22‏/05‏/2008

شيء يضحك شيء يبكي

مقارنه واضحه
.
+++++++++++++++++++++++++++++++++++++++++


كإنه بدينا...ء


عز الله بلشنا بالتنميه!ء


++++++


من ضمن ما سقط على سمعي وقت التصويت...ء


شايب يقول
"الخرافي ما اصوت له لو مو نازل احد غيره"

اتعس ما سمعت...
"الصليبيخات جاها رزق"
يقولها شخص ملتحي "اسلامي" ويقصد الرشوى الانتخابيه.

موقف ظريف...ء
احد العاملين مع الفزيع قال لاحد الاقرباء ان يصوت لمرشحه ورد عليه انه لا يستحق الصوت. وكان الفزيع خلفه دون علمه وكشر وجهه. الظاهر انه من زمان ما سمع الحق او الصراحه. على الاقل سمع الصج من غير مجاملات هالمره.ء


ليش ما هم اللي بستحون لما بسرقون حلال عيالنا!؟

وعندي موقف موقفين زياده بس الحين ناسيهم، اضيفهم بعدين ان شاء الله.ء


وكان عندي كم نكته عن الانتخابات بس حرقتهم على اختي براقش :)ء


بس ما حرقتهم كلهم...ء

شايفين الدبوس قدام بيت منصور المحارب يصارخ "من قال لك انها مو للبيع؟! اقعد انت"!ء

و


لحم الخرافي فاسد... عاد انتو فهموها كيف ما تبون :)ء

والاخيره...ء

.

خبر عاجل: تم الطعن بنتائج الانتخابات بعد التأكد من 10 آلاف ح$$ر صوتوا للخرافي!ء

:)

.

++++++++++++++++++
.
أهل الطيب زادو واحد... ء
الأخ العزيز والزميل شقران انعم الله عليه بولد
.
عسى الله يديم عليهم الفرحه فيه
ويديم فخره بابوه
.

هناك 16 تعليقًا:

فتى الجبل يقول...

اهلا بالدولة المتاسلمة السلفية اللي رئيسها السلطان
والله يعينا

كويــتي لايــعه كبــده يقول...

كويتستان ؟!؟

والله الشعب طلعوا خرفان هالمره عدل

ويتشكون من حال البلد بعد

Hamad Alderbas يقول...

خوش مقالة لا تطوفك

http://www.taleea.com/column_details.php?aid=174&cid=2865&ISSUENO=1789

كويــتي لايــعه كبــده يقول...

حمد...

ثانكس

غير معرف يقول...

حسبي الله و نعم الوكيل .... انا مو باط كبدي الا عصام بو دمعة و الا هذا كفو يحصل 10000 صوت وزيادة اذا ماني غلطان .... و الله يستر بس من الحكومة اذا المحيلبي بيرجع ماقول الا لا طبنا و لا غدا الشر :(

JuVeNTiNa يقول...

بما انك من محبين الجاسم و كاره للخرافي شوف مدونتي و عطني رايك لاني حيييييييييييل مقهووره

غير معرف يقول...

شلون الفحم المكلسن بس السعدون أكبر فاسد وتتحجى عن غيره !!

أهلا بالدوله المسلمه لا للدوله المتلبرلة

كويــتي لايــعه كبــده يقول...

Anonymous...

10719 وانت الصاج

في منهم من لا يستحي ويفتخر انه صوت له

قلنا الحكومه فاسده ثم المجلس والنواب اما اليوم... الشعب مع مرتبة الشرف

حتى اللي يسوي نفسه فاهم يبرر لك ليش مقبول انه يصوت للدبوس حتى وهو يشتري اصوات ... لاحظ "حتى وهو يشتري" يعني يدرون بس الضمير ما ميش

ما طبنا وزاد الشر

حياك الله

كويــتي لايــعه كبــده يقول...

JuVeNTiNa...

شكرا على التنبيه

هذى يبيلها قعده برواءه بكره ان شاء الله
:)

لا تنقهرين يا اختي
الخرفان اللي صوتت لصاحب السمو الخرافي قدس الله فلسه مدفوعين الاجر بشل او آخر
وان لم يدهن سيرهم فهذاك اخس لانهم صوتوا له من قناعه (يعني)!1

انتي بس شوفي اللي علق تحتك

يالله بدينا

كويــتي لايــعه كبــده يقول...

بوناصر...

اهلا بالحمله التجريحيه التمهيديه للرئاسه

! توقيتك ريــت

المره الجايه تغلغلوا بين المدونات قبل معركة الرئاسه بفتره مو على طول قبلها عيني عينك

قول حق معزبكم ان الاقتراح منك علشان يزيد لك اللحم او/و المكافأه

بعدين انت تعرف شنو سالفة اللحم المكلسن اقصد الفحم المكلسن والا هي حفظ رؤوس اقلام وتسميع؟ يالله سمع لي

"أهلا بالدوله المسلمه"

ليش قبل كنا نعبد الشمس؟

عندي لك هدايا...
www.nabeeha-sadoun.com
www.no4kharafi.com

ومره وحده اقرأ عن شيء اسمه دواوين الاثنين
وعلى دربك المجلس الوطني بعد

ترى القراءه زينه

سلم

غير معرف يقول...

انتا بروحك طائفي وبغيض
موعاجبينك الا السنه بس ..لو مو حيال ودجال ومخك نفس شعبك اللي طلع السلف والتلف والقيزان للمجلس جان على الاقل لونت د.حسن جوهر بالاخضر بس انتاطبعا ماتختلف عن غيرك فالرجاء منك ان لاتستشرف على روسنا اوكي

طائفي وزارع الفتن وتتكلم عن الوطنيه وعفونة شعبك اللي انتا ما تختلف عنه
...

حلم جميل بوطن أفضل يقول...

أتمنى النجاح من كل قليب لأي شخص إلا الخرافي. فما بالك إن كان شخصاً على وزن أحمد السعدون

للأسف هناك بعض المجاميع قلوبها متروسه على السيد أحمد السعدون بعد مسألة التأبين و أعتقد بأنها ستصوت لجاسم الخرافي مكافأة على موقفه

و للأسف نتناسى كامل التراث الوطني للسعدون و نلغي مسلسل المواقف الباهتة للخرافي و نحتكم على مصلحة الطائفة لا مصلحة الوطن

الشق عود و يبدو أن النفوس ما زالت مشحونة جداً

للأسف

كويــتي لايــعه كبــده يقول...

Anonymous...

اشكرك على اثبات مستواك لكل القراء وبنفسك بدلا مني. بنفس واحد قلت "حيال" و "دجال" و "مخك نفس شعبك" (ما كنت ادري ان هذى سبه) و "التلف" و "القيزان"... انت وين رابي؟

لحسن حظك انا ادري انك ما تمثل الا نفسك ويمكن بعض المؤيدين للتأبين اللعين للارهابي اللبناني مغنيه لعنة الله عليه وحزبه الاجرامي. لا لوم على بقية الشيعه فلنا منهم حبايب وطبعا هذا الشيء مو شغلك المهم ماني ظالمهم بسبة عقليات مثلك.

حسن جوهر اللي انت تتكلم عنه هو نفسه اللي ضم نفسه الى قائمة عبدالصمد ولاري؟ تبيني الونه بالاخضر؟ احمد ربك اني ما لونته بالاحمر وهذا كان من باب اني ابي اطوف له علشان ما يطلع لي اشكالك ويخلطون ماي ودهن.

على كثر البدو اللي انا طاب فيهم وعلى كثر المتأسلمين السنه اللي انا طاب فيهم يطلع لي شيء مثلك ويقول لي طائفي!؟ يا اخي ربعك حدث ولا حرج... اثنين خونه ولائهم لغير الكويت وبالعلن وواحد خبل بيشتكي على الناس (الشيعه) يوم القيامه عند من يدعي انها جدته! والاخير اللي انا مطوف له موقفه بس انت ما تفهم. عطني آدمي اقول لك آدمي... معطيني هذول.

بعدين انت تقيم وطنيتي ؟
:)

انت صوت حق سني؟ انت وانت تفلي اللسته عندي قاعد تدور اسماء الشيعه بس والا كل اسماء الكفاءات؟

ما سمحت للاوادم تتطاول على وطنيتي فطبعا ما راح اسمح لشيء مثلك انت.

ذكرتني... خل الحق على راعي الآش قبل لا يسكر.

(احب الآش. شفت شلون انا مو طائفي)

كويــتي لايــعه كبــده يقول...

حلم جميل بوطن أفضل...

مثلك عارف

نحن على انزلاق خطر جدا

مصالح وثروات وطائفيه وقبليه وشقوق بالسلطه وبالشعب

حال الديره ما يبشر

المؤشرات تشير الى اشياء ما ودي اقولها ولا الناس ودها تسمعها
denial

As YoU LiKE يقول...

لوووووووووووووووول
اي والله 10 الاف حـ**ـار

اما السلطان صدق روحه الاخ ..
لو فيه خير جان نزل الانتخابات اللي طافت .. لكن الدينار سيد المواقف

كويــتي لايــعه كبــده يقول...

As I LiKE...

داري انها بتعجبك
:)