13‏/07‏/2008

هدوء العاصفة



بفترة الصيف أغلب الناس تأخذ إجازاتها السنوية وتوقتها مع الطقس الحار والغبار والجو السيء. من ضمن المجازين السياسيين والقياديين والموظفين بما بهم الوزراء وايضا الطلبة وغيرهم. من لا يأخذ فترة الصيف إجازة له فهو بإجازة ذهنية حيث أنه جرى العرف أن الإنتاجية في كل صيف بالكويت تنزل الى الصفر كما هو العرف في رمضان الكريم من كل سنة والاعياد والعطل الرسمية الطويله التي تقترب من نهايات الاسبوع حيث ان الاغلبية تتغيب في الأيام بين العطلتين. الانتاج
ية تنحدر حتى درجة العدم وكأن بقية السنه نتحدى هونج كونج!ء

بهذه الفتر
ة الصيفية وبإجازة مجلس الأمة بالذات ولكن باستمرارية الحكومة "رسميا" لكن ليس فعليا يلاحظ الأغلبية هدوء الساحة السياسية واسترخاء عناوين الصحف والمدونات. السؤال الذي يطرح نفسة هو هل هذا الهدوء بسبب عدم وجود مجلس الأمة أم بسبب عدم وجود مجلس أمة يفضح ما هو موجود من فساد وسرقات؟ وهل للفساد إجازة سنوية تكون الكويت بها نزيهة مثالية؟ أم هناك الآن ونحن في إجازتنا وغفلتنا من ينفذ ما هو غير ممكن في أي وقت آخر؟







* * *
Price Spotlight



ارتفعت
اسعار النخي والباجلاء والآش والهريس والجريش وما شبه من 250 فلس الى 300 فلس.ء


هناك 43 تعليقًا:

esTeKaNa يقول...

صباحك سكر
اوه عفوا
صباحك نخي وباجيلا
:Pp~

بالبدايه قلت ربما الاسترخاء في عناوين المدونات والحاله العامه سببها الاجازه الذهنيه التي تجعل الكل بعيد عن التفكير بحال البلد
!!
ولكن عند نقطة ان هناك من يستغل التوقيت لعمل ما لا يمكن عمله في وقت اخر
اقتعنت...ان كل شي بهالديرة جايز
:)
وكل صيف وانته بخير

Eng_Q8 يقول...

صباحك سكر

قلت اصبح عليك قبل لا اروح الدوام يالعميل :p

انا اقولك ليش بالنسبه لشخص فقير الى الله مثلي يأخذ الاخبار من الصحف او من الدواوين طبعا لازم يصير في خمول لان المصادر مسافره اشلون بالله بنعرف شصاير ... ماعندنا مصادر تتصل فينا واتقول لنا مثل فؤاد الهاشم

لكن باجتهاد مني احاول ان ادور على المواضيع المنسيه مثل انك عميل مزدوج وغيرها :p

والله ولي التوفيق :*

Dr. Academy يقول...

صباح الخير ..

بالنسبه للخمول العام و هدوء الساحه السياسيه ، فهو شي طبيعي و يكاد يكون روتيني بالصيف بسبب الاجازات و السفر وطبعا الملل اللي ماله اول ولا تالي ..

اما ان البعض قاعد ينفذ ما هو غير ممكن في الاوقات الاخرى..
يجوووووز .. ماكو شي بعيد

secret يقول...

والله يا عزيزي الصيف فعلا له تأثير مو طبيعي على العقول
فقد سافر من كان بالفساد يصول و يجول
و المواطن المسكين مبتلش و حايشه خمول

و النقطة الأخيرة واردة

:)

كويــتي لايــعه كبــده يقول...

بيالة...

صباحك نعناع

فقط انظري الى تحركات المتدينين وضغطهم على نورية الصبيح للحصول على مناصب.

وايضا رفض الاستئناف بقضية علي الخليفة بعد إجازة مجلس الأمة بأقل من اسبوع!

قصدي ن اوضح ان الهدوء ليس لعدم وجود مجلس الأمة كما يروج البعض فالفساد لا يعطل بل الهدوء لأن ما يحصل لم يلقي من يسلط عليه الضوء.

وكل صيف وانتي بخير وصجة وعافية

كويــتي لايــعه كبــده يقول...

انجنييير...

صباحك بلاستك معطب
:)

اذا هذا اجتهادك اجل ريح وياهم أحسن

ها شلون لابتوبك الخبل؟ صحى والا ليلحين؟
اشتر بالكادر لابتوب مو تطر من الناس... ترى عيب.

كويــتي لايــعه كبــده يقول...

police academy...

صباح الورد والياسمين

انظر الى ردي للأخت استكانه
هناك اسلوب عند الكثير من الناس في كل سنة ان في "أمور خلها حق الصيف أحسن"

شوف اذني وسمع عيني

كويــتي لايــعه كبــده يقول...

سرك في بير...

لا عيب بالاسترخاء لكن ان الانتاجية تقف تماما لأن حتى المو ماخذ إجازة يتعذر بالصيف عيب كبير. شدعوه كنا هابين ريح على شان نريح؟

لا ويبون يصيرون مركز مالي مادري مركز مال منو!؟

تخيل اللي ماسك آخر يمين ويالله يمشي... والحين هدى زياده.

هو كان ماشي علشان يهدي؟
هذا حنا

فتى الجبل يقول...

لا هذا ولا هذا
اعتقد ان السبب بالهدوء اهوا ان الفاسدين كلهم مسافرين بره وفاكينا ويا علهم ما يردون

فريج سعود يقول...

الحر يطيّر الحجي والافكار من الراس
اخذ نفسك مثال النخي والباجلا رافعين سعرهم من سنة وانت توك تدري
مشكور على صورة الغلاف
مع اني كنت ابي منصب رئيس التحرير بس يلا شي احسن من شي
:)
فكرة وايد حلوة
يعطيك العافية

كويــتي لايــعه كبــده يقول...

فتى الجبل...

لا مو كلهم
عساهم ما يردون بس في كم واحد بالديره ليلحين
تراهم كثيرين مع الاسف

كويــتي لايــعه كبــده يقول...

المرشد السياحي سعود...

حياك الله والله يعافيك

رئيس التحرير مره وحده!؟
منو واسطتك؟ شنو عايلتك؟ كم عندك؟ على الأقل """مع""" أي شيخ؟ (ممكن تدرج الخرافي فهو يعتبر شيخ)

راعي النخي والباجلا اللي عندنا مسكين حاول يقاوم غلاء الاسعار كثر ما يقدر لكن توه استسلم
اللي عندكم الظاهر من أول ناس رافعين

بس يقول...

كويتي لايعة كبده


مساااااااااااااااااء الأنوار


الخرافي مضبط خرفانه عدل :)


و الله من وراء القصد

secret يقول...

مادري بالضبط مال منو بس عادي طاف يا معود يت على هذي

enter-q8 يقول...

يمكن تاثير الغبار

why me يقول...

الله شهيتني بالهريس

:(

كويــتي لايــعه كبــده يقول...

بس...

مساء النور

الخرافي مستانس،،، خرفانه مستانسين
بس حنا اللي مو راضين نبلعهم
يمكن علشان كلوا الخضر واليابس!؟
مجرد يمكن

كويــتي لايــعه كبــده يقول...

سيكرت...

لا ما جت على هذى بالذات لكن هذى على هذيك طلع الداس!1

كويــتي لايــعه كبــده يقول...

بو وليد...

؟

كويــتي لايــعه كبــده يقول...

واي يو...

لا تخلين بخاطرك

راس مالها 300 فلس

عوافي مقدما

secret يقول...

اوافقك الراي بس قصدي ان العين بصيرة و اليد قصيرة
شي ينرفز

كويــتي لايــعه كبــده يقول...

السر الخفي...

مو بالقصر اللي تظن. أقل ما فيها نقعد في بلاعيمهم علشان البوقات ما تحدر.

التدوين شفافية مفروضة على النظام غصب.

Eng_Q8 يقول...

لا حول الله

طلعت زعول

يبا اتغشمر وياك اشفيك استانس لما اطفرك ما يصير


خلاص يبا محنا متغشمرين مره ثانيه

اتصدق عاد امس كان ابيخ يوم بهالسنه الظاهر حوبتك حسبي الله على ابليسك

كويــتي لايــعه كبــده يقول...

مهندسنا...

أفا!
ما عاش اللي يزعل عليك
أزعل من شنو؟ غشمرة ويا زين الغشمرة
ما أدري شنو اللي فهمته غلط لكني مو زعلان وبالعكس أنا أعزك وقابل بغشمرتك وميت من الضحك وانا اكتب

يمكن لازم أوضح واحط سمايلي فيسز أكثر
:)
:)
:)

أخاف انا اللي ثقلت شوي؟
اذا جذيه فأنا أعتذر منك بكل فخر
تراك تهمني ومن اللي أعتز فيهم والا ماني ملزوم آخذ خاطرك

أخاف "صباحك بلاستك معطب" ما عجبتك؟
:)
كانت غشمره عن كمبيوترك اللي بدلته

تراني أضحك شوف
:)
:)
:)
:)
:)

Eng_Q8 يقول...

لوووووووووووووووووووووووووووول

اي جذي اوكي :p

Mok يقول...

بالعكس الفوضى مستمره بالجرايد

ولا ما تقرا

Hamad Alderbas يقول...

الغبار اهو المشكلة

بنطلع بحر الاسبوع اللي فات ما قدرنا

كويــتي لايــعه كبــده يقول...

انج كيو8...

نعم يبا اضحك عسى الدنيا تضحك بوجهك

فهمتني غلط وخسبقتني

الناس الطيبة أمثالك قلة وانا شخصيا حريص عليها وما ابي أخسر منها أحد

شرايك فيني وانا اتغازل فيك؟
:)

بس ترا مو منهم ها!
:)
ء

كويــتي لايــعه كبــده يقول...

موك...

لا أقرا
بس احاول ما اقرا

والفوضى الحالية هدوء نسبي

شلون الأسهم وياك
تداول الصيف دايما قليل

كويــتي لايــعه كبــده يقول...

مع حمد كيبورد...

فيل ترا ما انسى
:)

الغبار الظاهر قاصدك
:)

والله انا المفروض أطلع شوي وافضفض بدال الضغط النفسي

بس مشكلتي أحب الموتورسبورتس
بس وين؟

البركة في باسل سالم الصباح
خرب الرابطه
(رابطة هواة السيارات والدراجات النارية)

اروح البحرين يعني والا دبي كل مره!؟

الديرة بكل مجال الله بالخير

ولد الديرة يقول...

يقال ان السفير الايراني وراء زيادة سعر الآش

يبيله ينصك بلقب شخص غير مرغوب فيه

Barrak يقول...

انا اقولك ليش

لان الناس اغلبها مسافره مرتاحه من ناحية الاستمتاع بالجو او بالمناظر الطبيعيه

وهذا يخلي اللي فيه صرخه مايصرخ واللي فيه شكوى مايتشكى


انا اقول لو يبدلون معاشاتنا بتذاكر احسن واهدأ

ابي باجيلا

كويــتي لايــعه كبــده يقول...

son of the country...

اذا السفير الايراني ""بس"" ورا سعر الآش فأنا راضي

كويــتي لايــعه كبــده يقول...

براك...

وانت الصاج يا ريت لو يقلصون الديرة بعيد عن محيطنا هذا ويودونا مثلا... اوروبا

مجرد اقتراح
:)

وانا ابي رقي

As YoU LiKE يقول...

سبب الهدوء ماكو مشاكل، جريدة الوطن انقرصت من "المراجع العليا" لو بيدها جان مولعة البلد 24 ساعة !

الفساد من زمان بإجازة .. ولا نسيت الناقلات وهاليبرتون ! .. والحق ضايع بوجود المجلس او من دونه !

----------------------

الحمدالله قدنا التحرك المعارض وسيطرنا على اسعار الآش والباجيلا والنخي وجميع الاصناف الاخرى في منطقتنا.

بعد قيام اكثر 300 متظاهر، رضخ محل النخي والباجيلا الوحيد في المنطقة لمطالب المتظاهرين، قائلأ والدموع تملأ عينيه الزرق: تكفون خلاص .. مارضى اشوفكم بهالحال، الاسعار ترجع مثل قبل، ورفع عقاله ومشى.

مراسلكم من قلب الحدث
ازيولايك الازيولايكي.

honey يقول...

هذا يسمى بالهدوء الذي يسبق العاصفة

فمثلا لو يستمر مسلم البراك بالصراخ على طوال العام لنقطع صوته و سكت للأبد

لو إستمرت المدونات بتفاصيل سياسية تثيؤ النفوس لتعبت النفوس بعد فترة و إنتقتل شعورهم بمواجهة المشاكل


فطبيعة حالنا تعمل على إثارة الناس و تحفيزهم حتى يصلوا لدرجة التنفيذ و العمل على الإصلاح في هذه اللحظة يهدون الإمور بإسم الغجازة حتى تبقى الغمور على حالها

يجوز ان هناك من يستفيد من غياب الحكومة الفعلي

لكن ليس لنا دخل نحن في فترة إجازة و ليس علينا مراجعة هذه الغمور هذا ما عودةنا عليه و صدقنا و عشنا

كويــتي لايــعه كبــده يقول...

as I love...

عساها ما تنسى القرصة

لا والله ما نسيت ياخوك!

---

لوووول

"عينيه الزرق" ولابس عقال؟
شنو مال النخي والباجلا مالكم جناعي!
:)
لووووول

منطقتكم كشخة!
ء

كويــتي لايــعه كبــده يقول...

تعال لا يكون تقصد خالد السلطان !؟

:)

كويــتي لايــعه كبــده يقول...

شهد...

اي والله الهدوء الذي يسبق العاصفة

"يجوز ان هناك من يستفيد من غياب الحكومة الفعلي"

بل هي "الحكومة" او السلطة بالأصح التي تستغل إجازة الصيف لتمرير الامور "بالسكيتي"


حياك الله

As YoU LiKE يقول...

انفضح صاحبنا.

اي اي اهو .. بس قبل لايوصل :P .. من غير لحية بس :)

كويــتي لايــعه كبــده يقول...

as I laugh...

:)

Amphibious يقول...

وضع البلد اللحين ما يحتاج استغلال توقيت لان كل من قاعد يسوي اللي يبي بكل فصول السنة

كويــتي لايــعه كبــده يقول...

كلاشنكوف...

مو خوش شيء
:(