14‏/01‏/2009

أزرقــنـــــا

مو باجي الا أقل من نص ساعة على اللعب

قطعنا أشغالنا مبكر

جمعنا العيال للتشجيع العائلي

ضبطنا الشاي وملحقاته

وما نقول الا...
روووووووووح يا الأزرق


يا سبحان الله اذا شيء غير مهم مثل الكرة تبث بالبشر كل هالوطنية من صوب وكل هالأمل من صوب ثاني

الأزرق أزرقنا مو أزرق الاسطبل

بالفعل متجوعين للأمل والفرحة
عسى ربي ما يقطعهم من ديرتنا


---
الدفاع ضعيف ومسألة وقت والكرة بمرمى الكويت
---

الشوط الاول 0-0
لكن اللعب ما من مستوى
لا من دفاع ولا من هجوم
---

السعودية تجيب قولها الأول

ابدا مو مفاجأة!
---

انتهيناعلى 1-0 للسعودية
زين مو أكثر

المستوى واااطييي

والشكر طبعا لمن تسبب بوقف الرياضة الكويتية بتعمد
واليوم بيصير بطل غصب مو عارف شلون


هناك 26 تعليقًا:

Corpse Bride يقول...

موفقييييييين انشالله

والله على اعصابنا والله كريم


بس هم زين منهم..

كويــتي لايــعه كبــده يقول...

كوربس برايد...

ان شاء الله

لكن المستوى حده تحت !!!

Corpse Bride يقول...

خسرناااااااا :(

كويــتي لايــعه كبــده يقول...

كوربس برايد...

خسرنا بعرق جبينا
وبمستوانا المعدوم

Fashionista يقول...

حرام عليك

ما كانوا وايد سيئين :/


tough luck for us

كويــتي لايــعه كبــده يقول...

فاشنيستا...

لا والله الا انتي اللي طيبه

it's not about luck

it's about ahmad alfahad pulling down the Kuwaiti sports standard on purpose

Purplecious يقول...

ما عليه هارد لك

هذه الكره فوز و خسارة

ما قصروا شبابنا بس اللي بط جبدي عقب قول السعودية ليش شبابنا خقوا؟؟؟

كان لازم يضغطون و يستذبحون و يبيعونها خو خلاص خسرانين خسرانين

بس المستوى أنا عندي أحسن من مباراتنا مع العراق

كويــتي لايــعه كبــده يقول...

بنفسجوشس...

بالفعل

كانو يحكرون الكرة كأن الوقت من صالحهم غير ان المستوى القليل الموجود طار بعد القول

Corpse Bride يقول...

اهو زين منهم محد كان متوقع ان يوصلون لي النهائي..

بس انا كان عندي امل..

ما ادري ليش:(

كويــتي لايــعه كبــده يقول...

كوربس برايد...

بالفعل محد متوقع

وكلنا دخلنا الأمل وهذا احلى ما فيها

esTeKaNa يقول...

اشلون الكرة حركت فينا كل هالوطنيه؟
اخوي احنا ياينا ضيوف
من عقب قول السعوديه الاول بديت احس ودي احذف القلاصات والاستكانات بويوهم تنرزفت!
اوكي يلعبون
بس ما حسيت مستذبحين عقب هالقول:(
يالله الحمدلله
ماقصرو وعليه الشباب
زين منهم يلعبون بهالظروف التعبانه

وبس عاد اريهنو خنرتاج من الكرة
:Pp~

بنت الشامية يقول...

يكفى كلنا تجمعنا وساندنا الازرق
تكفينا هاللمه وشعورنا بحب للكويت
من زمان ما جمعنا شيئ احنا الكويتين مع بعض...صرنا كلنا واحد
ما قصر الازرق سوى الا عليه واكثر
لا نحمله اخطاء رؤسائه اللى العبوا بالرياضه.....زين منهم العبوا وبصدق
لرفع اسم الكويت عاليا
مشكووووورين يالازرق صج مشكوووورين

Enter-Q8 يقول...

مشكورين يا عيالنا و يعطيكم الف الف عافية

و سبب الخسارة
الزفت بو عيده قبس علينا

vancouver يقول...

هاااااااااااردلك


زعلنا عليهم والله

ان شاءالله اليايات اكثر
وافضل

بوتشخيص يقول...

ما قصروا الشباب .. كافي هالروح المفقودة .. و كافي اشعلوا فينا الامل و الوطنية .. اهم شي يحافظون على الفريق ..


هاردلك خسارة بشرف ..

كويــتي لايــعه كبــده يقول...

بيالة نعناع...

بالفعل ما حسسوا الواحد بالهمة!

و"الظروف التعبانه" اللي الكل يتكلم عنها لها اسم :)

أحمد واسطبله

بغينا الرياضة راحة الحين ندور الراحة من الرياضة :)

كويــتي لايــعه كبــده يقول...

بنت الشامية...

صاجه

أحلى ما فيها الجمعة

"لا نحمله اخطاء رؤسائه اللى العبوا بالرياضه"

ويا ريت لو نوقفهم عند الرياضة

كويــتي لايــعه كبــده يقول...

بو وليد...

من شاف بو عيده شاف الفوز؟

كويــتي لايــعه كبــده يقول...

فانكوفرية...

ان شاء الله يا اختي

لكن التمني بروحة هو اللي وصلنا هنيه

كويــتي لايــعه كبــده يقول...

بو تشخيص...

أزرقنا نشجعه بالفطره

لكن الصج ان المستوى خفس

والمسؤولية على اللي لعبوا بحسبته لعب مو من الشباب نفسهم

mosan mosan يقول...
أزال المؤلف هذا التعليق.
mosan mosan يقول...

its good we made that far with all the mess we are in...we missed plenty of good opportunities

I cant imagine how low can we go ..we hit rock bottom a long time ago and there are no signs of improvement

Stay positive lol ;)

كويــتي لايــعه كبــده يقول...

mosan mosan...


and what we are in

actually rock bottom is when we are caught with our pants down when the oil runs out and no other plans exist

yeah... that's real positive man
D=

كويــتي لايــعه كبــده يقول...

and what we are in = and what a mess we are in

sorry

mosan mosan يقول...

by the way I saw 7aleema boland with sun glasses with the spectators yesterday loool that was a sight

كويــتي لايــعه كبــده يقول...

mosan mosan...

yeah I saw some idiot wearing glasses (at night!) along with a blue shmagh.

she wants to be seen but doesn't want to be seen!?!?

I knew it was her from her nose make up
:)

seriously