24‏/12‏/2008

يوم اصطفى جوي


يا كثر ما قلت ابسوي وابسوي...   ولا في شيءٍ من اللي قلت سويته

راحت حياتي وانا اطري وانا انوي...   واللي بغيته نسيته يوم خليته

انا احسب اني صغير وبالعمر توي...   لا شك شيبت واحلى العمر عديته

يا ليتني يا حمد يوم اصطفى جوي...    هاك الزمن يا شريف البيت خاويته

يا كثر ما قلت ابسوي وابسوي...   ولا في شيءٍ من اللي قلت سويته




قصيده تعني الكثير وللجميع ما يخصه من معانيها لا شك

انا شخصيا اراها من منظور "لي فات الفوت ما ينفع الصوت"
واستخدمها وقود للاندفاع نحو الاجتهاد والطموح فبها العبرة الواضحة لمن تحسف على عمره الذي مضى.
أسأل الله ان لا يجعلنا منهم.

اهداء للكل ومعها اعتذار عن الانقطاع المؤقت ان شاء الله بحكم الانشغال

هناك 42 تعليقًا:

nanonano يقول...

مو قبول

فقدناك

Kuwait يقول...

طالـت الغيـبـه :)

غير معرف يقول...

وينك؟؟

Fat Girls يقول...

خوش قصيدة

و صاج الوقت يمر و احنا ما نحس بنفسنا

:|

enter-q8 يقول...

صح لسان الشاعر
و سلمت يد ناقلها

honey يقول...

ألا ليت الشباب يعود يوما..... فأخبره ما قد فعله بي المشيب


قصيد تمثل أكثر شيين مستخدمين في الكويت س و سوف

أبو لطيف يقول...

احسنت

بلانا صار باللي يقولون بيسون ، ويسون عكس اللي يقولون

...

لاتغيب
وان عزمت المغيب
لاتطول في غيابك
انا ناطر مع احبابك
لاتغيب

حفظك الله

ولد الديرة يقول...

من طول الغيبات جاب القصايد

جوي المدونة؟ :q

kuwaitawy يقول...

بصراحة


يعلم الله ان فقدناك



والقصيده هذي اشوفها من نفس المنظور اللي انت تشوفه


تشجعني اني استعجل بالامور اللي تدور براسي

ولا تؤجل عمل اليوم الى الغد




تحياتي لك

Unknown يقول...

Welcome back

that poem could stand for alot of things ....I loved it

Peace يقول...

دام عرفنا الغلط وين
نقدر نصلحه

كويــتي لايــعه كبــده يقول...

نانونانو...

ما تفقدين غالي ان شاء الله

اعوضك اذا الله قدرنا

لا تحسسينا بالذنب عاد :)

كويــتي لايــعه كبــده يقول...

كويت...

باقي شوية بعد

بس ان شاء الله مو وايد

كويــتي لايــعه كبــده يقول...

حسافتج يا كويت...

موجود وانا اخوك بس مشغول هالكم يوم
وان شاء الله في أواخر مراحل مشروع عندي

كويــتي لايــعه كبــده يقول...

فات قرلز...

حياك الله في زيارتك الاولى

نعم وهذا سبب زيادة لتذكير انفسنا وبعضنا

القصيده هذه انا حاطها على الدسك توب قدامي

كويــتي لايــعه كبــده يقول...

بو وليد...

نعم صح لسانه

والله يسلمك
حاضرين وبالخدمة

كويــتي لايــعه كبــده يقول...

شهد...

وهذا يبين كيف لكل قصيد معاني كثيره
وهذا أحدهم

كلامك صحيح

كويــتي لايــعه كبــده يقول...

بو لطيف...

صدقت كعادتك يا بو لطيف

هناك من يقول بيسوي وبيسوي وهو صادق لكنه قليل الدبره او الفعل ولن ينفذ

وهناك من يقول بيسوي وبيسوي وهو كاذب وبعضهم اهدافه اخبث والنتيجه ايضا عدم الفعل فقط الكلام

طبق هذا الكلام على المستوى الاجتماعي في الدواوين حتى أعلى الحكومة


عسى الله يديم عليك المحبة والقلب الصافي
الغياب المؤقت انا ملزوم به بسبب مسؤوليات لا ترحم
لكنه لن يطول ان شاء الله
تسلم على كلامك يا صديق

كويــتي لايــعه كبــده يقول...

ولد الديره...

:)

المدونه كلها لك

كويــتي لايــعه كبــده يقول...

كويتاوي...

عساك ما تفقد عزيز يا كويتاوي
والله ولا انا مستانس من ابتعادي المؤقت لكن للضرورة احكام

وان شاء الله اللي يدور براسك يتنفذ على اكمل وجه اذا هو خير لك وان شاء الله العكس اذا هو عكس ذلك وخيرة الله افضل لنا جميعا

نعمل ونسعى لكننا بالنهاية بشر ونغلط
نعمل اللي علينا والباقي على الله سبحانه

لكن هذا مو عذر للربادة مثل ما الكثير يتمنون

التحية لك

كويــتي لايــعه كبــده يقول...

mosan mosan...

thanx
it's good to be back although not completely just yet

the poem in fact does stand for a lot of things and to all their thoughts

glad you enjoyed it

كويــتي لايــعه كبــده يقول...

peace...

ان شاء الله نقدر

مو هذه كلمة رولا دشتي :)

بنت الشاميه يقول...

شهالغطه....ان شاء الله بالخير والعافيه

افتقدنااااك
المهم هو العمل وعدم الاتكال او التواكل
يعطيك العافيه

غير معرف يقول...

hi

how u doin

ابيات جميلة كناقلها:)

a happy blessing year for u n ur family:)



while death suddenly loves as I... death like me does not like to wait

جنون إحساس يقول...

أبيات جميلة ومعاني كبيرة
يسلم الإختيار

كويــتي لايــعه كبــده يقول...

بنت الشامية...

الله يعافيك يا اختي الغالية

عساك ما تفقدين عزيز

ان شاء الله خير

كويــتي لايــعه كبــده يقول...

while death suddenly loves as I... death like me does not like to wait...

hi back
I'm doin ok
question is how are YOU doing
!?
long time no write
what's up
!?

thanx for the new year wishes
best wishes to you and your loved ones on the new year and all time as well

don't ditch blogging

كويــتي لايــعه كبــده يقول...

جنون احساس...

الله يسلمك

يسعدني تمتعك بها

أبو لطيف يقول...

مريت اسلم واتمنى
للحبيب دوم طيب ايامه

عساه دوم(ن)ايتهنى
ما يوم نسال وش علامه

ماعاد له داعي انتعنى
محفور بالقلب وله علامه

esTeKaNa يقول...

فقدناك من غير شر
!!
عسى ربي يبارك لك بالوقت
ويوفقك بلي شاغلك

:)
الكلمات حلوة
ذكرتني بحماسنا جميعا اتجاه امر معين وبنسوي وبنسوي..وأبد هبة فرس
شوي وتخمد فينا نار هالحماس والنشاط!
لابد نربط كل ما نبيه بالوقت
ونطوع المستحيل ونحقق كل ما نبي
:)
كل العمر وانت بخير
عسى ربي يرزقك اجمل من كل ما تتمنى

بوتشخيص يقول...

اشتقنا لرفيق السلاح التدويني :)

ساره النومس يقول...

صح لسان من قالها

ولكم باك

@alhaidar يقول...

والله بو محمد طول عمره كبير وقصايده كبيرة المعاني ..

اختيار موفق اخوي .. بانتظار المزيد ..

كويــتي لايــعه كبــده يقول...

ابو اللطف كله...

الله يسلمك ويحفظك ويخليك
حبك ربي بكل أيامه

هنّاك ربي بقريبك وغاليك
وما تلقى الا رد الوسامه

لا اتعنى حنا اللي نجيك
من القلب للقلب بلا ملامه

كويــتي لايــعه كبــده يقول...

بيالة نعناع خنين...

عساك ما تفقدين عزيز يا اختي العزيزه

العمر يخلص والشغل ما يخلص

الفن كيف تمشي الأثنين بانسجام

وأشكرك بكل قلبي على هالكلمتين والامنيات الطيبه

كويــتي لايــعه كبــده يقول...

شخص لي... (تذكرها؟)

حشا... ستالين مو كويتي اللي لايعه كبده
:)

ان شاء الله قريب

كويــتي لايــعه كبــده يقول...

سارونه...

بالفعل صح لسانه

من القصايد اللي أثرت فيني


ماني باك ليلحين :)
باقي شويه بعد

كويــتي لايــعه كبــده يقول...

أحمد الحيدر...

يا هلا فيك بزيارتك الأولى

بالمناسبة أحد أقاربك من ربعنا الخاصين :)

خبرك الديرة صغيرة

الأستاذ حمام يقول...

اختيارتك متميزة.. وبانتظار جديدك

`~MnO YeNSa! ~` يقول...

لو من بعيد ..بس صدقني متابعة
فاقدينك
من غير شر..

كويــتي لايــعه كبــده يقول...

استاذي حمام...

ذوقك المميز

حاليا ماسك نفسي بصعوبة عن التدوين بحكم الاشغال والاولويات ولا جديد حاليا لكن قريبا ان شاء الله

واعذرني على التقصير في الفترة الأخيرة فانت -مثل ما تعلم- عزيز

كويــتي لايــعه كبــده يقول...

منو ينسى...

يا ألف هلا ومسهلا
وأشكرك على التشجيع والمتابعة

عساك ما تفقدين عزيز

ما من شر
وان شاء الله كل خير

مرورك اسعدني جدا