29‏/08‏/2008

السياحة الداخلية والـWD40

تحديث أسفل بالأسفل
--------------------------------

بما ان الأعزاء بعالم التدوين كل من صيف بمكان وما قصر وحرنا بالصور يوم رجع... قلنا نشارككم وين حنا صيفنا.

اللي راح ألمانيا واللي راح أسبانيا واللي سكوتلاندا وبر مشرف وفي منهم اللي قزرها شاليه و
اللي شرى لعياله بلاي ستيشن 3 (ترى دخيلة يا بوفلان)

حنا الله يسلمكم ذاك اليوم طاقتنا الغلقه "وين نروح... وين نروح؟"...
المجمعات ما اتحملها
وفراره بالشوارع ما سويناها يوم صغار علشان نسويها الحين

ماكو الا نتعبث بالبروجكت اللي راكنينه فتره

بروجكتي هذا موتر أنا أشتغل عليه متى ما مزاجي (والوقت) سمحلي
شغل ايدي من الـ"أ" الى الـ"ياء"
هواية القريس والسكاريب
:)

جولة بالسكراب...
ء

شارع السكراب الرئيسي ومحلات السكراب يمين ويسار



واجهة أحد المحلات العامرة

بيفتح بالمارينا قريبا


"أبي القطعه تنقط قريس فرش مو ناشفة قديمة"ء


سكن العمال بالسكراب نفسه
برادة مياه أفيان


وين تنتهي سياراتكم بعد ما تختفي من الأنظار


طرمبة بريك منتحرة
Brake master cylinder


مكاين سمول بلوك جي أم


سيارات بنص هدوم


قسم تجهيز الأغذية


قسم ..."الخلا"ء


كلوس أب


من تجهيزات حسن أبل وأبيات


قاعة الضيافة
والديوان


تشكيل فني


اللي ما شاف الغروب بالسكراب ما عاش


شهالبيوت؟


بنيان جديد؟


مدرسة يسار.
السكراب عبر الشارع يمين


ناس شغالة


وناس ساكنة بعد



هااااذي مدينة سعد!؟
لو السعودية مو ماخذة الخفجي كان سكنونا فيها
(وخلوا أراضي فلان وفلنتان يزيد سعرها)ء



ردينا الديره بالبوينج مالت صاحب السمو الخرافي



على الشويـــــــــــــــــــــــــــــــــــــــخ

(الصناعية يا الكشخة مو السكنية)ء



الشويخ ستريب
بس من غير الكازينوات (حرام)


ناقصتني كم شغلة


سيارات ما شافت الوكالة من طلعت


ماي فيلا مودا


اتعبلي عالذوق


أيس هاردوير حق كم
coupling
لزام الترهيم


ثاني يوم اشتغلنا على الموتر
ماكو صور
ما نبي عيون
:)

-----------------------------------

الخرافي عاد إلى البلاد

"يا فرحة البلاد !!!"

اللنك



بس حبيت أضيف صورته الى بوست السكاريب
ولو اني أفضل صورة مدقر مصدي



هناك 48 تعليقًا:

kuwaitawy يقول...

ههههههههههههههههههههههه


اسمحلي يا كويتي


صورك ولا صور كل من صيّف برا الديره وحط الصور بالمدونه




انت صورك اقوى




لوووووووووووووووووووول

حسام بن ضرار يقول...

لا الغروب بأمغره يصك على الغروب بإنترلاكن

شنو هالمصيف العجيب اخوي .... ضبطنا

اهم شي ما لقيت موس حلاقه حلي يم الكلوس اب؟

على طاري الخفجي، تصدق لو للحين كويتية و يوزعون بيوت فيها، انا اول واحد اتقدم

شحلاتها و يكفي بحرها احلى من اي شاطئ بالكويت .. لا تقول لي بنيدر ولا الجليعه

بس اختيارك عجيييييب للإجازه الصيفيه

و شكلي السنه اليايه بسوي مثلك عقب ما انحرقت بمصرف سفرة هالصيف

:)

غير معرف يقول...

صورة معجون الاسنان كسرت خاطري
:)
-----
رحت الحراي جم مره يوّنس

enter-q8 يقول...

وييه و الله تغيرت الديرة
خبري بهالسياحة ايام
الكمارو
وشلة الفيحا و اليرموك

أبو لطيف يقول...

سياحة سكرابية

منتازة جدا

nanonano يقول...

shukran le2annik '7allaitny ashof mukan adri enny ma ra7 ashofah 6oul 3umri...kaffi rou7tik eb hal 7ar hathey yabeelha shega3ah

honey يقول...

عني سيارتي حيبيتي مصيرها بصير هناك

اصلا إبتسمعون معجزة القرن سيارة تبكي على حالها

بس يعني مفهوم الطلعة عندك إسمحلي فاشل جداجداجدا إخلصصت لماكن رايح السكراب

مرة ثانية لا بغيت تطلع شاورنا إبوست نعطيك إقتراحاتنا

و هذي الكويت صل على النبي
;p

أبو جيج يدور نعاله يقول...

شلون إتروح أمغرة و ما إتجرب المطاعم الراقية أم سبعة نجوم ؟


ما يصير سياحة بدون مطاعم


المرة الثانية نبى إنشوف صور المقهى الفرنسى إللى عنده فرع فى (هارودز) لندن

ثلاث أفرع بالعالم

باريس - لندن..و الرئيسى بأمغرة

كويــتي لايــعه كبــده يقول...

كويتاوي...

أقوى ريحة؟

:)

كويــتي لايــعه كبــده يقول...

حسام الإنترلاكني...

اضبطك وانا ممنون

انت بس امش على الدائري الرابع لين يخيب حظك
تلقى خرابة على اليسار
تراك وصلت المصيف

لقيت بلاوي متنتلة
شصور وشخلي؟
:)

أيييييييه توزيع الأراضي...
:(
قاطين خلق الله بقلعة وادرين
ويكذبون ان أراضي الكويت كلها لشركة النفط
الظاهر ما سمعوا بـ
non-vertical drilling
واتعرف كل كيلو مربع لازم تحفر فيه مباشرة

انت بس شوف الأراضي من باسمه واتخلص

البوق والتنفيع "قـــــــــاتل" الديرة
يقول لك اللا مركزية
يقولك نبي ننمي مدن
ووو
ديرتنا (وكذب """حكومتنا""") ونعرفها عدل

نرجع للغشمرة والبريك الذهني من زفت الديره أبرك

"و شكلي السنه اليايه بسوي مثلك عقب ما انحرقت بمصرف سفرة هالصيف"

الظاهر انا سابقك سنة

يمكن انا اروح ألمانيا

شلون سكرابهم هناك؟
قطع الألماني طحيح؟

:)))

(ماكو فايده)
ء

كويــتي لايــعه كبــده يقول...

حمودي...

لو تشوف الظروس يكسر خاطرك المعجون زيادة
:)

قاعد احاول اتخيل "حمودي بالحراي"

زين ما كلوك

كويــتي لايــعه كبــده يقول...

بو وليد...

عاش بو الكمارو
:))

لله الحمد ماهي حاجة كثر ما هي مزاج ودلع

(عفية مزاج وامحق دلع!)
ء

كويــتي لايــعه كبــده يقول...

ابو لطيف...

هواية منتازة

شكلك عندك خبرة مع جمهور السكراب
:)

كويــتي لايــعه كبــده يقول...

نانو نانو...

العفو

عساك ما تشوفينه

لا والله يبيلها الرغبة بكسرة روتين قوية
وشوية هواية خاسية مو مثل الناس
:)

كويــتي لايــعه كبــده يقول...

شهد...

اتصدقين عاد افضله على الفرارة بالمجمعات وشوف الأشكال والأخلاق المنتشرة بالديرة

شيء يحزنني وما اتحمل أشوفة

على الأقل السكراب ما فيه
starbucks
:)

كويــتي لايــعه كبــده يقول...

بوجيج...

ومن قال لك مو مجرب
انت ما سمعت عن صمونة مرق
والا عيش بكيس مال السعوديين

انت بس لا تاكل شيء فيه لحم علشان تقلل فرصة التسمم
على فكرة ترى هالمطاعم ممتازة لتقوية المناعة

حاضر يا بوالكيوي

واصور لك سيارات الخليجيين بره عند الباب
(بغيت أقول "رصيف" لكن ماكو)
ء

أبو جيج يدور نعاله يقول...

كويــتي لايــعه كبــده


عيش بجيس إمجربينه ببلده الأصلى السعودية


بس صمونة مرق...ما جربانها حتى الآن


ما أحب أسأل أى نوع مرق

و أتوقع هى من عائلة صمونة المعكرونة و صمونة كاكاو بونجوم

بوست سياحى رائع


وواحد من أفضل خمس بوستات كويتية هذه السنة

Kuwait يقول...

لوووووووووووووووووول ..
الحين هالأشياء لما تشتريها من البر تشتغل يعني ؟؟
أصلا اهي ما انقطت هناك الا انها خربانه عدل والا كلامي غلط !!

gawga3a يقول...

لووووووووول .. تعليقاتك اتينن

كويــتي لايــعه كبــده يقول...

بوجيج...

بوجيج مرتين بنفس اليوم!؟
انا اعتبر نفسي "وصلت" بالتدوين
:)

لا تسأل عن لحم المرق أحسن
mystery meat

"بوست سياحى رائع

وواحد من أفضل خمس بوستات كويتية هذه السنة"

لا بالله التدوين الكويتي بخير عيل

عندك التوب فايف وما تقول؟
عاش قاسي قاسم
Casey Kasem

تعرفه؟

كويــتي لايــعه كبــده يقول...

كويت كويـــت بلادي الكويـــــــــت...

لا حدك عاد
كلامك غلط وانا اقول لك شلون

الحين اذا الهيئة الأمامية
(front suspension)
مدعومه السبرنقات مو شرط متضرره وتنفع للاستخدام

وحتى الكشنات لو مولية غبار ووصخ تاخذهم ب20-30 دينار وتنجدهم بجلد ألماني طبيعي مثلا وتحطة بالسيارة اللي تبي كـ"أب قريد"

وهناك قطع استهلاكية لا تستخدم مستعملة مثل السفايف والربلات والمعاونات وما شبه

اما قطع البودي مثلا ومعظم القطع الميكانيكية إعادة استخدامها مستحب لدى أغلب الطوائف
:)

بعدين ريسايكل نحو مسؤوليتنا لكوكبنا
:)

جرين بيس يقولون مو انا

كلش ولا السكراب يا اختي
ما نرضى

مثل ما فيه ناس تودي سيارتها للوكالة حتى للبنشر (شايلينها على سطحة مديرة منزلهم داقه عليه من الوسيط)
فيه ناس حتى تجفيت المكينة تسويه بالبيت

شفتيبني شلون عصبت؟
:)

هذا انا معصب ^^^
ء

كويــتي لايــعه كبــده يقول...

gawga3a...

وأدق عود بعد

Hamad Alderbas يقول...

امغرة شحلاتها بنهار رمضان ايام الشتوية

بس الحين جنه قالو بينقلونها او شي جذي

وبالنسبة للمناطق السكنية فلا تحاتي يبيلها شوية صبر على ما يقيمون الاتحاد الخليجي وعقبها الحكومة بتحطلنا بيوت بالربع الخالي وبهالحالة بيفتكون منا :)

كويــتي لايــعه كبــده يقول...

العزيز حمد...

"امغرة شحلاتها بنهار رمضان ايام الشتوية"

اقعد!
كانك مزجت أكثر مني
:)

"بس الحين جنه قالو بينقلونها او شي جذي"

ينقلونها ليش ما ينقلونها
مثل ما نقلوا الحراج
تدري... كل شيء ولا مصالح التجار الكبار
لو """الحكومة""" تنتبه للديره كثر -أو حتى نص- التجار كان حنا بخير

"وبالنسبة للمناطق السكنية فلا تحاتي يبيلها شوية صبر على ما يقيمون الاتحاد الخليجي وعقبها الحكومة بتحطلنا بيوت بالربع الخالي وبهالحالة بيفتكون منا :)"

حتى حنا نبي الفكه منهم
ليش هم ما يروحون الربع الخالي ويفسدونه؟
:)

secret يقول...

و الله فنان على الصورة الثالثة شلون مطلع ظلك
حركات يبا حركات

بس طمنتني ان اكو مكان مافيه
Starbucks

:)

كويــتي لايــعه كبــده يقول...

سيكرت...

اي مو الفن ما يطلع الا بالسكراب
:)

عطهم اسبوع
يبطلون عشرة

ما سمعت عن ستاربكس مبطل داخله ستاربكس؟

ترى مو كول اللي ما يمسك قلاص ستاربكس
ترى هم اللي اكتشفوا القهوة
مع شعب السبايكي طبعا

حلم جميل بوطن أفضل يقول...

Tin City

العتب على الطليان

أقصد الشعب

الله يخلي الحكومة

:)

كويــتي لايــعه كبــده يقول...

ظل بيها حلم جميل بوطن مادري شلون قايل؟...

الايطاليين مالهم شغل

"الله يخلي الريـــس...
الله يطول عمــره"
ها خوتي ها
!!!

ولد الديرة يقول...

لووول

عجيب الترويح السكرابي

برادة الإفيان وين تنباع؟

غير معرف يقول...

الصوره اللى معلق عليها ناقصنتى جم شغله
الله يهداك مقلوبه


براقش من بر مشرف

:P

كويــتي لايــعه كبــده يقول...

ولد الديرة...

السكراب الترويجي

تنباع الله يسلمك بالفجه اللي جنب محل العصير مال جمعية الضاحية

أو الراية

انت شوف الأقرب لك

كويــتي لايــعه كبــده يقول...

براقش بالتفاحة الكبيرة...

يعني صورة دليل مدينة سعد عدله!؟

صور عوجة على الديره
انتي شحارك؟!

ترى بروحنا قاعدين بالحر وما نتحمل تفلسف اللي بالبراد!

كااااااك

(واحد بيتهاوش غصب)
تدرين ثقافة السكراب
:)

كويــتي لايــعه كبــده يقول...

أقول براقش...

بتردين قبل كرسمس؟
ما صار صيف!
والا حالفة ما تردين الا والدرجة بالعشرينات؟
:)

عاد بر مشرف مو مال الواحد يقعد فيها هالطول (ما شاء الله)
عسى فرفرتو منيه ومناك
ترى فيجاس (استغفر الله استغفر الله) يقولون حلوه
:)

هنيئا

بس عاد ردي!
:)
ء

بومريوم يقول...

ذكرتنى بايام التفرفر بالسكراب بالقوايل..
احسن مطعم بالكويت مطعم السكراب...
بس ليش ما حطيت صورة الموتر؟

كويــتي لايــعه كبــده يقول...

هلا بـ بومريوم...

انا بين فتره وفتره أجدد الذكرايات

السكراب كويزين اسألني عنه
مع بيبسي حار
علشان تعرف النعمة لي رديت للحضارة

ما حطيت صورة الموتر... خايف من العين

:)

J Daily يقول...

ورنا صورة الموتر؟ (:

كويــتي لايــعه كبــده يقول...

يعقوبووو...

نو موتر

تبيني اصور لك العدة
ما عندي مانع

:)

أبو جيج يدور نعاله يقول...

كويــتي لايــعه كبــده

Casey Kasem

و هو دى جى من أصل عربى...وايد عتيج

بس التوب تن ما يحلى إلا بتقديمه

ذكرتنى بفترة الثمانينات

كويــتي لايــعه كبــده يقول...

بوجيج...

من اصل فلسطيني وانت الصاج

زين الحمدلله
ماني بروحي العتيج

انت خابر قاسي قاسم
بومريوم يحط بوني أم
حمد يذكر
dance like an egyptian

عاشو الشياب
("نسبيا" أدري هناك اللي صج كبير يقرأ ويضحك علينا... آسفين عمي)

:)
ء

As YoU LiKE يقول...

لقيت الخرافي هناك ؟

والله صلعته فيها فايدة .. تمسح جامات سيارتك اللي خربت بعض الصور :)

مكان للعبث يقول...

ادعوكم لمطالعة مدونتي "مكان للعبث".
وسأسعد لقراءة تعليقاتكم عليها.
http://makanabath.blogspot.com

كويــتي لايــعه كبــده يقول...

as you like...

لا والله صلعته ما تفيد حتى بهذه

الخرافي اذا بنجرت البنتلي خذى مناقصة جديدة من الدولة تعويض

وينه ووين السكراب

وجاماتي جذيه ترى نظيفة
:)

يعني بروح السكراب بالآستون مارتن مثلا
:)

كويــتي لايــعه كبــده يقول...

مكان للعبث...

شكرا للدعوة
واتمنى لك التوفيق بالتدوين وخارجة
فهذا البلد يحتاج كل مجهود صادق من ابناءه
اي كانت اتجاهاتهم
اذا كانت النوايا صادقة فالملتقى بالمصلحة العامة ان شاء الله

اراك بمدونتك

كويــتي لايــعه كبــده يقول...

تحية الى جميع القراء

كل عام وانتم بخير
ومبارك عليكم الشهر

نتمنى من الله عز وجل ان يمن علينا جميعا برضاه والتكرم علينا بكل ما هو طيب

بنت الشاميه يقول...

كل هالصور بديرتى.....هههههههه

والله مشكور انك سيحتنا وياك ....خوش سياحه داخليه
ما قصرت
=====

مبارك عليك الشهر وتقبل الله منا ومنك صالح الاعمال

كويــتي لايــعه كبــده يقول...

يا هلا ببنت الشامية
(القاطعة)

اي بس مو بالشامية
:)

انا اللي "سحت" هناك وانتي الصاجة
:)

---
علينا وعليك يا أختي
جزاك الله خير

عاجـل يقول...

صوتك وصل حبيبي

كويــتي لايــعه كبــده يقول...

عاجل...

:)