22‏/07‏/2009

نقاضي حتى الهواء


تقاضي 'الغبار' لما يسببه من ضرر لكويتنا الغالية
المحامية الصباح: الغبار غلى "ناس وناس" ومضر للجميع

تقدمت المحامية فوزية سالم الصباح صباح اليوم برفع دعوى إدارية جديدة ضد "الغبار" ووزارة الطقس وآخرين لإلزام الجهات المعنية بالاعتراف والتوقف عن الأضرار المتنوعة وتعويض مرضى الحساسية وشركات السياحة الداخلية (لووول) والترفيه عن جميع الأضرار المادية والأدبية والنفسية التي لحقت بهم.

وأشارت المحامية فوزية الصباح أن قرار الغبار بالاستمرار والاصرار على ضرر الكويت والكويتيين مقصود ومسبوق الترصد وبالذات بالانتباه الى مركز بدايته في أحد الدول المجاورة والتاريخ العدواني ضد دولتنا الحبيبة.

وقالت المحامية فوزية الصباح ان بعض الشخصيات المعروفة لها يد في هذا التخريب ومتعاونة مع الغبار ضد الوطن وسوف يتم تعريتها بالكامل وكشف الحقائق. الجدير بالذكر أن المحامية فوزية الصباح تنوي مقاضاة "حرارة الطقس" و"الشمس" وأي قضية أخرى دون أدنى قناعة غير حب الأضواء.


هناك 51 تعليقًا:

Jako يقول...

أشفق عليها...مسكينة الفراغ ومايسوي
ما خلت أحد مارفعت عليه قضية

As YoU LiKE يقول...

what the hell ?

ChEMiCaL-ENG يقول...

السلام عليكم

بعدي هذي القضايا اللي تسوى
:)

Enter-Q8 يقول...

زين ما قالت ضد الكويتيين مو ضد البدون

ترى تصير عادي

بو حامد يقول...

أبلة فوزية الصباح خل تسوي صندوق وقطية وتسكرلنا الكويت بكيربي

Blog 3amty يقول...

الله يخليلنا آل الصباح

حسافتج يا كويت يقول...

لووووووووووووووول


والله أنك كتبت اللي في قلبي

توني كنت بكتب عنها


لو فيها خير جان قاضت رئيس الوزراء

على الخمال اللي بالديرة

عزيزي هذي تبي تقول انا هنا
وأنطر عليها شوي بتلاقيها وزيرة العدل بس اصبر

أهل شرق يقول...

يعني فريحة او امثال ولا نعيمة احسن

منها ؟؟

خلوها تلعب شوي وتستانس البنيه

ديرتنا ديرة بطيخ ليش مستغربين ؟؟

أبو الدســتور يقول...

هههه
مسكين خالد السلطان انحاش منها

مركبنا يقول...

نبارك لكم مقدما !

ظهور اسم مدونتكم على صفحات الجرائد


فوزية تقاضي كويتي لا يعه جبدة وكل المدونين الذين علقوا عنده !

ابوالوليد يقول...

هذي محامية الأسرة الحاكمة

والحين تدافع عن رشا ومصالحها في الجامعات المشبوهة ومنها 6 اكتوبر اللي تكون عضو مجلس أمناء فيها

كويــتي لايــعه كبــده يقول...

جاكو الذيب...

ليش ما هي تشفق علينا؟
هذا مو فراغ... هذا رهاة اللي ماخذ غير معاشه معاش من الديوان الأميري لو شنو بربس. خسرانه شيء هي لما ترفع قضايا أم تكسب شهرة.

كويــتي لايــعه كبــده يقول...

آز يو نو...

!you tell me

http://www.google.com/cse?cx=001440562071610261833%3A75a_hupziaw&ie=windows-1256&q=%DD%E6%D2%ED%C9+%C7%E1%D5%C8%C7%CD&sa=Go

ما عندها شغل غير البحث عن الشهرة بالقضايا البراقة؟

كويــتي لايــعه كبــده يقول...

كيموكال انجـ...

علشانك ما راح ترفعها
النحاسة لهم

كويــتي لايــعه كبــده يقول...

انتر ذا دراقون...

يصير أكثر في البحث عن الشهرة

كويــتي لايــعه كبــده يقول...

بو حامد...

هذا الحكي!

بس لا يكون التكلفة أكثر من 5 مليون؟
أقل مو مهم لكن أكثر بدينار لأ

كويــتي لايــعه كبــده يقول...

بلوق بيودرنا...

ها؟
شنو؟
ما اسمع!

ما ضيع هيبة الصباح الا افعال بعض عيالها الطايشين والصراعات العلنية وبعد كم شغلة ماني قاليلهم

كويــتي لايــعه كبــده يقول...

حسافتج من مبطي...

"لو" تفتح الباب للشيطان

اذا تبي الصج هي وزيرة العدل ولا أحمد الفهد نائب لرئيس الوزراء ومعدني بالاقتصاد والاسكان

ما طاح الا انشكح

كويــتي لايــعه كبــده يقول...

مو أهل جبلة...

منو مستغرب؟

كويــتي لايــعه كبــده يقول...

ابو اللي يبون ينقحونه...

حسبها حسبة التاجر من باب الربح والخسارة... والا صدقت انه اسلامي؟

كويــتي لايــعه كبــده يقول...

مطبعنا...

انت عاد الظهور بالجرايد شيء يبارك عليه؟

وكلش انت مو ويانا

كويــتي لايــعه كبــده يقول...

ابو الوليد...

والاسرة الحاكمة فوق انها حاكمة تحتاج أحد يحاميها؟

وهذا الحلو بالديرة الصغيرة ان الكل يعرف كل شيء بس هم سمع اللي ليلحين ما وصلهم خبر. ويقولون ليش قاموا على الفلبين ومادري وين من شهادات الميكي ماوس وهو مصطلح قديم للجامعات الأمريكية اللي تعتبر أي كلام ولكن يتركون الجامعات المصرية اللي فتحت هذا المجال أساسا. اذا عرف السبب بطل العجب.

well_serviceman يقول...

أنا أشهد إنه كلامها عدل "هههههههه"

ما استغرب اذا صج صرحت بنفس اللي تفضلت فيه.. ناس امراكض ورى الشهره حتى لو وضعت يدها "بالبطيخ"

تحياتي

غير معرف يقول...

الشرهه مو عليها الا على الديوان الاميري الى لازم يدخل للحفاظ على صورة الاسرة ... وبعدها يقولون ليش ضاع احترام الناس لنا

الـشـعـبي يقول...

هاهاهاهاهااااا عاد قلنا تبين تصيرين مشهورة بس موجذي

دكتور كويتي يقول...
أزال المؤلف هذا التعليق.
دكتور كويتي يقول...

اكثر المحامين شهادتهم مشبوهة
الله يخلي المستشارين المصريين
و أظن المحامية وحدة منهم
بس ما ابي اعلق اكثر
اخاف ترفع علي قضية

كويــتي لايــعه كبــده يقول...

ويل سميث...

عاد الديرة بطيخ من كل صوب

وبما انك معجب بالكلام تراه كلامي انا
بس اذا غيرت رايك تراه كلامها هي
:)

كويــتي لايــعه كبــده يقول...

غير معرف...

اضرب الكبير يتسنع الصغير والعمل بالقدوة

لي قدر الديوان على أحمد الفهد يقدر يسكر الباب على البقية من العابثين بالسمعة

اتفق معك عزيزي

كويــتي لايــعه كبــده يقول...

الشعبي...

جذي وأكثر

تبحث عن قضية "O.J Simpson" الكويت

كويــتي لايــعه كبــده يقول...

بالطو أبيض والا بي اش دي...

يا زين الديرة الصغيرة اللي كل واحد مفتح يشوف كل شيء

مع كل أسف كلامك صحيح

ما يحوشك دور
حنا قبلك

Yang يقول...

كل شي يصير


:))))



تحياتي

كويــتي لايــعه كبــده يقول...

يانغ...

عند البعض فقط


أهلا وسهلا

عنيف يقول...

من يومين مكتبها محترق فيه المطبخ او شي جذي راحو لها 7 اسعافات ليش ما ادري ومركزين مطافي واخر شي الحادث منتهي تتوقع ودها ترفع قضايا بس مو عارفه شلون؟؟؟

كويــتي لايــعه كبــده يقول...

هنيف...

اللهم لا شماته

7 اسعافات ومركزين مطافي؟!
ليش ما راحوا لها الوزراء المختصين بعد؟

حكمة قالها سفيه (سعدون حماد): الحكومة (و الديرة) ما تحترم الا اللي يدوس عليها

إمـرأة لا تُنسـى يقول...

شخباركم؟ والله من زمان ما كتبت تعليق وسامحنا على القصور..

أقول، ليش كل شي ناخذه إطنازة؟ :)

فعلا احنا في حاجة ماسة إلى "مشاريع بيئية" مثل الدول المتقدمة! لأن مشكلة العواصف الترابية والتصحر اللي يزيد منها، تؤثر على صحة الفرد خصوصا الأطفال واقتصاد الدولة بشكل مباشر.

لأن الدولة مو مهتمة في النظام البيئي بشكل جدي، ولا قاعدة تبذل جهد في حل مشكلة التصحر والعواصف الترابية، لا تخضير لا مصدات لا عمات عين!!..

الناس تعاني من الحساسية بكل اشكالها، مشاكل جلدية.. ومشاكل في الجهاز التنفسي مثل الربو وغيره، ولأن الحكومة بإيدها تحل هذي المشاكل فهي المسؤولة عن الأضرار الناتجة عن هالتغيّر البيئي ويحق لأي شخص المطالبة بتعويض عن الأضرار.

احنا الكويتيين لو الدكتور يسوي خطأ طبي ما نحاسبه قانونيا، صح.. اشلون نفكر بمحاسبة الحكومة بإهمالها البيئي؟

تقللوا من التطنز اشوي..
وخلونا نفكر مثل الأجانب "على الأقل"

وسلامتكم :)

نون النساء يقول...

أنا وياها

هناك مؤامرة تُحاك ضد نفسية المواطن الكويتي
عشان يحوشه احباط تكعيبي من كل الجهات ..

لازم نشوف منو ورا هالشي ..

كويــتي لايــعه كبــده يقول...

انفوقتابل وومن...

علامك خربتي وناستي؟ :)

الا كلامك كله صحيح بالنسبة للتصحر ومسؤولية الحكومة وازيدك من الشعر بيت الأهم من التصحر التلوث اللي يتجاهلونه بالرغم من التقارير العلمية الكويتية والخارجية والاصرار على وضع المناطق السكنية في أكثر الأماكن تلوثا مما ينتج ليس فقط بالحساسية وأمراض جهاز التنفس الا أكثر من ذلك بكثير التي تصل الى السرطان اعوذ بالله. بدول محترمة هذه تعتبر جريمة بموجب القانون!

اما مقالنا هذا كان مجرد تسليط الضوء على الاخت المحامية ورغبتها بعناوين الصحف والاضواء بحثا عن الشهرة والنجاح كمامية بهذه الطريقة. المقال كان بين "تقاضي الهواء" او "تقاضي ذبانة ويها" :)

اللي ما يتطنز مو كويتي :)
ما يصير غم بغم يا بنت الحلال
والا المخزون متروس

كويــتي لايــعه كبــده يقول...

وومنز ان...

ما شاء الله النساء مسوين شغل اليوم :)

مو بس مؤامرة ضد النفسية الا نجحوا فيها شر نجاح...
ما تشوفين "كويــتي لايــعه كبــده" بدلا من "كويــتي فــاضي وقــال يكــتب"

منو ورا هالشيء؟...
ابدا مو الادارة الفاشلة للدولة وبأكثر الأحيان بتعمد او ما يسمى عند الغير متنفعين بـ"الفساد" وسلامتكم

موظف حكومة يقول...

و ان كسبت القضيه من يعوضها ؟

كويــتي لايــعه كبــده يقول...

موظف حكومة موقرة...

الكسب بالنسبة لها هو البروز الأعلامي

بنت الشامية يقول...

لاحول ولا قوة الا بالله

من صجهاااا...والا تغشمر

اللهم لا اعتراض

كويــتي لايــعه كبــده يقول...

بنت الشامية...

أنا اللي أتغشمر
والخبر مو صحيح

لكن قابلية البعض ان يصدق خبر مثل هذا دلالة خطيرة على ما وصلنا اليه واللي ممكن نصدقة :)

mantovani يقول...

اههاههاهاهاها

يا يبا المرة اتدافع عن عيال عمها علشان تثبت لهم انها قدها و قدود

و انشالله اذا تستاهل المنصب بيعطونها


مانتوفاني

صــوت الــمــدامـــع يقول...

وش تحس فيه

؟؟__؟؟

كويــتي لايــعه كبــده يقول...

مان تو مان...

خوفك اذا "ما هي كفو مثلهم" يعطونها

علامهم ما يتنافسون الا على المضرة؟

كويــتي لايــعه كبــده يقول...

صوت المدافع النسائية...

حسرة على أوضاع ديرتي المفتعلة

محمد يقول...

حب الظهور مشكله
الله يعينا

كويــتي لايــعه كبــده يقول...

محمد...

مشكلة يتمناها الكثير مؤخرا

غير معرف يقول...

يريت مره وحده ترفع قضيه على الرطوبه ..

كويــتي لايــعه كبــده يقول...

غير معرف...

لو لها فايدة فيها وشهرة لعملتها