07‏/09‏/2008

رخصتونا يا رخاص


المفقود/ حسين الفضالة
السفير الإيراني

يا أخي بقتوا قلنا فساد
وحنا عيال البلد وبنحارب الفساد ان شاء الله

أفسدتوا
قلنا مصرين على البوق

قسمتوا البلد
لعبتوا بتركيبته
فضلتوا الحرامي على السنع
علشان يساعدكم على السرقات والسنعين يضرونكم
يا اخي ما اكتفيتوا!؟
ناقصكم فلوس؟

لا من رياضة ولا خدمات اساسية والاقتصاد بدربة الى الهلاك
ارحمونا الله يرحمكم ويانا!

كنا درة الخليج
ولاني قايل شصرنا
فشلتونا
أحرجتونا
غثيتونا!

هي سالفة حقد على الشخص الكويتي والا شنو بالضبط؟

أكثر من ولاء الكويتي وحبة لديرتة والله ما شفت بالدنيا كلها بالرغم من الظيم اللي يشوفه!

كل ما نوصل مستوى جديد من الانحطاط تشوفون أن الكويتي كلاه تقولون "يالله خل نزيد"؟
ليش؟!
بالذمة ليش؟!

حكومتنا ضدنا ليــــــــــــــــــــــــــــــش؟!
بالأسعار واقفة مع التجار
بـ"ممتلكات الدولة" دايسة على الناس ومخلية الكبار

يا اخي نبي نحبكم
والله نبي نحبكم
ساعدونا !!!!!!

وين ما الواحد يطالع يلقى اللي يسحن الكبد!
طبعا لو الواحد ساكن بقصر ومعاملاته خالصة على مستوى الوزير ومصالحة تناطح مصالح الدولة كان ما حس هالاحساس
لكن مو كلنا شيوخ
ولا تجار
ولا عبيد شيوخ
ولا حرامية

غصب نصير حرامية؟

يا اخي مو كل البلد حرامية
ستر من الله


آخر ما وصلت فيكم
ترخصون الكويتي
بالخارج اذا الواحد فينا وقع عليه ظلم أو مسته الحاجة ما له الا السفارة السعودية والا الاماراتية!؟
الله يعطيهم ألف عافية
لكن ديرتنا وينها
حكومتنا وينها
فلوسنا وينها؟

كويتي مفقود ووزيركم يدري انه بايران ما تحركتوا؟
همكم تحرصون على نواب اللي المفروض نواب "الأمة" ما يحرجونكم
لأنكم ما تقدرون تسوون شيء
ندري
من رداكم
لكن على الأقل ورونا انكم "تبون تسوون" شيء

لا حول ولا قوة الا بالله العلي العظيم

حلت مجالس على أقل من أرواح الناس
شطيتوا الحكومة وكل اقلامكم بالصحف على أقل
صرفتوا اموال الدنيا على الانتخابات وشراء الاصوات
روح بني آدم... كويتي... أب... ابن... مسلم... ما دريتوا عنها!!!

وصلت فيكم ترخصونا؟!
حسين الفضالة بعد الله منو له اذا ديرته ردية؟
اليوم حسين بكره منو!؟
يا ناس حسين ممكن يكون انت بكره لا قاله الله
والا ابوك
والا احد عيالك
والا على الاقل جارك أو رفيجك

استرخصونا الرخاص

المصفاه الرابعة لأن فيها فلوس لكم سويتوا البنك الدولي ما يفهم
لا انتوا ابو الفهامية
ما تشوفون الديرة مثل العسل!؟
والكلام داير على الضرايب... في بلد نفطي... شعبة ما تعدى حتى المليون!

انروح يعني للسفارة السعودية؟
والا ننخي شيخ اماراتي؟
تعرفون شنو النخوة؟

آه يا حسين
نتزين بالكلام عن شهداؤنا ونكذب على روحنا
وبالصجية ابوي ما يقدر ولا حتى على امي!
آه يا حسين
الله يكون بعونك
الله يكون بعون أهلك
الله يكون بعون عيالك

الله يلعن الردى والردي!

وين وصلتي يا كويت
الرجل يدمع دم
والوزير بالشاليه
والعضو يمر بيت فلان ياخذ فلوس

الفساد شيء
والتعمد فيه شيء
واسترخاص ارواح البشر شيء ثاني!

وين بتوصلونا؟

هناك 72 تعليقًا:

nanonano يقول...

كلامك يعوّر القلب

كلامك كلّه صج و يتعّب..بس ما نقدر نسوي شي..مالنا خيار الاّ هالديره..أهمه عندهم خيارات عندهم شقق و فلل بكل مكان فراح يروحون يعيشون فيها..فالظاهر أنهم بيخربونها و يقعدونا أحنا على هالتل

غير معرف يقول...

حسبي الله ونعم الوكيل

قلبت المواجع..ونكشت جرح لم يندمل..

حكومة متردية

متى نتخلص من الأنا

مصالح فوق مصالح

خلني ساكتة احسن...لامن حكومة ولا من أمة...كل مااذكر سالفة سفارة الكويت في مصر اموت من الحرة والله...وما ينفعك غير سفارات الخليج الله يعزهم ويحفظهم

دمتم بخير وسلام

As YoU LiKE يقول...

انا مالي شغل فيك
الكلام انت مسؤول عنه بروحك :)

يبا .. صدقني الخياس بتطول مدته .. وبنصير رخاص طول العمر بنظرهم .. مو ذابحهم شي واحد اسمه دستور .. حارق قلبهم هالدستور !

honey يقول...

أنا أخاف أعلق على هالموضوع أنحذف بنعال هالمرةالله غكون بعون أهله و إردة سالم لهم!

إتوقع لما إخلص النفط و نرد على فقرنا يالله إنرد إنصير اوادم ؟

Kuwait يقول...

الله يكون بعونه ويرده لأهله بأقرب وقت..
وصوتك ما ينسمع ترى لان ما فيه بوقه من وراه :)

غير معرف يقول...

"هي سالفة حقد على الشخص الكويتي"?

توك تفطن؟

الا حقد ما بعده حقد

غير معرف يقول...

شوف أخوى

كل الى قاعد يصير بسبب عدم وجودمن يلتزم


بالقانون ..شلى قوم الامارات؟ لان فيها قانون واذا اى شخص خالفة ..يروح وطى على طول فالناس غصبن عليهم بيحترمون هالدولة , لان ديرتنا مشاءالله أكثر دول تسن قوانين فى

العالم بس محد يلتزم أولهم الحكومة وثانيهم المجلس ، فا شى طبيعى الحرامية

راح يلاقون البيئة المناسبة لهم وهى بيئة فيها شريعة الغاب لا قانون يردعهم

وليش تروحون بعيد ..شوفوا مصر !!!

غير معرف يقول...

تو الناس مصر مو احسن منا

Eng_Q8 يقول...

يوصلونا لي الاحباط الكعكي مثل ما قلت انا طول الله عمري

Eng_Q8 يقول...

اي توني فهمت فاز فاز على رضاي

kuwaitawy يقول...

يا اخي نبي نحبكم
والله نبي نحبكم
ساعدونا !!!!!!


اي والله صاج ياخوي

غير معرف يقول...

اللهم لا اعتراض !

عنصر وطني يقول...

وفيت وكفيت

ونتمنى من الحكومة انها تتحرك وتخلص ولدنا

Cute But Imperfect يقول...

و لا حياة لمن تنادي!

عثماني يقول...

صح السانك يا خوي

ما قلت الا اللي في قلوبنا

كويــتي لايــعه كبــده يقول...

nanonano...

عندهم بس شقق وفلل؟!
يا مسكينة!

عندهم جزر و دول (الغانم)
ويستقبلون كرؤساء دول (الخرافي)
ويملكون قطاعات كاملة بدول نائية (حمد)
غير اللي أكبر منهم!

فلوس الحلال ما عندنا مشكلة فيها
فلوس الحرام حرام
وفلوس البوق طالعة من فلوس الديرة
فلوس الديرة فلوس عيالنا
ما تشوفين ماكو ميزانية للدولة
وكل شيء خرابة
بالرغم من الفوائض الفلكية

البـــــــــــــــــــــــــوق دبح الديره
!!!!!!!!!!!!!!!!!!!!!!!!!!!!!

البوق نزل مستوى الادارة والدولة معاها الى المستوى اللي روح الكويتي شوف عينك !!!

كويــتي لايــعه كبــده يقول...

والموت يعشق فجأة...

ولن يندمل

قالتها قطر بكل صراحة ووضوح

"كويت الماضي
دبي الحاضر
قطر المستقبل"

صحيحة ولو تزعل

اختربنا من الداخل واصبحنا خبر ماضي

راح يذكرنا التاريخ بأسوء حروف

Unknown يقول...

The pie has been cut and distributed, what’s left are for the marginal people who are lucky it they get some crumbs.

I am sick of complaining, I can’t hear my self complain anymore. People be realistic and concentrate on your selves and families and be self efficient. Because I don’t think anything in our country will improve in our life time.

secret يقول...

ياخوك شنسوي .. في كل الامور الخاصة بالفساد نقعد نتحلطم الليل و النهار و ما نحل شي و عارفين بس نفضفض

لكن و على قولتك .. هذي روح انسان كويتي .. و لا تقدر بثمن

الله يرده بالسلامة

كويــتي لايــعه كبــده يقول...

as you like...

ما قلت الا الصج
خل يسمعون كلام غير التقلقس اللي حواليهم
الناس تغلي
لي متى
مو من مصلحتهم
مو من مصلحتنا
مو مصلحة الديرة

ادري السالفة مطولة
وشخصيا اتوقع مساوئ غير متوقعة حاليا!

بنصير اللي عنده فوق واللي حافي تحت (تخيل مصر او الاردن او سوريا) وماكو طبقة وسطى
تخيل ماكو نفط وماكو شيء غيره (واقع مو خيال)
بس ماني مكمل
بس عسى وصلت فكرة وين متجهة الديرة
والا شاللي مخلي اللي يتكلمون يتكلمون
واللي يبوقون يبوقون بزود !؟
تمعن

كويــتي لايــعه كبــده يقول...

شهد...

الله يسمع منك آمين

بنصير أوادم مو لأن النفط خلص فالنفط نعمة من رب العالمين
بنصير أوادم لأنهم بيهجون ويخلون المساكين لحالهم

اليوم اللي ما نقدر فيه حتى على كلام الحق هو اليوم اللي نقط الديرة ورانا ونمشي مرورا على البي بي سي والسي ان ان والجزيرة والعربية وكل من فاتح بابه

السكوت مو من طبعي
مو من النوع اللي ياكلها ويسكت
عسى الله يبعدنا

كويــتي لايــعه كبــده يقول...

كويت...

آمين

أدري

لكن تنصدمين لو تدرين منو اللي يقرا

كويــتي لايــعه كبــده يقول...

غير معروف...

(اسمح لي ارد عليك بدون استرسال)

لا والله فاطن من زمان

وخل نوقف هنيه

كويــتي لايــعه كبــده يقول...

غير معروف 2...

كلامك صحيح

القانون هو العامود الفقري للدولة وكل شيء يتزن علية. ضعفة ضعف الدولة وقوته قوة للدولة.

لكن الالتزام به ليس اختياري
وليس متروك للناس التقيد به من فضلهم
القانون يطبق على الكبير يعتبر الصغير
لا داعي لملاحقة كل حرامي مثل ما يتخيل البعض
فقط اعمل عبرة من كم حرامي كبير وصغارهم ينبطحون ارتعاشا

اما انك ترعى الفساد وتحميه وتكون جزء منه ثم تقول انك تنمي البلد لكن مجلس الامة هو سبب التراجع...!!!

المسألة ليست سياسة
المسألة كرامة وطن
روح بني آدم
حكومته لم تعمل له شيئا
بس شاطرين على الخمسين دينار
واملاك الدولة اللي بس الدواوين متعدية عليها والا المارينا لأ ورخصوه بعد بالنهاية

الوضع اللي حنا فيه "متعمد"!

كويــتي لايــعه كبــده يقول...

حمودي...

العياب عند الباب

عيبنا عليهم واليوم حنا أخس منهم ونعلمهم شلون الغش

بس هم حادهم الفقر
وحنا حادنا الطمع

كويــتي لايــعه كبــده يقول...

مهندسنا...

عسى الله ياخذ من اعمارهم ويعطيك

كويــتي لايــعه كبــده يقول...

مهندسنا...

زين الحمد لله

كويــتي لايــعه كبــده يقول...

كويتاوي...

بوست كامل كتبته سنة وحدة ولا راجعته

كلام عفوي من القلب

كويــتي لايــعه كبــده يقول...

محسد...

لا اعتراض على حكمة رب العالمين

لكن على البوق والتعمد بسوء ادارة البلد... لا والله اعتراض وستين اعتراض

روح بني آدم هذه!

وين بنوصل أكثر من جذيه؟!

يرمونا بالشوارع !؟

كويــتي لايــعه كبــده يقول...

كش ملك...

وانا اتمنى بيت من كاكاو

اللي امنيته تتحقق أول يخبر الثاني يا خوي

كويــتي لايــعه كبــده يقول...

كيوت...

الموت موت القلب

كويــتي لايــعه كبــده يقول...

عثماني...

في قلوبنا اكثر

بس المسألة مو تفضفض
نبيهم يسمعون ويفهمون

الأستاذ حمام يقول...

احنا اللي عودناهم علينا..

لازم يتشكل تنظيم معارضة.. اهم اهدافه ان يكون رئيس الحكومة شعبي ومنتخب.. مو من الاعضاء.. لا من الشعب..

كويــتي لايــعه كبــده يقول...

mosan mosan...

The pie has been cut for quite a while now. It's just that they are fighting amongst themselves for bigger pieces now that they realize the pie is about to be ruined!

I completely agree with your advice on a personal level but I simply can not leave everyone behind without as much as speaking up if for nothing else then for encouraging others to speak up and also to discourage further corruption or at least affect it in the smallest way possible.

Not only will the country not improve in our lifetime... it will cease to exist as we know it !!!

Once upon a time there was a rich country called Kuwait

كويــتي لايــعه كبــده يقول...

secret...

مو تحلطم الله يسلمك
ولا تفضفض

بل تنبيه
وتقديم النصيحة
وتمرير رأي الناس ووجهة نظرهم واحساسهم

اللي حواليهم ما يوصلون شيء
بس يقلقسون
ومخابيهم تكبر

لازم حنا نتكلم

مو تحلطم يا عزيزي


روح بني آدم يا بشر !!!!

طز بالمناقصات
طز بالمجاملات
طز باللباقة

Unknown يقول...

مو اختلفت الموازين بكل شى
اذا ما تبوق انت مو ذكي
واذا تزرق بالدوام انت عبيط وما تفتهم
وروح كمل اللستة تعرف الشخصية الجديدة للمواطن

كويــتي لايــعه كبــده يقول...

استاذي حمام...

والله أرد عليك وانا كلي خجل
خجل من قصور اعمالنا
مو مجاملة
لا اعرفك ولا تعرفني
لكن اليوم حسين باعوه
بكره انا والا عيالي
مبدأ ان الكويتي صار رخيص عند حكومته صعب علي هضمة
ولاني قابلة

كلمة "معارضة" محرمة يا استاذي!
انت ما تدري؟
الالحاد العلني قناعة فردية
والافتخار بالشذوذ الجنسي حرية شخصية
حرية الرأي تكفل حتى التأبين بمجرم ارهابي نجس قتل ابناء كويتنا
لكن ان تصل فيك ان تنطق كلمة "معارضة"!؟!... هذا كفر!

تعوذ من ابليس
روح بني آدم ما تستدعي انك تزعج النظام
علامك انت!

مزاجهم ولا كل طوايف حسين الفضالة
أو أي كويتي وياه

كويــتي لايــعه كبــده يقول...

مشاري...

وقايل الحق مشاغب
واللي ما يشتري شهادته ما عنده سالفة
واللي يحاول اصلاح البلد غشيم
واللي يرفض مبدأ الغابة "من صادها عشا عياله" وكأننا حيوانات ما يفهم

"الديره رايحه رايحه انت بس اخذ فايدتك"
بالذمة كم مرة سامعها!؟
ومن كم مستوى ومنصب
ومن كم شيخ

مو قاعدين نتكلم من عدم!

شتبيني اقول اكثر من رخصوا البني آدم الكويتي !؟

حكومات طاحت على أقل من جذيه
وربعنا همهم المصفاة/البوقة الرابعة والاستجوابات القادمة

التقصير الحكومي هذا يستحق مساءلة رئيس الوزراء أو وزير الخارجية على الأقل

لكن هذا لو نوابك أوادم!
أول تصويت لهم للخرافي! يالله ذخذ!
وزيادة سكرتاريتهم
وتمرير ميزانية الدولة مرور الكرام

على نفسها جنت براقش يقول...

well said

داشه بطفرك صكت فينى الدنيا

الله يفك اسره و ينتقم من كل متخاذل

:(

كويــتي لايــعه كبــده يقول...

براقش...

آسف لكن هذا الواقع

آمين

عاد النتخاذلين وايد

حلم جميل بوطن أفضل يقول...

الحين بدينا نتكلم صح. هذا بالضبط ما كنت أود أن أكتبه. لكنني فضلت الإحتفاظ بوجهة نظري. لأن الطاسة ضايعة و الميزان مايل في هالديرة

شهالديرة اللي يختفي الواحد فيها فجأة.أحد باقه؟ شلون دش حدودنا البحريةو وين أجهزة الرادار؟ غرق؟ وين خفر السواحل؟ إنحاش؟ شلون ينحاش بهالسهولة؟

معقولة محد يدري؟ معقولة حد يعرف؟ معقولة محد يسأل؟ معقولة محد يصرح؟

و الأهم من هذا كله ،، معقولة محد يهتم؟

و الإهتمام مو بنرات فارغة لا تودي و لا تييب. نقعد نص ساعة على الكمبيوتر و نعتقد إن أرضينا ضمائنا

لهالدرجة رخص الإنسان في ديرتنا؟

هذا ولد بطنها و جذي؟ شحال الفقاري المساكين اللي يايين يترزقون الله في ديرة الخير؟

في ناس ، تلقي اللوم على الخارج. اليوم ايران بكره العراق اللي بعده السعودية اللي بعد يعده الجن الأزرق

نلوم الكل و الردى فينا

إذا حكومتك مو مهتمة؟ تبون منوشهر متكي يهتم؟

إذا الكويتي حقوقه مهدورة في الداخل و يصير فيه جذي؟ تبون تطالبون الغير بحسن معاملته؟ إذا حكومتك لابستكم ، تبون جنتي يعطيكم ويه؟

أحد يذكر سالفة عيال المخيطر سنة 92 أو 93؟ أحد يتكلم عن هالشئ؟

الإمارتيين إنتصروا للبنانية قتلت على أرضهم و أصروا على الملاحقة. لأنهم يبون يثبتون إن ديرتهم ديرة ممكن الكل يعيش فيها بأمان. حنا إهتمامات ربعنا شيسوون بالفلوس و شلون يمنعون الناس عنها

و أذكرك يا كويتي لايعه جبده ،،

شفت في ناس شلون تسكت ليمن تقول هالكلام و لسانها يتقطع مثل المرتديلا؟

ودي أقول زيادة

بس مابي أزعل أحد أكثر من جذي

كويــتي لايــعه كبــده يقول...

حلم جميل بوطن كل ما له ويتنيل...

فعلا الطاسة ضايعة لكن علينا ان نساهم في ارجاعها الى مكانها الصحيح

نعم محد صرخ ولا احد اهتم الا قلة شعبية وكم كاتب ونائبين ذكروه مرور الكرام

والدولة من رداها (فعلا وليس تعبيرا عن الغضب) تعمدت تكتيم الموضوع
في "الأوطان الأفضل" يسمون هذا الشيء
criminal negligence
ويعاقب عليه القانون الجنائي وليس فقط المساءلة السياسية التي أيضا لم تحصل هنا!

"نلوم الكل و الردى فينا"
جملة من ذهب
"نلوم الكل و الردى فينا"
"نلوم الكل و الردى فينا"
..."الــــــردى فيــــــــنا"


تكفا لا تقارنا في الامارات. لا تزيدني حسرة! الكلام عنها يطول. ومقارنتنا فيها تطول أكثر. أموت في الامارات (دبي) لكن الكويت ديرتي. وياما هي "كانت" دبي. بس اللي أفسدوها... أفسدوها (فعل فاعل وليس مفعول به). السياسة فساد بفساد اما المسألة هذه انسانية! روح بني آدم! حكومتة تبيعه! والناس لاهية ببرامج رمضان والمصفاة الرابعة وصندوق المعسرين. اللي بيصوم رمضان ومن مسجد لي مسجد يدور آخر نجوم اللحى يمارس شوية انسانية -خل لك من انسانية- شوية غيرة ويتكلم عن حسين الفضالة!

ديرة ولت
لا من سلطة
ولا من سياسة
ولا من تنمية
ولا من خدمات
ولا من هيبة
ولا من سمعة
ولا من "ممثلين" الشعب
ولا من الشعب

انتشار الفساد السرطاني هل قضى على الكويت؟ هل من أمل؟

...
وبالنسبة لتذكيرك
اللي عنده عيون وعقل يشوف ويفهم
لسانهم مرتديلا، سموك تركي، سجق ما يهم
يزعل اللي يزعل
واللي يزعل من الحق ابيه يزعل
ما جاملنا بأبسط الأمور محنا مجاملين بأكبر الأمور

روح بني آدم
حسين الفضالة كويتي مفقود بايران وديرته لم تطالب فيه

ما في اوضح من هالكلام

حكومات سقطت من أقل
لكن هذا يبيلة شعب الحكومة تعمل حسابة
مو شعب مقدور عليه (أغلبة مو كله)

مجلسنا حل على أقل

لكن ماكو غيره
فقط طمع!

why me يقول...

عورت قلبي


الحرره مبينه في بوستك
:(

شقران يقول...
أزال المؤلف هذا التعليق.
كويــتي لايــعه كبــده يقول...

واي مي...

أنا معور قلبك؟!

طيب وحسين الفضالة اللي ديرتة باعتة!؟

شقران يقول...

العزيز كويـتي لايـعه كبــده


الوطن في مرض..والمرض مستشري في جميع أوصاله


المشكلة في رقم واحد!؟







سؤال...من الذي يقود الدول الى الأمام عبر التاريخ؟


ومثلكم ذو عقل راجح ولاتخفى عليه الاجابة


وتحياتي لك يالغالي

كويــتي لايــعه كبــده يقول...

هلا بو راكان...

"من الذي يقود الدول الى الأمام عبر التاريخ؟"

اجابتي مثل اجابة محكمة الوزراء بقضية ناقلات النفط والحرامي علي الخليفة

"أحتفظ بالرد"

علشان أطلع منها

أول مرة القضاء يكسر خاطري
شكان بيقول يعني !؟!؟!؟

كويــتي لايــعه كبــده يقول...

تم حذف التعليق...

هذا انت بو راكان؟
والا واحد ثاني تحسف انه تجرأ؟

شقران يقول...

أفا عليك أنا اتحسف
:)

مو شقران اللي يخاف يتجرأ
:))


ولكن نفس التعليق اللي حذفته لم اعدل عليه بــل زدت فيه


فأنت تعلم بأن الجرأه لاتنقصنا


فلقد زدت جملة اختفت أثناء نسخ التعليق



فديت خشمك يالحبيب...صاير شغل دوريات نفس بوراشد مايطوف شي
:))

كويــتي لايــعه كبــده يقول...

شقران...

:)

لم اقصدك بل اردت ان اعرف اذا انت من مسج تعليقه ام هناك شخص ما تحسف ومسح

انت عدم جرأتك واضحة
:)

حياك الله بو راكان

بو راشد يخرع
والا انا وين... اخوك مسكين
:)

mowa6en يقول...

يا أخي ..

" كما تكونوا يولى عليكم "

أنا حاليا مقتنع بهالكلام ، ما أعرف إذا كنت تشاركني والا لا


تحياتي ، وموضوع ذو شجن وشكرا على غيرتك

محـــــارة يقول...

أروع بوست قريته مكتوب من القلب

مافيني أقول ولاشيء زياده على كلامك غير أن عيني دمعة لأن فعلا وربي نعشق ونموت علىتراب الكويت بس حكومتنا وتجارنا ونوابنا مو راضيين أن فيه شعب للحين شريف ويحب هلأرض

اسمحلي بحط لينك لهالبوست بمدونتي

يزاك ربي كل خير وبعون الله وبهالشهر الفضيل ثم بدعاء الناس الطيبين راح يرد الفضاله بأقرب وقت

Barrak يقول...

تفائل




كلمة يارخاص قويه

كويــتي لايــعه كبــده يقول...

مواطن...

شكرا وحياك الله

مقتنع من زمان الله يسلمك

لكن لا يعني ان هذا الوضع صحيح ويجب ان نقبله

الغيرة لا تستحق الشكر
اللا غيرة تستحق الحساب

كويــتي لايــعه كبــده يقول...

محارة...

شكرا على الكلمة الطيبة

الكل يقول نحب الكويت
من فوق لي تحت
لكن النص جذاب بحكم افعاله

حطي اللي تبين ولي الشرف

الله يسمع منك
ويرجعه لأهله
آمين

كويــتي لايــعه كبــده يقول...

براك...

انت رجل تقدر الكلمات بحكم موهبتك ما شاء الله
لكن نحن لا نجهلها

"يا رخاص" ليست أقوى من "رخصتونا"
وليست أقوى من فعل استرخاص روح بني آدم
هي بالفعل ليست قوية بالقدر الكافي

أتفاءل؟
...لي رجع ان شاء الله
أو اذا شفت ربعنا هزوا وسطهم على السالفة على الأقل
مو بس بالبوق والا بالترقيع جاهزين

قريت عن فضيحة أمن الدولة وسكوتهم عن فساد أكبر موجود داخلهم علشان ما يكشفون فلان وفلان الثاني

لي قدرت تتفائل قول لي

خلك من السياسة...
فسادهم / خرابهم وصل الى أرواحنا

why me يقول...

هذا عاد كااسر قلبي



الله كريم


الله كريم

كويــتي لايــعه كبــده يقول...

واي اني اف اس...


الله كريم

Alromi يقول...

الله كريم وانشاءالله يفكون اسره
كفيت ووفيت
وقواك الله

كويــتي لايــعه كبــده يقول...

الرومي...

آمين
الله كريم

والله يقويق

المفروض الكل يسوي اللي يقدر عليه الله يسلمك

ساره النومس يقول...

ومع هذا كله :(

يظل الشعب الكويتي أفضل شعب يقف مع حكومته حتى لو كان متضرر .. وهالشي تمناه كثير من الحكام انه يمتلك مثل الشعب الكويتي ...

موضوع يحز بالخاطر والله اخوي ..
الله كريم

كويــتي لايــعه كبــده يقول...

سارونه...

صاجة
بس الكلام الله يسلمك مو لي
انا اعرفه واقوله

بس عمك اصمخ!

يحز بالخاطر حيل
ويحفر القلب للي عنده قلب اساسا

الله كريم

لو هي واقفه عليهم كان حتى الهوا حسرة علينا
شوفي الكهرباء والماء
الحمد لله الهوا من رب العالمين

ساره النومس يقول...

اهي بس ماي وكهربا ... جمعيات وبقالات وسوق الخضرة واحد بقدونس بعد ماكان 50 فلس صار نص دينار الواحد بس والله العظيم:( منو يقدر يدافع عنا ؟؟ وين حماية المستهلك ؟

كويــتي لايــعه كبــده يقول...

سارونه...

وين حماية المستهلك؟!
مشغولة بحماية التاجر!
اللي هو ولدهم
ويدفع
وينفعهم

وين أشياء كثيرة يا اختي


خلك من حماية المستهلك...

وين حماية البلد !!!!!!!!!!!!!

ساره النومس يقول...

حماية البلد ماخذة اجازة :(

كويــتي لايــعه كبــده يقول...

عاش البلد السماري

Cooookies يقول...

مواطن ديرته من اغنى الدول..
ديرته فيها قانون فيها دستور يعيشه عيشه كريمة بالغصب مو بالطيب..
ديرة قيادتها حية ترزق !
ينحبس كل هل فترة وينقط هلقطه القشرة..
لا والمسؤولين ساكتين يتطمشون ,,
..وصلت فيك تفكر تلجأ حق سفارات دول ثانية ؟!..

الله يا الدنيا..بأي ديرة يصير هل حجي ؟
والله حسستني انك قاعد تتكلم عن ديره قايمه فيها حرب الي مايقدرون يطالبون بسجين.. ولا بديره لا حول لها ولا قوة فقيرة, مسكتينهم بفلوس ولا راعبينهم.. ولا تتكلم عن زمن مافيه قوانين..للاسف انت تتكلم عن هالزمن! وعن اي ديرة.. عن الكويت ! بلد الخير والعز!
بغض النظر هو كويتي ولا لأ .. بفهم الأخ حسين الفضالة مو انسان؟ مو له حقوق ؟ طيب اذا ماتبون تدافعون عنه كونه كويتي.. دافعوا عنه كونه انسان!
موالكويت الي كل سنة تتبرع بالملايين لحقوق الانسان ولها دور تدافع عن فلان وعلان من الديرة الفلانية وتطالب بحقوق الانسان؟ ..والله حاجه بتضحك.. وتبكي !

لابارك الله في الي وصلنا لهلمواصيل ..

ويا خوي محد يرخصك .. مهما تهاونو بحقوقنا,,ومهما خذلونا .. محد يرخص الكويتي! ما عاش! خلهم فعصر الظلام والفساد لن يسود!! فان هم رضوا ان يستهينوا بالكويت .. فنحن لن ولن نرضى !!!!

غير معرف يقول...

عزيزي كويتي

لدينا أكثر من حسين الفضالة ضايع بالديرة و مدفون بالحيا


أتمنى فك قيده و رجوعه للكويت بسرعه


على الهامش أعتقد إن لدينا لجنة المفقودين و الأسرى ... شنو دورها بالموضوع غير السفرات و صرف المعاشات لربعهم ؟

كويــتي لايــعه كبــده يقول...

coookies...

باعونا مقابل فلوس ومصالح!

"لابارك الله في الي وصلنا لهلمواصيل .."

ألف مرة!

"محد يرخص الكويتي! ما عاش! خلهم فعصر الظلام والفساد لن يسود!!"

ساد وخلص
"ما عاش"!؟
عاش وبنعيم!
ويوصل الى اعلى المناصب اذا مو عاجبك

"فان هم رضوا ان يستهينوا بالكويت .. فنحن لن ولن نرضى !!!!"

ولهذا السبب يجب ان لا نسكت بل ويجب رفع الصوت حتى يستحيل عليهم تجاهله

كويــتي لايــعه كبــده يقول...

عتيج الصوف

الديره كلها ضايعه وانت الصاج

آمين

اللجنة: حالها حال اللجان اللي تدرس تقارير اللجان الاخرى لتخرج بتقاريرها للجان ثانية

Cooookies يقول...

مو دايمين .. موجيدين الحين ويلعبون بهالديرة الحين .. بس مو دايمين .. وين بيروحون من الله ؟ وين بيروحون من دعوات المظلومين؟ وين بيروحون من الكويتيين الي قلوبهم محترقة على هالديره!

I'd rather be on the side of a few hero's rather than the side of a crowd of cowards !

كويــتي لايــعه كبــده يقول...

ما يدوم الا وجه الله سبحانه

لكن على ما يرفسون (kick the bucket) الا ما بقى بالديره شيء يذكر

بعدين هناك نقطة اللا رجعه (point of no return) لحالة الفساد اللي حنا نسبح فيه. حتى بنهاية أفراده الحاليين هناك جيل خلفهم ماكل من الحرام منذ الولاده! النفط على كف عفريت ولا هو دايم بل المؤشرات تقول العكس وأقرب من ما الحكومة تروج على الناس وحالة الdenial السائدة على الدولة.

دعوات المظلومين يخاف منها اللي يخاف من الله ولا تخليني أكمل. اللهم لا شماتى

Whom you consider to be a few heroes are considered "a few obsticals" by others

...and the cowards are actually running -or ruining if you like- the country and those who are on their side are laughing all the way to bank. From nobodies to (rotten) pillars in their communities.

Corruption is supported in Kuwiat

That's the bottom line

Welcome to the ranks of heartache