17‏/11‏/2008

بــس مــرة

أحيي الحكومة على الاستقرار السياسي ومن ثم الاقتصادي
(طبعا اتغشمر... فهم ما يستحقون التحية)

طبخة حل مجلس الأمة صار لها فتره جاهزة
واليوم عن طريق الفالي ومحمود حيدر افتعلتوا العذر "للنجاب"
مع شوية بهارات من السلفي-المو-دين-اساسا المطير وكبيرهم الطبطبائي والثالث بعد ما يبيله

تشويه الديمقراطية تدريجيا
(اعلان الاهرامات المفضوح، ودعم النواب الفاسدين، وتعيين صفر، والالفاظ والسلوكيات داخل المجلس، والتسويق باللوم على مجلس الأمة انه هو المانع للتنمية، ووو)
والآن بعد ما ضبطوا التربة
بيضرب الفاس

(براس البلد)

كل هذا علشان تحلون مجلس أمتنا !؟!
ليش؟
شدعوه وقفكم عن البوق؟
لكن المريض مريض

اصحوا يا ناس
اصحوا يا شعب

نصيحة ودعوة للتهدئة: الناس ما سكتت في دواوين الأثنين في الحل الثاني ولن تسكت في عهد الاتصالات والانترنت. ليس بتهديد بل نصيحة فالحكمة بتقدير الأمور قبل "عفستها" مطلوبه.

ولو مره حطوا الكويت أول

يالله سترك

هناك 26 تعليقًا:

KrakatoA يقول...

عمو

السالفه اكبر من هيك..وفيها اكتر من هيك

Enter-Q8 يقول...

خلاص ارحل يا ناصر
اي صج بالمره بعد
نبي رئيس وزراء بخيل
حلينا المجلس مرات
نبي نحل الحكومة هالمره

ZooZ "3grbgr" يقول...

الله يستر

كويــتي لايــعه كبــده يقول...

بوطارق...

اللي عندك قوله

ندري السالفه كبيره وشاملة

كويــتي لايــعه كبــده يقول...

بو وليد...

استبشرنا فيه الخير وبنواياه الاصلاحية اللي طلعت _____ في تنك

يبيله نحل الحكومة وما نحدد تاريخ اعادة تشكيلها

كويــتي لايــعه كبــده يقول...

زووز...

هو فيه غير رب العالمين داري عن هوا دار الكويت!

حاميها حراميها
مشرعيها مخربيها

يالله سترك
ما لنا الا انت
ولا بعدك أحد

Eng_Q8 يقول...

بنسويها دواوين الثلاثا

تدري العطله تغيرت

كويــتي لايــعه كبــده يقول...

مهندسنا...

لعلهم يفهمون

maqhor يقول...

ترى حدي منغث
صج لاعت جبدي
يعني الحل دستور ولا مو دستوري؟

كويــتي لايــعه كبــده يقول...

مقهور...

عفوا "لوعة الكبد" حقوقها محفوظه
خلك على القهر (عسى الله يبعده عنك)

الحل اللي يبونه غير دستوري... أي غير قانوني... أي غير مقبول

لكن خل نشوف من الحين لي بكره شتنتهي صفقاتهم عليه

bo bader يقول...

"نصيحة ودعوة للتهدئة: الناس ما سكتت في دواوين الأثنين في الحل الثاني ولن تسكت في عهد الاتصالات والانترنت. ليس بتهديد بل نصيحة فالحكمة بتقدير الأمور قبل "عفستها" مطلوبه."

====

صح لسانك ، وعساهم يسمعون ويستوعبون !!

كويــتي لايــعه كبــده يقول...

بو بدر...

يسمعون بس ما يستوعبون

وانت تعرف هالشيء أكثر من غيرك

kuwaitawy يقول...

الله يستر

كويــتي لايــعه كبــده يقول...

كويتاوي...

آمين

shahad يقول...

خل عنط الطبطبائي و الثالث

المطير يعني تقص على منو ! طول عمرنا أهل و جيران و معتدلين مادري من وين قلب فجأة " يعني لو بقص على الدنيا جيرنه خابزينة و خالصين"

تشويه الديمقراطية : المشكلة في الناس يحركهم حب الكويت لكن لا يعترفون بانهم لم يولدوا ليكونو قادة ، فلم يبنون الديرة و لم يتركوا المجال لمن يستطيع أن يعلوا بها و يصلح فيها
فهل يصنفون من الفاسدين؟ " أعتقد تعلم من المقصود البعض رحل و البعض موجود "

يعني إذا حلو المجلس بترقع الوضع ؟ ليش ما يخلونه بعفسته اخبط بالماي لما يتعلم السباحة

ما في من يقدم مصلحة غيره على نفسه إلا قله لهذا السبب وجد القانون ليحكم دون تدخل النفوس لكن أين من يطبقه

shahad يقول...

اتمنى امر يوم بدون لا اكتب تعليق بألف بدلية

و بارد على قلبك انشاءالله على هالبيرة المرتزة

Kuwait يقول...

الديره على صفيح ساخن ..
التأزيم متواصل ..
لكن هل تعتقد الحـل بالحــل ؟؟

كويــتي لايــعه كبــده يقول...

شهد...

المطير قاص على ناس وايد
ومنهم اللي يدري انه نصاب لكن يقول ما يخالف فالسياسة نصب بنصب
(كلٍ يرا الناس من عين طبعه)

واللي تقصدينه ما عرفته بصراحه

لي حلوا المجلس راح "يخبط" الماي أكثر وأكثر

اذا مع مجلس الأمة والماي خابط من دونه شلون؟

كويــتي لايــعه كبــده يقول...

شهد...

هوب هوب هوب!

هذه "بيرييه" مو بيره
لا تخربين السمعة
:)

ما احب حتى طعمها يعني لا كحولية ولا غير كحولية أشرب

لكن هم مشكوره
:)

كويــتي لايــعه كبــده يقول...

كويت...

الحل ما هو الا الاستمرار نهج المشاكل

الحل بالقدوة السياسية
الحل بالخطوات الاصلاحية لا الكلام والفعل عكسه
الحل بعدم التآمر على الشعب بأقل الحالات

حاليا لا حل واطيب الاحتمالات هي ان لا نزداد بالفساد

وخل اوقق هني

حـمد يقول...

فعلا عزيزي كويتي

في كل قضية تمر علينا تهدم لبنه من لبنات الديمقراطية

سورنا تشلخ

والحل صعب مع الاسف


تحية لك

كويــتي لايــعه كبــده يقول...

بو ديما العزيز...

الحل الشامل مو على الطاولة حاليا ولسنوات جدام والله اعلم اذا امكن حتى بالمستقبل مع الوضع المتردي للبلد

حنا الحين راضين حتى لو بحلول جزئية

هم مو محصلين!

فففففففففف

حـمد يقول...

كويتي

هدي هدي

هالايام يقولك ضرب على الليمون بالنعناع من عالم المانجو

جني بطلب 5 دولكات حق الديوانية الليله :)

يا سْديرَه يقول...

بس مره !!!!!!

ما اعتقد :(

لو اصلا حاطينها بالحسبان ما وصلنا الى ما وصلنا اليه

وما اعتقد يتمتعون حتى بأدنى مستويات الحكمة وتقدير الأمور

اللي خبرك يتعاملون معها على انها اقطاعية خاصة وامخلين جزء صغير لمن تستر بستار الدين لزوم التطخيخ !!

سالفة الحل طابخينها من مطبي وانا اختك وامزهبين لها خوش فلم واكثر من جزء عاد هل السلف يمثلون الجزء الأخير من سلسلة افلام حار بارد؟؟

كويــتي لايــعه كبــده يقول...

حمد...

الحين بروح آكل نعناع حاف واشرب وراه ماي

العصير ما قام يوفي

كويــتي لايــعه كبــده يقول...

يا سديره...

شبزيد على كلامك !؟
ما ينزاد عليه شيء