18‏/07‏/2008

صوتكم وصل حبيبي



بو عيده شيطلع !؟

بنته اسمها عيده والا اسم عايلتهم ؟

والناس اللي تتصل فيه -الله يهداها- من صجها ؟





* * *


هدية

هناك 31 تعليقًا:

غير معرف يقول...

مين ده؟

وسيشهد يقول...

يبا مصالح مصالح مصالح قناة كاملة لعائلة واحدة

جهلة في الاعلام

و السالفة و مافيها بالانتخابات منو ينزل ؟؟

عيالهم

قناة الطرارة الاولى بالكويت

فريج سعود يقول...

بالله قناة سكوب منو تبي يطلع فيها جاي لينو مثلا ؟

esTeKaNa يقول...

مأساة
!!
والمأساه المذيع الثاني اللي وياهم بسكوب الريال المتعسر اللي ما يركز وهو يتكلم
:(
اتمنى القى جواب وتفسير للي يصير بسكوب
طراره على مستوى عالي
!!

Dr. Academy يقول...

لا لا لا الا بو عيده :)

ابدااااااااااااااااااااااااااااااااااااااع

احلى شي لما واحد تبرع، يقول له بوعيده: نت كبير .. انت قلبك كبير .. يا حنون .. انت ابو الانسانيه .. انا راح اسميك ابوي ..

لوووول بوعيده فصل عليه .. يقوله اسمحلي اناديك يبا ...

بس يا جماعه والله مسوي جو

كويــتي لايــعه كبــده يقول...

Anonymous...

مدام ما تعرفه ماني مخرب ثقافتك

لا تعرفه احسن

:)

كويــتي لايــعه كبــده يقول...

ولد الصقر...

حده!

ناس تلمع نفسها بفلوسها


سلم على عبدالله

(لا تسأل)

:)

كويــتي لايــعه كبــده يقول...

فريج سعود...

على الاقل لاري كنج بعد التقاعد

كويــتي لايــعه كبــده يقول...

بيالة نعناع...

لووول

اوووه عاد هذاك المخلوق المفضل عند زوجتي وما طوفنا له يوم وقت الانخابات... لا تقولين فيه ندوه مهمه والا غيره.

تراه مدير القناة ودكتور وهو اللي دعا بو عيده ويوم جاهم الاستوديو قدمه جذيه...
"أحد المتصلين الدائمين للقناة قلنا له تعال ""طق ويهه شلاله"" ويه"

بعدين وسعوا الكامرا والا الاخ قاعد جنبه ويرد "اي والله اي والله" كاااااك

استضافوه مره مرتين والا يعطونه برنامج يحشيه

هدية لك يا النعناع صورته باضيفها بالبوست

فاصل ونواصل
:)

كويــتي لايــعه كبــده يقول...

Dr. ac...

أهو جو

(حر وغبرة)

:)

ء

الأستاذ حمام يقول...

كويتيين ياحبكم حق الشماتة..يعني شنو استفدنا من هالموضوع؟

انا مو معاك في طرح مثل هذه المواضيع..

وعموما مشكور على جهودك

honey يقول...

شنو هذا

وين مار علي غسم بو عيدة اعتقد إسم عايلة


اللي تحت شنو إسمة هدية؟ و إلا هدية لنا إذا لنا ... هذي هدية بالله

حلم جميل بوطن أفضل يقول...

خايف أقول اللي بقلبي

تتئل و أتعاند وياه

:)

خلنا ساكتين يا معود

بس يقول...

أنا هالقناة ما أشوفها كلش اللهم لك الحمد :)

حياتي هدف مو عبث يقول...

شفت حلقة وحدة

وإنصدمت من اللي يتصلون

الله يرحمنا برحمته

ووصوتك وصل

:p

كويــتي لايــعه كبــده يقول...

أستاذي حمام...

رايك انت من مجموعة الناس اللي يهمني من غير مجاملة علما بأن المجاملة للي يستحقها مو عيب فخلني أشرح

الله يسلمك كنا بالديوانية (لاحظ توقيت البوست) وعندنا واحد من الربع شوية ملقوف ويحب يفرفر بهالقنوات وحط لنا قناة سكوب وبو عيده. كان سؤالي صريح وابي اعرف اذا اسمه لقب والا اسم العائلة؟ سألت من أعز من الشباب بالديوانية ولم يعرفوا ثم نقلت السؤال الى من أعز بعالم التدوين.

كان السؤال صادق وليس استهزاء

ومن باب آخر أنا أشوف للمدونات أدوار كثيرة ومن ضمنها الرقابة الشعبية الذاتية على المجتمع وبعضنا البعض والرقابه الشعبية العامة على السياسة والسياسيين والاقتصاد والشؤون العامة... حتى وأن كانت عن طريق الأسلوب الساخر فهي لا زالت رقابة وتساهم بتوجية الرأي وتخميد أو تدعيم بعض الأمور

أيضا من ناحيتي الشخصية أرغب بالتقرب من أخواني وأخواتي القراء من مدونين وزوار تجسيدا لما نعلنه من أهداف مثل نحن مجتمع واحد والرفض للتقاسيم الطائفية والعرقية والاقتصادية وحتى الفكرية ويفرحني لما أتقرب من أخ أو اخت من التيار الديني مثلا فأنا لا اعتبر نفسي منهم لكن اريد ذوبان الحواجز وفتح الحوار الصادق والاثبات لهم اننا منهم وفيهم وهم منا وفينا وتقارب وتقبل أفكار بعض.

بعدين
all work and no play makes jack a dull boy

انا مشكلتي اني جاد زياده عن اللزوم وحبيت انقل جو الديوانية الطيب الخفيف الى المدونة... بس لا يهمك البوست الجاي ارد أثقل دمي

:)

شوف قاعد أضحك ^^^
ء

كويــتي لايــعه كبــده يقول...

shahad...

شكرا. انا كنت شاك انه اسم العائلة

هذا الله يسلمك هدية للأخت "استكانة"
هي اسألت عنه وحطيت لها الصورة
اسمه "د." جاسم الشمري وهو مدير القناة وكان يقدم برنامج وقت الاتخابات وانسان تحفة... لكن بصراحة كان يقط قطات غيره ما يجرؤ عليها (ادري ادري لأنه مرفوع عنه القلم)

ولا تزعلين المرة الجاية نحط لك مهند ابو لحية صفره
:)

كويــتي لايــعه كبــده يقول...

حلم متواضع ببلد مثل البشر...

أوي ألبك!
:)

جربنا السكوت... ما نفع

ناس تتفاخر انها ملحده والنقاش الحين اذا هذا يعتبر حرية تعبير والا لأ
وانت رأيك محترم وتقول لي خلني ساكت يا معود؟

قول يبا قول
ويا ريت كل اللي ينقال مثل كلامك

كويــتي لايــعه كبــده يقول...

بس...

ولا أنا

الا ايام الانتخابات كنت اعتبرها فاصل فكاهي سياسي مثل
The Daily Show with Jon Stewart

بس الله يسامح الملقوف عندنا بالديوانية
:)

كويــتي لايــعه كبــده يقول...

حياتي جول نوت أي ويست...

آمين

أنا بعرف الصوت وين يوصل؟
الوايت هاوس؟
والا البنتاقون؟

الله يعين الكل

U-Turn يقول...

لووووووووووووول
الله يستر عليه مسكين
ما أدري من ويين يايبينه ;p


ويعطييك العافيه أخوي

كويــتي لايــعه كبــده يقول...

فوق تحت...

الله يعافيك

ديري بالك باللفه
ترى فيه يهال يلعبون

حسام بن ضرار يقول...

بوعيده ماني مقيمه الصراحه لأن ما سمعت فيه إلا من خلال قناة سكوب

بس شكله يذكرني بالحرس الجمهوري ايام الازمه


اما الثاني هذا

فيقال انه اسمه الحقيقي جاسب، وهو من اهل شمال، ولا اشتهي اطالعه ولا اتباعه لأنه مو صاحي

ختاماً: قناة تملكها و تديرها فجر السعيد شنو تتوقع تطلع لك؟

enter-q8 يقول...

تكفي بس حرام عليك

اللي بالدوام يتمعون عندي و يحطون على سكوب و يقعدون يضحكون
اقولهم بلا قرف
هم مصممين يتابعون

الاملق اكثر
الدكتور جاسم دكتور شنو ما ادري
اهو و الفضلي بعد الساعه 11 بالليل
تعال شوف تعليقاتهم مع بعض
مال واهم يسولفون
تقوم بالعاقل و طق فيهم و تخليهم يروحون بيوتهم

ويع

اي بو عيده يعني لقب العائلة مالهم

بس حاشتني حموضة

حسام بن ضرار يقول...

اذا عايلته بوعيده: فالاسم قريب من اسامي الفلسطينيين و الاردنيين

والله اعلم بالصواب

كويــتي لايــعه كبــده يقول...

حسام بن ضرار...

أي أزمة؟
ما كان فيه أزمة. لا تتبلا على أهل الحضارات العريقة بالشمال!

وشفيهم الحرس الجمهوري؟
ناس مسكينة تتيع الأوامر وما لها ذنب بشيء.

انت ما تدري انه من التخلف ان نذكر شيء حصل قبل 1800 سنة!؟

عباقرة الجيل الحين يقولون جذيه
والا انا من أهل التخلف اللي يقولون عنه
:)

يس معقوله اسمه جاسب!؟
اول مره اسمعها!

واللي اتوقعه من قناة السعيد هو بالضبط ما هو حاصل من مستوى

كويــتي لايــعه كبــده يقول...

بو وليد...

وانا ربع الديوانية نفس الشيء

وجاسم أعتقد دكتور انف اذن ولوعة كبد
:)

اما فصلاتهم... مره فصل على الفضلي والغلاء بالجمعيات يقول له انت تروح الجمعية اصلا؟ شتشتري؟ شامبو وجل؟ انت شدراك بغلاء الاسعار؟

والظاهر بو عيده اسم عائلة والله اعلم

انت حموضه وانا لوعة كبد؟
المفروض يطلع مدون جديد يسمي نفسه بيريير والا اينو
:)

كويــتي لايــعه كبــده يقول...

حسام يا حسام...

شتبيني أقول يعني!؟

:)

حسام بن ضرار يقول...

الغزو امسحوه من ادبياتنا و من وسائل اعلامنا و من مناهجنا

قاموا يسمونه الغزو الصدامي
ما جنه العراقيين ألعن من صدام و ماجنه عموم العراقيين غزونا ولو يحصل لهم جان صلخونا كلنا

و مو بعيده عقب جم سنه بعض الكويتيين يطلعون الكويت اهي اللي غلطانه على العراق

و لو يحصل لهم جان امسحوا ذكرى الغزو من ذاكرتنا، لكن هيهات لهم و ألفين هيهات

كويــتي لايــعه كبــده يقول...

حسام...

ومنو قال لك ان هالحين ما فيه ناس ناسين او يتناسون

الكلام اللي قلته لك فوق مقيول لي هاليومين اللي فاتو!!!

و"تنقيح" التاريخ ما هو جديد علينا

اسمهع هذى... في بيت في منطقتنا ايام الغزو (اللي ما صار) كانوا الجيش الشعبي دائما حاطين نقطة عنده. مو سيطرة... يا ريت! استراحه.

البيت هذا امهم عراقيه ولها أخوان أشقاء بالجيش الشعبي فكانوا يقدمون لهم الماء والأكل والشربت!!!

الكائنات الحية بالبيت هذا لا زالوا موجودين وبايعين اصواتهم وقت الانتخابات وبانين خارج سورهم وماكو علاج بالخارج والا بعثات دراسية لعيالهم الا ونشفوها!

ما اعتقد حاصلة لخوالهم بالبصرة والا بجهنم العراق

لا تسألني برايي بالأثول باللي عطاهم جنسية
والا ليش ما سجبها منهم بعد تعاونهم مع العدو

الله يخلي الريس...

الأستاذ حمام يقول...

عسى عمرك طويل على التعقيب على ردي
بالعكس انت اللي رايك يهمني ودائما اعتبرك صديق واستاذ واحب طرحك الراقي هذا

اسمح لي بس انا كان قصدي انها مو قضية رأي عام مو أكثر...

وصاج كلامك الناس ماتبي دايما جد.. سامحنا ومنها للاعلى..

وتشرفنا صداقتك يا خوي