08‏/05‏/2009

البنيد القار وخذت


تنبيه
قبل لا أكمل أود أن أنوه أن لدي شهادة دكتوراه فلحد يتعرض لي لأني مثقف وأعرف كل شيء لا وكنت أرقص في احتفالات التربية بالثمانينات بعد

ملاحظة
انتوا ملاحظين معاي أن هناك من لم يعمل شيء في فترة الإنتخابات مثل ما لم يعمل شيء في رآسة المجالس الأخيرة ولا ينتظرنا منه الا استعراض المال في الأيام الأخيرة من الأسبوع الأخير قبل التصويت عن طريق الإعلان في الصفحات الأولى من الصحف والمقابلات التلفزيونية في قنوات عيال الخاله والحلفاء في اليوم الأخير؟ هل هذا الاستعراض للمال هو السبب الفعلي للتصويت له؟


أكو صراحة
على هالقوائم: الإئتلاف... والمتفائلون... والمتوكلون... والمتحدون

ليش ما فيه قوائم الكاذبون والقبليون والطائفيون وبياعون الحكي والناصبون وانت اللي رايح؟

ما نحب الصراحة والا الناس فعلا بهذه السذاجة؟


بالكويت حتى السياسة هبات
ملاحظة بخصوص الهبة الجديدة لهذا السنة وهي ركوب موجة الرفض "للتأزيم" وبدون معرفة ما هو التأزيم أو من المتسبب به طبعا.
يد بيد مع رفض التأزيم على عماها هي محاولة البعض وبدرجات متفاوته لإستنساخ حملة الرئيس الأمريكي طول الله بعمره أوباما بتغذية الجوع للتفاؤل والأمل. إذا بتعطينا أمل عطنا شيء نتأمل له. اللي ما يعرف ينسخ حملات غيرة تهقون يقدر على مسؤولية تمثيل الأمة؟
تعالوا... هبة السنة اللي طافت ما كانت التوعد بالإستجوابات؟


رد على كلام تافه
  • "ما نبي صراخ نبي اديكيت". لا يبا نبي اللي يدافع عن الشعب ومصالحة بأي أسلوب ينفع. اللي يبي يركب فوق الكرسي لكن يدافع عن مصلحتنا نبيه ولا نبي الهادي اللي متعاون ضدنا ببرشامة والا غيرها لكن بكل هدوء.
  • "نبي نعطي الحكومة سنتين قبل لا نحاسبها على أي شيء". مو بكيفك التنازل عن دور نواب الأمة الرقابي. ما يحق لك ولا لأي شخص يا عبقري. بعدين شلون بتضمن استمرار المجلس لأربع سنوات أصلا؟ بتوقع الحكومة على تعهد؟
  • "عط الفرصة لغيرك". دور هي!؟ وفرصة لشنو بالضبط؟ يا ريتك ساكت.


كويــتي آل لايــعه كبــده
لايعه كبده حتى النخاع

هناك 41 تعليقًا:

أبو جيج مع الورقة البيضاء يقول...

ب

ى

ض

ا

ء

غير معرف يقول...

بوست رااااااااائع

استمتعت فيه



حـطيت النقاط على الحروووف
بطريقه سااخره




اي والله كل من صار دكتور عباله كلامه كله صح بأي مجاااااال

كويــتي لايــعه كبــده يقول...

م

ا


ل

ك


أ

م

ل


انظر الى ما هو مكتوب فوق مربع التعليق

وراد لهالموضوع فريبا ان شاء الله

سوق المناخ يقول...

صدقت، ولا كل من صار عنده شهادة محد قادر يقوله إنت غلط.. والله حالة..

كويــتي لايــعه كبــده يقول...

غير معرف...

اشقد انت رائع سيدي

أي ساخره؟
أنا من صجي

كويــتي لايــعه كبــده يقول...

سوق المناخ...

الخير بالطريق
مع شهادات الفلبين بعد البحرين بعد الاردن بعد مصر

التعليم العالي ما تعترف ببعض جامعات أمريكا وأوروبا ومعترفين بـ"هذولا"

Enter-Q8 يقول...

عاش هالصوت و الله
و عاشت كلماته
عناد ببوجيج

مركبنا يقول...

رائع رائع بل اكثر من رائع

فهم راقي يدل على فكر واعي

q8mirror يقول...

لا يبا نبي اللي يدافع عن الشعب ومصالحة بأي أسلوب ينفع.


اللي يبي يركب فوق الكرسي لكن يدافع عن مصلحتنا نبيه

ويـــاك يهالكلام،،

nanonano يقول...

أنا أبي المرشح أو المرشحه اللي يوصل لقبة عبدالله السالم يكون كويتــــــــــــي

و لما أقول كويتي..قصدي مؤمن فينا و يعرف لنا و فاهم لنا..ما يحاول أن يترفع عن

شريحه معينه.. ما يحاول يسطح الآخرين..يحترم جميع شرائح المجتمع..لأن الكويت

ببساطه مو شريحه وحده و يكون الهدف أرضاء هالشريحه


أيـــــــــــــــــــــي

و نسيت شي وايد مهم

خل يحترمون ذكائنا...موضوع أن أهمه المرشحين و المرشحات اللي يعرفون و يفهمون أكثر ....ترا مزعج
don't underestimate us

كويــتي لايــعه كبــده يقول...

بو وليد...

عاش من قال

مو عناد بأحد
لكن أرفض أن نستاء من حاله ونساهم في تعظيمها

كويــتي لايــعه كبــده يقول...

مركبنا...

نفخيني أكثر اذا تبين الـ +A
انتي الحين ضمنتي الـ A

كويــتي لايــعه كبــده يقول...

مراية الكويت...

شكرا

وأنا مع الشعب اللي محد يدري عنه الا قلة محاربة

كويــتي لايــعه كبــده يقول...

حناحينو...

معاك عزيزتي باللي تقصدينه لكن أختلف بالتعبير "و يعرف لنا و فاهم لنا"

مع الاسف محد عارف لنا كمجموعة الا اللي مهما ما سوا وعفس يعرف يخلي الناس تصوت له ويلعب على الحبل اللي يهمهم ويدري انهم متفرقين ويعملون عكس ما يقولون هذا اللي يقول منهم شيء أصلا:
عسكر العنزي
عبدالواحد العوضي
القلاف
عبدالصمد
كل حدس
جمال العمر
خالد مركز سلطان
المطير السلفي الزائف
اللي طالعين من الفرعيات ويتغنون بالقانون

وكبيرهم من علمهم السحر صاحب السمو الخرافي قدس الله فلسه اللي من عرفناه ما شفنا منه شيء غير وقفاته مع السلطة لمصالحة التجارية في عكس مصلحة الشعب... لكنه يعرف انه اذا وزع لحم وأجر بيوت وضبط دواوين بتلفزيونات ومكيفات الناس راح يصوتون له لأنهم _______.

أستاذ حمام يقول...

الله يستر ومانقطها بيضاء.. المرشحين شكل شكل مافي تميز ولا قضايا أبدا..

شكرا على الموضوع

Yin مدام يقول...

نبي اللي يطبق قوانين ويقضي على الواسطة !!
لين متى ندور واسطة عشان حقوقنا ؟
نبي اللي يسن قوانين جديدة تتناسب مع زمننا والتغيرات .. مو قوانين سنة الطبعة !!
نبي تنمية

وإذا أكو أحد يقدر..
لو يوقف على راسه ويرافس بريوله عشان يحقق مطالب الشعب ويخاف على مصالح الدولة دلوني عليه وأصوت له !!!
بس الصراخ بدون فايدة أزعجنا وأتعبنا !!


Evil prevails when good men fail to act

هذي الكلمة عن بوستات !!!!!!!

وللأسف أغلبهم رافضين المشاركة بحجة اليأس أو تسجيل موقف !!

:)

غير معرف يقول...

بيضاااااء وريح بالك

شكرا

بانوراما يقول...

انا اقووول روح احجز لك على اي طيران

وروح اي دولة حتى لو بنغلاديش

وفك روحك من السياسة وبلاويها

كويــتي لايــعه كبــده يقول...

استاذي حمام...

هناك لكن قلة

الجمهور لا يريد القضايا
يريد التفرج على آكشن كأن الموضوع اثارة بدون عواقب

كويــتي لايــعه كبــده يقول...

مدام ين...

الواسطة وتأسيسها كمفهوم والقضاء عليها هي اختصاص الحكومة والسلطة بالكامل

والصراخ بدون فايده محد يبيه
لكن هناك طرح جريء وعالي النبرة في وجه المتنفذيه وهو في مصلحتنا بالكامل ويجب دعمه لا الاستسلام لمحاولات البعض في اسكاتهم

اما اليأس والاحباط و"المشاركة" بتردي الأمور عن طريق عدم المسهامة فلي رجعه عليه قريبا ان شاء الله

كويــتي لايــعه كبــده يقول...

غير معرف...

كيف يرتاح بالي وأنا أدري أني تخليت عن مسؤوليتي وساهمت في ترك المجال مفتوح للي يمثلون علي بدال ما يمثلوني

ما ندعم الاصلاح
بعدين نتحلطم على الفساد
ما يصير

كويــتي لايــعه كبــده يقول...

بانوراما...

الهروب مو حل

~ تيمــاء يقول...

" عسكر العنزي
عبدالواحد العوضي
القلاف
عبدالصمد
كل حدس
جمال العمر
خالد مركز سلطان
المطير السلفي الزائف
اللي طالعين من الفرعيات ويتغنون بالقانون

وكبيرهم من علمهم السحر صاحب السمو الخرافي قدس الله فلسه اللي من عرفناه ما شفنا منه شيء غير وقفاته مع السلطة لمصالحة التجارية في عكس مصلحة الشعب... "

صح لسانك صدقت و أحسنت ..

أنا موو باط جبدي إلا اللي يكسرون القانون و بكره بيوصلون للمجلس و يقعدون يشرعون لنا قوانين على كيفهم ماني فاهمة شنو العلاقة بين التعدي على القانون و تشريع القانون في نظرهم !!

Kuwait يقول...

أنــا يـايـه أقولك لا تنـسى تشوف لقاء جاسم الخرافي صاحب المقوله الشهيره (الله يستر) اليوووم بقناة البوادي ;q
انا على خبري قناة البوادي قناة شعر الخرافي خلا كل القنوات السياسيه ورايح يطلع بهذي ليش ؟؟
أتوقع ان مقابلته راح تكون على طريقة القلطه ! ;q

nanonano يقول...

أنت فاهمني..و هذا اللي يهم

آسفه أذا أسئت التعبير

بس أدري أنك راح تعبر عن اللي أبي أقوله صح

bo bader يقول...

مبدع ، كعادتك عزيزي

تحياتي

ANGEL HEART يقول...

لوول عيل كنت ترقص بحفلات الثمانينات !

والله كتبت اكثر من تعليق ومسحته بعد تدري محد يقدر يتكلم هالايام ماتسوى اي احد من هذولا يتلني :)

تحياتي

كويــتي لايــعه كبــده يقول...

تيماء...

ترى اللسته أطول بكثير
وأكثرها من خارج المجلس

الناس استوعبت الرسائل ان هذا اللي ماشي
ومشت عليه

السؤال: منو اللي يرسل هذه الرسائل؟

كويــتي لايــعه كبــده يقول...

كويت...

البوادي بعد هذه شنو؟

عاد انا أبي أنسى

ما اعتقد بيطوفني شيء له قيمة

و"الله يستر" من الخرافي

كويــتي لايــعه كبــده يقول...

حناحينو...

أنا فعلا لي الشرف أني أكون فاهمك

التعبير من القلب الى القلب ان شاء الله يا اختي لا يهمك

كويــتي لايــعه كبــده يقول...

بو بدر...

شكرا
مادري على شنو لكن شكرا

كويــتي لايــعه كبــده يقول...

قلب الملاك...

رقصت وردحت لين قلت بس محد درا عني

يعني لازم انظم الى تيار معين علشان يعطوني وجه؟

:)

ولد الديرة يقول...

انت بس اللي عصبي حبتين

ما دريته

المجلس المعين احسن من المنتخب :)

http://wildildeera.blogspot.com/2009/05/blog-post_09.html

كويــتي لايــعه كبــده يقول...

ولد الديره...

ماكو مشكلة اذا الشعب اللي يعينه

ZwaiZ يقول...

men ziman masayart 3alaik .. bel embarak el-new look

المتفائل يقول...

اللي يروح يصوت لازم يكون مقتنع 100 % من اللي بيعطيه هالصوت ...
احنا ما يابنا ورا الا التصويت بالايحاء والتوصيه ...
اذا كل واحد فينا قدر ان هالصوت ماه الا توصيه بتعيين عضو لمجلس الامه لخدمة الكويت واهلها من خلال الرقابه والتشريع ....
يعني عنده القدره على الرقابه لكل ما يوصل له من مشاريع ورقابه لاداء الحكومه ...
والتشريع يعني عنده القدره على فهم القوانين وما يطوفه شي ....
ولازم انه يحط الكويت واعيالها جدام اعيونه ....
توني ذكرت شغله ...
خلف دميثير العنزي ... عضو من ١٩٨١ جم قانون قدم للمجلس ؟،،،

المتفائل يقول...

اللي يروح يصوت لازم يكون مقتنع 100 % من اللي بيعطيه هالصوت ...
احنا ما يابنا ورا الا التصويت بالايحاء والتوصيه ...
اذا كل واحد فينا قدر ان هالصوت ماه الا توصيه بتعيين عضو لمجلس الامه لخدمة الكويت واهلها من خلال الرقابه والتشريع ....
يعني عنده القدره على الرقابه لكل ما يوصل له من مشاريع ورقابه لاداء الحكومه ...
والتشريع يعني عنده القدره على فهم القوانين وما يطوفه شي ....
ولازم انه يحط الكويت واعيالها جدام اعيونه ....
توني ذكرت شغله ...
خلف دميثير العنزي ... عضو من ١٩٨١ جم قانون قدم للمجلس ؟،،،

كويــتي لايــعه كبــده يقول...

زويز...

الله يبارك فيك

ومشكور وقواك الله على أعمالك في اليوتوب.
تراك خط الإمداد للكثيرين.
تسلم

كويــتي لايــعه كبــده يقول...

لا للدبكة وراقصيها...
(معك 1000% بأهل الدبكة)

أتفق معك بالكامل عزيزي

وسؤالك عن دميثير يجب أن يكون: كم معاملة أنجز؟ وكم واسطة توسط؟ وكم مجاملة جامل؟ وكم شخص بالسلطة يريد أمثال دميثير؟!

كم أخذ من المجلس لا كم قدم؟

صدق من قال... لكل ساقط لاقط

ZwaiZ يقول...

allah egaweek e7na 7athreen o sharaf ley ena akoun kha6 emdad lakin ham ma ansa dour enas eli ga3da etwaferli el-videos fa ham gawahoum allah

كويــتي لايــعه كبــده يقول...

زويز...

للكل دور
ألف تحية لمن يزودك كي تزودنا ونحن ان شاء الله نزود الآخرين

العاون على خير عز وفخر

وصل سلامي واحترامي لمن معك