبــده يقول...

بنت الشامية...

لوول

الوعد بعد شهرين
شكلنا ماكو ضحك وقتها

Kuwait يقول...

هل عندك شك في ذلك D:

جنون إحساس يقول...

تقريباً البلد في حالة هدوء وركود, ولكن نأمل أن لا يكون هذا هدوء ما قبل العاصفة ..


عيدك مبارك أخوي الكريم

fernas يقول...

كل عام وأنت ومن تحب بخير

فرناس

كويــتي لايــعه كبــده يقول...

كويت...

نو
:)

كويــتي لايــعه كبــده يقول...

جنون احساس...

مع الاسف الهدوء ما قبل العاصفة هو بالضبط ما اعتقد انا نمر به

وايامك سعيده أختي العزيزه

شكرا

كويــتي لايــعه كبــده يقول...

فرناس...

وانت والعائلة الكريمة بصحة وعافية

شكرا