28‏/04‏/2008

قاطعوا الدنمارك

+
.

================================




ثبت علميا ان جاسم الخرافي دنماركي

فقاطعوه 17/5

:)
.
==========================
.
.
محاولات لطمطمة التحقيق في شراء أصوات بالدائرة الثانية
.
منذ امس الاول وهناك محاولات من "ارفع المستويات" لطمطمة التحقيق بعمليات شراء الاصوات بالدائرة الثانية من قبل احد "الكباريه"!ء
.
التحقيق يدور حول اعطاء المرشح مبلغ 50 الف دينار كويتي لكل من سماسرتين نساء (خ خ و هـ ص) لشراء الاصوات.ء
.
طبعا يهدفون لعدم انتشار الخبر
.
ونهدف نحن لنشره
.
تكفــــــــــــون يا الداخلية
اثبتوا لنا ان القانون فوق الكل
ولا تثبتون لنا العكس!ء
.
.

هناك 44 تعليقًا:

Hamad Alderbas يقول...

شصاير ؟

فتى الجبل يقول...

طلع دانماركي
عيل اشفيه ويهه حد الجكر

Eng_Q8 يقول...

لوووووووووووووووووول

كويــتي لايــعه كبــده يقول...

حمد...

سلامة عمرك
بس الخرافي ماكل البلد بقشورها
ونبي ننشر الوعي شوي علشان ما نوصل بايدنا من هو ضدنا

كويــتي لايــعه كبــده يقول...

فتى الجبل...

قبح الظاهر اهون من قبح الباطن

والخرافي قبيـــح برا وداخل

بلغة العقار قبيح بطن وظهر
:)

كويــتي لايــعه كبــده يقول...

Eng_Q8...

كـــــاك

As YoU LiKE يقول...

وانا اقول يشبه منو ..
شفت البقرات الثلاث ؟
هو واخوه .. والثالث مادري منو لول

بس يقول...

لا الله يهداك

مو يشابه الباندااا ؟؟


و لا أشرايك :)

فتى الجبل يقول...

تكفه اذا عندك ادلة او ما شابه
قولها واعلنها وتاكد ان احنا بنوقف وراك ومعاك

هذيان يقول...

كويتي لايعه جبده
خلينا نبتدي من أول السالفه
أزمة الحكم تطورت تحمل مسؤوليته رئيس السلطة التشريعية بناء على ما تنصه مواد الدستور أنتهت ازمة الحكم ,,, أصبح الخرافي بطل قومي (أترك بعض من انواب من وجد ضالته في هذة الأزمة )؟
أتينا إلي مشروع الدوائر بعدها كان المشروع المطروح ومنذ حكومة الشيخ صباح الأحمد العشر الدوائر وقبلها أشراك العسكريين في الأنتخابات تحول الموضوع فجأة إلي الدوائر الخمس والمطالبه بها وأن الخرافي بلابلابلا
طيب شهر واحد كان بطل ومن تحمل مسؤوليته الكاملة في أزمة بلد وبعد أربع أشهر أصبح عدو الشعب
طيب شنو تغير فندها بالأسباب ؟؟
أحترم رأيك ولكن أريد أقناع
هل هناك ما أستجد

غير معرف يقول...

منو المرشح ؟ اهو الخرافي ؟

كويــتي لايــعه كبــده يقول...

As YoU LiKE...

حرام عليك
البقر منهم فايده

وما شاركو بالمجلس البلدي ومن يومها يجنون ثمرات فسادهم بالدعم من "الحكومه"!!1

كويــتي لايــعه كبــده يقول...

بس...

لا، الباندا في من يشوفه كيوت

انتي قصدك بوسكر دايخ

كويــتي لايــعه كبــده يقول...

فتى الجبل...

لما يصير عندي شيء قاطع بقوله

الى ذلك الحين ماني سالك اسلوب الاشاعات

وشكرا على السند هذى هقوتي بالاجاويد

بضيف لنك الخبر (الآن) بالبوست
ولا يوجد جريده (اخرى) تجرؤ على تغطية الخبر

Kuwait يقول...

حاطين الخبر بعد بالشاهد ..
وكاتبين ان بالدائره الثانيه ..
بس مو حاطين ان الخرافي بصريح العباره ..
لكن من الكلام العام الشاطر يفهمها ..
تقبل مروري ..
kuwait

هذيان يقول...

عزيزي كويتي

تصدق من اسبوع صايدين واحد بالثانية مش تبع الخرافي والغانم وبعدها اوامر وصلتهم أن يرجعوا جميع الجناسي لمندوب المرشح

عبدالقادر الجاسم قال حتى في شراء الأصوات عم تمارس أنتقائية

كويــتي لايــعه كبــده يقول...

هذيان...

يا هلا باختي الغاليه

منو البطل القومي؟ الخرافي؟! يخسي!ء(معذره)

لا يوجد شيء جديد بل حركاته كلها قديمه ومكرره

مشاركته بالمجلس الوطني

نصيحته وتصريحه للشعب لنسيان مجلس الامه

الوقاحه للاصرار لترأسه بعد المحاوله بالاطاحه به

التقديرات (من مقربين وليس مجرد اوهام) بمضاعفة ثروة عائلته بعد رئاسته للمجلس

المناقصات العملاقه والصغيره اللي ياخذها بالباطل وبدون الزامه لاشروط

تدخله بازمة السلطة

شراء اصوات داخل المجس لمنصب رئيس مجلس الامة

آداءه برئاسة المجلس

تحيزه لمصلحته فوق البلد

تعاونه مع الفساد وهو من اساسهم

تصادم مسئولياته مع مصالحة
(ملكيتة باحد البنوك والحكم الصادر بنصب واحتيال البنوك / وامريكانا ومشكلة المبالغه المتعمده بغلاء المعيشه)


وهذا بس اللي يحضرني حاليا
:)

الخرافي من اكبر حرامية البلد فالسؤال هو... لما يدافع عنه من اساس !؟

اليس كلمة الكل... الكويت ليست للبيع و... لنخرج من الفساد و... ولنختار الاعضاء بضمير والخ

البدايه بالخرافي خير بدايه

للاقتناع اختي العزيزه فقط انظري في تاريخ هذا الشخص وتحالفاته ومكاسبه

عسى ما طولت عليك
:)

كويــتي لايــعه كبــده يقول...

حمودي...

ردي لك نفس الرد على العزيز فتى الجبل

في هذا الوقت فقط اريد نشر الوعي واحباط محاولتهم بالطمطمة

كويــتي لايــعه كبــده يقول...

Kuwait...

شكرا على تنبيهي بمقالة الشاهد

اتقبل مرورك وانتظره بعد

كويــتي لايــعه كبــده يقول...

هذيان...

اصدق ونص

واتفق مع محمد الجاسم بكلامه

نبي القانون على الكل
مو كل من رصيده اقل من كم مليون

As YoU LiKE يقول...

هذيان هنا .. يامرحبا مرحبا

اول شي مثل ماقال اخوي كويتي لايعة جبدي .. يخسي جاسم الخرافي يصير بطل قومي ..

انزين .. تبين نتكلم عن ماضيه الأسود .. لا حرام حتى الاسود لون حلو .. تبين نتكلم عن ماضيه الوصخ ؟

انزين لا نتكلم عن ماضيه خل نتكلم عن الفترة اللي صار فيها رئيس مجلس الامة .. والفترة اللي مسك فيها بدر الحميدي وزارة الاشغال .. وشوفي ثروتهم "آل خرافي" ارتفعت فوق فوق فوق فوق ..

الخرافي حتى الوصاخة انظف منه .. هو واخوه .. بتقولين رئيس مجلس الامة .. من رداة الحكومة اللي ماتعرف تختار واحد سنع .. لكن المصالح الخاصة فوق مصلحة الكويت .. والدينار لاعب لعب :)

مابي اتكلم عن جلسة الحكم .. لكن بتكلم عن زيادة الـ50 دينار .. يعني لو حــمــار يرأس الجلسة جان عرف اللائحة الداخلية عدل اكثر من الخرافي .. الحكومة تصوت بنص التصويت تنسحب من الجلسة .. الخرافي يرفع الجلسة !

ها للحين بطل قومي هالنصـاب ؟

هذيان يقول...

كويتي لايعه جبده
لا يفهم كلامي مدح أو تبرير للخرافي أنا نقلت لك أحداث تغيرت بقرابه 4 أشهر
طيب هل يجب على عشان أرفض الخرافي أؤيد السعدون ؟
عزيزي صدقني لا يهمني لا الخرافي ولا السعدون فلم تكن نفسي لدي قبل الكويت حتى يكون أي شخص آخر
تعرف شو المشكلة لدينا
أنك أن تعمقت بالأمور بمجملها وتلك عن عامة الأمور بالكويت تجد أنك تبحث عن أهون الأمرين لا أفضلهما
ومجرد أهون الأمرين يزيد من المشكلة
---
بالنسبة لي لا أقف عند الشخوص بل هناك أمور ربما اكبر نحتاج الوقوف إليها
---
هذا الرد للتوضيح لك
as u like
فأني والله عرفتهم كلهم عن قرب

هذيان يقول...

على فكرة كلمة بطل قومي كانت كلمة الصحافة والأعلام
فأنا لا أؤمن بالقومية حتى أراها تنجب أبطال أو أطفال

كويــتي لايــعه كبــده يقول...

as I like...

والقوات الخاصه على الجمهور وبعدين نكر

وتطمطم السالفه يوم الناس اصرت على معرفة منو اللي طلب القوات الخاصة

وتصويت الحكومه له لرئاسة المجلس

ومناقصه النفط ام مليار وربع وقت حل المجلس 2006

ومناشبتة لناصر المحمد على اختيار الوزراء
(الاخ يبي فهد الاحمد وشرار)

و
و
و

لو بنحصر سوالفه ما نخلص
بس نشر الوعي واجب
والا كلامنا عن حب الكويت مجرد كلام فاضي

كويــتي لايــعه كبــده يقول...

هذيان...

هلا بالغالية

ابدا ما فهمت كلامك مديح بالخرافي
حشاك

"هل يجب على عشان أرفض الخرافي أؤيد السعدون ؟"

ابدا بس لو فعلتي فخيرك خيرين
:)

انا شخصيا اشوف ان السعدون من كنوز الكويت
والاسباب كثيــــــــره

ومثل ما تفضلتي المهم ليس الاشخاص بل المواقف وبهالحاله هم الخرافي
X

كويــتي لايــعه كبــده يقول...

هذيان...

كفو
ولا انا
القوميه كلام فاضي قنعونا فيه المدرسين الفلسطن
وين القوميه وقت احتلال الكويت

لا تدقيني سلف على هالموضوع
:)

هذيان يقول...

شخبار اللي صادوه بالدائرة الثانية

اشوف المدونين ساكتين
معقوله ما اعرفوه
وإلا عشان من ربعهم ما يبون يحجون

ترى مش الخرافي ولا الغانم

ايه شفت شلون يا كويتي لايعه جبده حتى المدونين ينتقون المواضيع

As YoU LiKE يقول...

هذيان ..
نورينا طال عمرج ؟
قولي منو هاللي يشتري ؟

اذا مرزوق مايشتري .. قربت القيامة !

غير معرف يقول...

لوووووووووول


ويعطيك العافية بس ممكن توضح من هو اللي تدور علية الشبهات؟

بوتشخيص يقول...

كويتي ..

معاك بالمقاطعة طال عمرك :) ..قلبا و قالبا

كويــتي لايــعه كبــده يقول...

هذيان...

هلا بالغاليه

ما راح اتعذر عن احد او الدوافع لديه

بعدين هناك من طرح النقطه ببوست كامل مثل الاخ العزيز حسافتج يا كويت وهناك الكثير من يتحرى عن الحقائق وطلبني بتزويده بالمعلومات التي اعلم بها وهناك من يتحفظ على الموضوع حتى تتضح معالم الموضوع اكثر وهذا تحفظ ايجابي بالنهاية ولا استبعد او اجهل المدونين الساكتين عن تعمد
:)

وعن تطرقك للصقر... وبالرغم اني من مؤيديه... فكلامنا عن تطبيق القانون يشمله ويشمل اللي اكبر منه ويشكمل الكل دون اي استثناء

وسلمتكم :)
(نفس الشياب)

كويــتي لايــعه كبــده يقول...

As I LiKE...

مرزوق ما يشتري

يبيع الـ
Range Rover Sport
بـ19 الف دك
:)

يصير كريم بالتنزيلات وقت الانتخابات

وانتخابات 2006 نقل اصوات بالجمله

بس ما يشتري
:)

كويــتي لايــعه كبــده يقول...

حسافتج يا كويت...

ان وضحنا بالاسم دخلنا اطار الاشاعة

هدفت فقط بالوقت الحالي الى نشر الخبر والوعي لاحباط محاولات الطمطمة على الحقيقه

شفتها واجب وتحركت على مستواي المتواضع

نشر الوعي لا اكثر ولا اقل

كويــتي لايــعه كبــده يقول...

بوتشخيص...

كفو
وما من غريب عليك

نتأمل بالمزيد من المقاطعين

ولد الديرة يقول...

انا مقاطع علي عبدالله صالح من آب 1990

بس فيه مجال مقاطعات يديدة ليش لا

Barrak يقول...

شيبون بالضبط فلوس وعندهم وسلطه وعندهم شاليهات وعندهم سفرات كل سنه لندن ويسافرون

شيبون بعد
ارتاحوا وجابلوا صحتكم
كل شي تبونه شخليتوا لنا

كويــتي لايــعه كبــده يقول...

ولد الديرة...

زيادة الخير خيرين
:)

كويــتي لايــعه كبــده يقول...

Barrak...

يتنافسون على اللي بقى بالديره

"شخليتوا لنا"


ولا شيء

وبمباركة "الحكومة". رد بعد كم سنه واسأل نفس السؤال

الطبقة الوسطى سوف تتقلص الى درجة العدم

راح نصير اللي عنده واللي ما عنده
والعملية بادية صار لها كم سنة

وعندك بأغلب الدول العربية مثال واضح

اللي يضن وصلنا الى درجة اسفل مستويات الكويت تاريخيا
مــا شــاف شــيء!!1

بوتشخيص يقول...

بس حبيت أذكرك ..

لا تأجل عمل اليوم إلى الغد :) وين الواجب يبه لووول :)

كويــتي لايــعه كبــده يقول...

بوتشخيص...

هذى وحده من العيوب
:)

هذيان يقول...

كويتي لايعه جبده

اشصار على اللي صادوه يشترى في الدائرة الثانية :)؟

تدمدمت السالفه
مش الخرافي ولا الغانم على فكرة أنا أعرفها كامله

تذكر كلامي أنتقائية والله كنت عارفه

U-Turn يقول...

لوووووووووووووووووووووول
;D

بــــوست يــونس وويســع الصــدر بغــض النظــر عن الخبــر شراء الأصــوات في الدائــرة الثــانيه "يضيــق الخلـق "


عســاك على القــوه

كويــتي لايــعه كبــده يقول...

هذيان...

والله كنها طمطموها عدل
سلميلي على حكومة الاصلاح ومحاربة الفرعيات وشراء الاصوات والتدخلات بالانتخابات!1

انا ماني مع احد اذا هو غير محترم كان من كان
نعم انا ضد الخرافي لتاريخه الاسود وفساده الاعمى
وبنفس الوقت ما راح اسوي نفسي ما اشوف اذا الصقر قاعد يسلك نفس الدروب
الصح صح والغلط غلط والا الواحد يطلع كذاب!1

دام ان السالفه عندك كامله طرشيلي ايميل ونوريني الله يرحم والديك

ماني لاقي طرف خبر

وعساك على القوة يا اختي

كويــتي لايــعه كبــده يقول...

U-Turn...

الله يقويك

عسى الله يديم هالضحكه ووسع الصدر

شيء حلو وشيء خايس
هذى الانتخابات بالكويت