01‏/04‏/2008

على السريع

.
وينكم يا جماعة!؟
.
هذا وقتكم
.
_________________________________
.
.
آخر اسعار حراج البشر
.
وليد العصيمي .... 1000
التويجري ........ 1000
جمال العمر ...... 1000
500+الدبوس ...... 500
.
مصادر الاخبار المفاتيح الانتخابيه مباشرة
.
للي يبي يبيع ذمته ومستقبل عياله والديره فوها نصيحة... انطر الى آخر الايام تزيد الاسعار!ء
.
(اللي عنده اخبار اضافيه عن شراء الاصوات لا يبخل علينا)
.
_________________________________
.
.
"عدد القضاة غير كاف لعمليات فرز الصناديق ومنهم من أعتذر عن عدم المشاركة"
.
كلام غير صحيح بالمره!ء
(المصدر أحد القضاة)
.
القضاة لم يجتمعوا للمناقشة ولم يصدر منهم بأي شكل كان ما يعبر عن رفض بعضهم للمشاركه وعددهم يكفي للتغطيه حسب التنسيق.
.
.
_________________________________
.
.
وين جرافات املاك الدوله عن حمد صباح الاحمد!؟
.
والمرينا مول والاستغلال التجاري الغير كيربي
.
يوم قامت الدنيا وما قعدت رخصوه وما عاقبوه
.
_________________________________________________________
.
.
"طلال العيار يعتذر رسميا عن خوض الانتخابات"
(المصدر مدونة الدوائر الخمس)
.
أبركها ساعة
.
فرقاك عيد
.
أول بركات الخمس دوائر
.
والحين نشوف اذا ال"حكومه" ترجعة على انفاسنا من الباب الخلفي
.
__________________________________
.
.
اشاعات وشكوك في نية "الحكومة" حول الانتخابات القادمة
.
استعدوا يا ناس "النية غير صافيه!"ء
.
.
سؤال غير بريء: كم يوم باقي على 5/17؟
.
.
__________________________________
.
"مطالبة شيعية واسعة باقصاء عبدالصمد عن الانتخابات"
.
هذا اللي حنا خابرينه من اخوانا
.
.

هناك 30 تعليقًا:

عمار يا كويت الماضي يقول...

هل تعتقد ان وزارة الداخلية سوف تحارب شراء الاصوات بمثل ما فعلة للانتخابات الفرعية؟ مع ان الوزير صرح في جريدة عالم اليوم "ان من يدليني على من يشتري الاصوات ابوس خشمة" هل معنى هذا نية الاصلاح او حجي جرايد؟

alamalyawm.com/ArticleDetail.aspx?artid=37650

ام سياسة يبون يضرون او يشيشون البدو؟ اول شي الدواويين و بعدها الفرعيات والكل عارف انهم الكثر ضررا بالموضوعين

بوتشخيص يقول...

من طول الغيبات ياب الغنايم .. حبيت أدحرج التماسي :)

فتى الجبل يقول...

شنو بيبقى لنا اذا حتى الوطن بنبيعه؟

كويــتي لايــعه كبــده يقول...

عمار يا كويت الماضي...

حجي جرايد

اذا يبي يحارب شراء الاصوات ما له داعي تصريحات بالاعلام وكلام زايد

اذا فيه حيل خل يتوجه داخل الاسره فهناك اغلب المال السياسي

بالاضافه الى تدخلات اخرى بالانتخابات

اذا يبي اللي يدله... الصليبيخات على البحر وغرب مشرف زاوية الاشارة

كويــتي لايــعه كبــده يقول...

بوتشخيص...

طول الغيبات على كم يوم!؟

لو انوي اترك شتقول؟
:)

انت شاللي شصار معاك؟

لا تترك يا اخوك

والغايه انانيه بحتا... ما نبي اعدادنا تقل

:)

كويــتي لايــعه كبــده يقول...

فتى الجبل...

1000 دك

نشتري فيها بنك
واربع سنين ندفع ثمنها

بوتشخيص يقول...

كويتي ..

لاعت جبدي والله .. بس هم رديت ما نبي نترك الساحة .. و أياني وياك تترك ترى محد شيشني إلا إنت و الشباب لووول مو تخلوني بروحي :) ..

لا تطول ترى تحب بوستاتك :)

كويــتي لايــعه كبــده يقول...

بوتشخيص...

حبتك العافيه

شدعوه شيشناك؟ راديتر؟
:)

(شباب الشويخ يشرحونها لجمهور المرينا)
:)

لا ان شاء الله محنا مخلينك بروحك

وسلامات من لوعة الجبد

(حوامل انا وياك على هالسالفه)

good to have you back

بوتشخيص يقول...

كويتي

لووووول ههههه .. بعدين خلك من المارينا نوسع سدرنا فيه لووول يبيله قصف مو جرافة عشان ينشال ..

بس الصج الصج لووول خلك من القانون شوي .. الصج خوش مخالفة و مشروع :)

بس مثل ما قلت القانون على الكل لازم

كويــتي لايــعه كبــده يقول...

بوتشخيص...

اللازم شيء
والكويت شيء ثاني

والا شنو اللي نزل من حرمة القانون وثبت ثقافة الواسطه وعدم الانضباط

سلم لي على الكباريه وقول لهم شلون الاصلاح؟ زين؟

عمار يا كويت الماضي يقول...

:P زين ولا الوطنية هاهاي

الله يستر اذا ماوقفو المجلس "على كلام الوالد، شكلة سياسي من ورانا" سترك يا رب

كويــتي لايــعه كبــده يقول...

عمار يا كويت الماضي...

يشارك الوالد بمخاوفه ناس وايد

الله يطول بعمر الوالد ويعطيه الصحه

فعلا الله يستر

هذيان يقول...

يا أخيتك السؤال من فيه نائب يشتري أصوات أذا ما كان فيه ناخب يبيع صوته
هل من يبيع الصوت لا يعلم أن هذا الصوت هو من يبلور الحياة السياسية في الكويت
هل يعلم أن صوته من يصنع السلطة التشريعية بالكويت

يا أخيتك وين نروح احنا الحكومة والمجلس وبعد المواطن
لا حول ولا قوة إلا بالله

كويــتي لايــعه كبــده يقول...

هذيان...

لو يدرك هذا كله كان ما باع ذمته

بس المواطن البسيط المدمغ شيء
والراعي الرسمي للفساد وهو نفسه الداعي للاصلاح شيء ثاني

لنلزم الحكومه بما تتدعيه من مكافحه لجميع ظواهر التدخل بالانتخابات

عبثي يقول...
أزال المؤلف هذا التعليق.
غير معرف يقول...

انا ودي اسال الخرافي سؤال واحد

شرايك بتصريح اخوك عن مغنية

وبس

ابية يجاوبني

عمار يا كويت الماضي يقول...

ليش مافي حملة توعوية ضد شراء الاصوات؟ ادري ان الحكومة ماراح تدعم بس في ناس كثر مستعدين لمصلحة الديرة و مستقبل الكويت و انتشالها من الفساد و توعية الناخبين اللي موعارفين شنو مابعد بيعه للصوت

كويــتي لايــعه كبــده يقول...

عبثي...

ان شاء الله انه مثل ما تفضلت به
بالرغم إنا ما سمعنا عنه من قبل

تمنياتي بالتوفيق لكل الوطنيين الصادقين

كويــتي لايــعه كبــده يقول...

حسافتج يا كويت...

ما راح يرد عليك

تملك اقل من مليار

وان رد بيقول: تصريح ممتاز لأنه حط مصلحة ملياراتنا بالخارج فوق كل شيء

ليش انت شايفنا محتاجين تضبيط اكبر والا اكثر بالكويت!؟

ماكلين الديره اكال وانسوي اللي نبيه ومحد يبطل حلجه. متحدين مع فـــــــــــــوق

واحنا بس نسأل بعضنا شفيها الديره؟
الديره مبيوعه!ء
باللي فيها!ء
(انا وانت وعيالنا)

مو "الحكومه" ابخص!؟
ما تشوف حالتنا ممتازه

كويــتي لايــعه كبــده يقول...

عمار يا كويت الماضي...

الحين اللي داعمين شراء الاصوات تبيهم يدعمون حمله ضده!؟

سوو لك 447/ترشيد (جذب وبوق). خلاص لا تصير طماع

غير معرف يقول...

حراج البشر ضكحتني
و بنفس الوقت عورت قلبي :( أمانة لي متى ؟ كل هذا عشان الفلوووووووووووس؟
عطووووووووووهم الي يبون الله لا يبي بليس و خلوا الكويت تعيش شوي
ترا الخراب صاير سريـــــــــع

و الي عور قلبي نكات الي معلقين
:'(
كلهم حسافة و ضاعت و وراحت و و و وعن الكويت

أمانة متى بتصير الكويت زينة؟ لي متى هالبواقين يبوقون ؟ لي متى ؟ ممكن أحد يجاوبني ؟
أحــــــــــــــب الكويت
حرام عليهم والله حرام ! شنو هالقلوب و شنو هالنفوس
الحمدلله على العافية
شي يعور القلب و يقطعه
:(

كويــتي لايــعه كبــده يقول...

Mai...

حياك الله يا اختي وبمرورك الاول علينا

"لي متى هالبواقين يبوقون ؟ لي متى ؟"

لين يحصلون اللي يوقفهم

"أحــــــــــــــب الكويت"
حبتك العافيه

كثار اللي يحبونها بس اكثر اللي فقدوا الثقه فيها
وفقدان الثقه ما جاء بدون مسبب

الله يستر يا اختي

بوتشخيص يقول...

كويتي

مشكور على إضافة مدونتي شرف لي والله

كويــتي لايــعه كبــده يقول...

بوتشخيص...

العفو

اذا ما نضيف مدونتك نضيف مدونة منو بالله

ضفتها اول ما فتحتها انت

نعتز بوجودك ويانا ونرحب بالشباب النظيف المتحمس

الشرف لنا

شقران يقول...

العزيز كويتي لايعه كبده
صبحك الله بالخير

الله يعين القضاة ، فعملية الفرز والتجميع مسؤولية كبيرة وتحتاج جهد كبير

والشكر موصول لهم على نزاهتهم وسعة بالهم


أما الجرافات
فتأكد بأنها ستكون على ناس وناس
كما عودتنا الحكومة في تطبيق القوانين

فكيف يبنى فندق كامل وعلى البحر بدون ترخيص بناء وخلافه...بالعربي...حارة كل من ايدو إلوه

أما المزارع والجواخير والشاليهات بالاضافة الى القسائم الصناعية التي تحولت الى مجمعات تجارية..فاتحدى أكبر شنب في الحكومة يفتح موضوعهم

والمواطن البسيط هو المغلوب على أمره في ظل التعديات التي تعدت المال العام لتصل الى الثروة النفطية!!!؟


خلها على الله عزيزي


مع فائق الاحترام والتقدير لك ولكل مواطن شريف...وضعيف


المحـــــــــب/

شــقـــــران

كويــتي لايــعه كبــده يقول...

شـقـــــران...

صبحك الله بالنور

الله يعين القضاة على عملية الفرز والتجميع والله يعين الشعب اجمعين

مصدر قضائي يتعهد لي بنزاهة القضاة ولكن ليس بالصوره التي يتخيلها/يتمناها الجميع. القضاء أنزه ما بالكويت فهو نزيه بالمقارنه ولكن يوجد به القليل من الشوائب.

والجرافات
فهي بالفعل على ناس وناس
كما تعودتنا الكويت في كل شيء. بل أصبحت بعض الاسئله غير مقبوله حتي شعبيا ويظن الاشخاص موضوع السؤال انهم فوق مستوى التسائل والقانون برمته! وهذا على مستوى الشعب ليس "الحكومه"...ء

ابشرك.. ليس فقط الفندق (ومن رخص العماله، والرخصة التجاريه، وفحص البلديه، وفحص الاطفاء، ووو) بل شريط بحري كامل يصل استغلاله الى تأجيره بالباطن الى المطاعم وغيرهم المستغلين له بالفعل!ء

المزيد؟ توسعة مستشفى الميدان الجديد تقع على ارض يملكها شحص غير مالك المستشفى. صدم لما راى المقاول يحفر ويخطط فاوقفه قائلا "انا مالك الارض انت شقاعد اتسوي!؟" رد عليه "عمي والله تعليمات الشيخ"ء

بعد محاولات التفاوض على حلال يملكه والاستشارات القانونيه باع الارض بالسعر الذي حدده "الشيخ" وليس السوق. خلاصة الاستشارات القانونية "يبه هذا شيخ ومن اكبرهم وعليه قضايا وايد ما فرقت وياه! تبينا نرفع لك قضية نرفع بس راح يمرمرك مو بس بالقضيه حتى بمشاريعك الثانيه! محد راح يوقف البنيان وانت راح تكسب القضيه بس شوف متى ووقتها يمتنع عن السداد ولما يسدد يدفع لك نفس المبلغ اللي الحين عارضه عليك وبعد ما استغل ارضك سنين. اقطع خسارتك وتفادى المشاكل والعوار راس واقبل المبلغ الحين والباقي على الله."ء

مصدري: احد المحامين المستشارين

"أما المزارع والجواخير والشاليهات بالاضافة الى القسائم الصناعية التي تحولت الى مجمعات تجارية..فاتحدى أكبر شنب في الحكومة يفتح موضوعهم"

شوف منو اصحابهم!؟
المال هو محرك السياسه والسياسيين (اغلبهم)
ولا يوجد بالكويت من يحد هذا النظام بل يوجد من كرسه!ء

وعلى طاري الثروة النفطية: اتذكر الرقم المعلن عن عدد حرائق الابار على سي ان ان ايام الغزو اكبر من العدد "الرسمي" لآبار النفط بالكويت! :) يا انه صدام حفر آبار جديده وثم حرقها يا كان هناك آبار غير رسميه!ء

هى بالفعل على الله

"مواطن شريف...وضعيف"
"ابرك عند الله من "حرامي كبير وقوي

مرورك غالي عندي
كثر منه
وحياك الله

Eng.S يقول...

عزيزي

الدبوس وصل عندنا 1000
500 قبل و 500 بعد النجاح

والقادم اكثر




تحياتي

كويــتي لايــعه كبــده يقول...

Eng.S...

يا هلا ومسهلا بأهل الفحيحيل

شكرا على المعلومه

ومتحسف ما اكتشفت مدونتك من زمان

عجبني ""اعتصام القبائل .. حصاد السنين""

بعد اذنك راح اضيفك بقائمة مدوناتي

لك التحيه وحياك الله دوم

بو محمد يقول...

أخوي العزيز كويتي و إن شاء الله ما تلوع جبدك كلش

الأنواط قامت اتحاذف
و لكن بإذن الله الشراي ما يوصل
أما البياع فهذا ميدار و بالعينه
دمت و الجميع بحفظ الله

كويــتي لايــعه كبــده يقول...

هلا بـ بو محمد...

لعن الله الراشي والمرتشي

مافيها روح تعال

البايع دني وخارب بيته بإيده (قمة الجهل)ء
بس الشاري (او الممول) هو اللي منظم ويعرف بالضبط شنو قاعد يسوي (قمة الخبث)ء

لازم رقابتنا الشعبية وفضحهم واحراجهم للحد من الفساد ولو نسبه بسيطه

"ان خلية خربت"
لا نخليها تخلي

الله المستعان

حياك الله يالعزيز