المشاركات
تقاضي 'الغبار' لما يسببه من ضرر لكويتنا الغالية
المحامية الصباح: الغبار غلى "ناس وناس" ومضر للجميع
المحامية الصباح: الغبار غلى "ناس وناس" ومضر للجميع
تقدمت المحامية فوزية سالم الصباح صباح اليوم برفع دعوى إدارية جديدة ضد "الغبار" ووزارة الطقس وآخرين لإلزام الجهات المعنية بالاعتراف والتوقف عن الأضرار المتنوعة وتعويض مرضى الحساسية وشركات السياحة الداخلية (لووول) والترفيه عن جميع الأضرار المادية والأدبية والنفسية التي لحقت بهم.
وأشارت المحامية فوزية الصباح أن قرار الغبار بالاستمرار والاصرار على ضرر الكويت والكويتيين مقصود ومسبوق الترصد وبالذات بالانتباه الى مركز بدايته في أحد الدول المجاورة والتاريخ العدواني ضد دولتنا الحبيبة.
وقالت المحامية فوزية الصباح ان بعض الشخصيات المعروفة لها يد في هذا التخريب ومتعاونة مع الغبار ضد الوطن وسوف يتم تعريتها بالكامل وكشف الحقائق. الجدير بالذكر أن المحامية فوزية الصباح تنوي مقاضاة "حرارة الطقس" و"الشمس" وأي قضية أخرى دون أدنى قناعة غير حب الأضواء.
هناك 51 تعليقًا:
أشفق عليها...مسكينة الفراغ ومايسوي
ما خلت أحد مارفعت عليه قضية
what the hell ?
السلام عليكم
بعدي هذي القضايا اللي تسوى
:)
زين ما قالت ضد الكويتيين مو ضد البدون
ترى تصير عادي
أبلة فوزية الصباح خل تسوي صندوق وقطية وتسكرلنا الكويت بكيربي
الله يخليلنا آل الصباح
لووووووووووووووول
والله أنك كتبت اللي في قلبي
توني كنت بكتب عنها
لو فيها خير جان قاضت رئيس الوزراء
على الخمال اللي بالديرة
عزيزي هذي تبي تقول انا هنا
وأنطر عليها شوي بتلاقيها وزيرة العدل بس اصبر
يعني فريحة او امثال ولا نعيمة احسن
منها ؟؟
خلوها تلعب شوي وتستانس البنيه
ديرتنا ديرة بطيخ ليش مستغربين ؟؟
هههه
مسكين خالد السلطان انحاش منها
نبارك لكم مقدما !
ظهور اسم مدونتكم على صفحات الجرائد
فوزية تقاضي كويتي لا يعه جبدة وكل المدونين الذين علقوا عنده !
هذي محامية الأسرة الحاكمة
والحين تدافع عن رشا ومصالحها في الجامعات المشبوهة ومنها 6 اكتوبر اللي تكون عضو مجلس أمناء فيها
جاكو الذيب...
ليش ما هي تشفق علينا؟
هذا مو فراغ... هذا رهاة اللي ماخذ غير معاشه معاش من الديوان الأميري لو شنو بربس. خسرانه شيء هي لما ترفع قضايا أم تكسب شهرة.
آز يو نو...
!you tell me
http://www.google.com/cse?cx=001440562071610261833%3A75a_hupziaw&ie=windows-1256&q=%DD%E6%D2%ED%C9+%C7%E1%D5%C8%C7%CD&sa=Go
ما عندها شغل غير البحث عن الشهرة بالقضايا البراقة؟
كيموكال انجـ...
علشانك ما راح ترفعها
النحاسة لهم
انتر ذا دراقون...
يصير أكثر في البحث عن الشهرة
بو حامد...
هذا الحكي!
بس لا يكون التكلفة أكثر من 5 مليون؟
أقل مو مهم لكن أكثر بدينار لأ
بلوق بيودرنا...
ها؟
شنو؟
ما اسمع!
ما ضيع هيبة الصباح الا افعال بعض عيالها الطايشين والصراعات العلنية وبعد كم شغلة ماني قاليلهم
حسافتج من مبطي...
"لو" تفتح الباب للشيطان
اذا تبي الصج هي وزيرة العدل ولا أحمد الفهد نائب لرئيس الوزراء ومعدني بالاقتصاد والاسكان
ما طاح الا انشكح
مو أهل جبلة...
منو مستغرب؟
ابو اللي يبون ينقحونه...
حسبها حسبة التاجر من باب الربح والخسارة... والا صدقت انه اسلامي؟
مطبعنا...
انت عاد الظهور بالجرايد شيء يبارك عليه؟
وكلش انت مو ويانا
ابو الوليد...
والاسرة الحاكمة فوق انها حاكمة تحتاج أحد يحاميها؟
وهذا الحلو بالديرة الصغيرة ان الكل يعرف كل شيء بس هم سمع اللي ليلحين ما وصلهم خبر. ويقولون ليش قاموا على الفلبين ومادري وين من شهادات الميكي ماوس وهو مصطلح قديم للجامعات الأمريكية اللي تعتبر أي كلام ولكن يتركون الجامعات المصرية اللي فتحت هذا المجال أساسا. اذا عرف السبب بطل العجب.
أنا أشهد إنه كلامها عدل "هههههههه"
ما استغرب اذا صج صرحت بنفس اللي تفضلت فيه.. ناس امراكض ورى الشهره حتى لو وضعت يدها "بالبطيخ"
تحياتي
الشرهه مو عليها الا على الديوان الاميري الى لازم يدخل للحفاظ على صورة الاسرة ... وبعدها يقولون ليش ضاع احترام الناس لنا
هاهاهاهاهااااا عاد قلنا تبين تصيرين مشهورة بس موجذي
اكثر المحامين شهادتهم مشبوهة
الله يخلي المستشارين المصريين
و أظن المحامية وحدة منهم
بس ما ابي اعلق اكثر
اخاف ترفع علي قضية
ويل سميث...
عاد الديرة بطيخ من كل صوب
وبما انك معجب بالكلام تراه كلامي انا
بس اذا غيرت رايك تراه كلامها هي
:)
غير معرف...
اضرب الكبير يتسنع الصغير والعمل بالقدوة
لي قدر الديوان على أحمد الفهد يقدر يسكر الباب على البقية من العابثين بالسمعة
اتفق معك عزيزي
الشعبي...
جذي وأكثر
تبحث عن قضية "O.J Simpson" الكويت
بالطو أبيض والا بي اش دي...
يا زين الديرة الصغيرة اللي كل واحد مفتح يشوف كل شيء
مع كل أسف كلامك صحيح
ما يحوشك دور
حنا قبلك
كل شي يصير
:))))
تحياتي
يانغ...
عند البعض فقط
أهلا وسهلا
من يومين مكتبها محترق فيه المطبخ او شي جذي راحو لها 7 اسعافات ليش ما ادري ومركزين مطافي واخر شي الحادث منتهي تتوقع ودها ترفع قضايا بس مو عارفه شلون؟؟؟
هنيف...
اللهم لا شماته
7 اسعافات ومركزين مطافي؟!
ليش ما راحوا لها الوزراء المختصين بعد؟
حكمة قالها سفيه (سعدون حماد): الحكومة (و الديرة) ما تحترم الا اللي يدوس عليها
شخباركم؟ والله من زمان ما كتبت تعليق وسامحنا على القصور..
أقول، ليش كل شي ناخذه إطنازة؟ :)
فعلا احنا في حاجة ماسة إلى "مشاريع بيئية" مثل الدول المتقدمة! لأن مشكلة العواصف الترابية والتصحر اللي يزيد منها، تؤثر على صحة الفرد خصوصا الأطفال واقتصاد الدولة بشكل مباشر.
لأن الدولة مو مهتمة في النظام البيئي بشكل جدي، ولا قاعدة تبذل جهد في حل مشكلة التصحر والعواصف الترابية، لا تخضير لا مصدات لا عمات عين!!..
الناس تعاني من الحساسية بكل اشكالها، مشاكل جلدية.. ومشاكل في الجهاز التنفسي مثل الربو وغيره، ولأن الحكومة بإيدها تحل هذي المشاكل فهي المسؤولة عن الأضرار الناتجة عن هالتغيّر البيئي ويحق لأي شخص المطالبة بتعويض عن الأضرار.
احنا الكويتيين لو الدكتور يسوي خطأ طبي ما نحاسبه قانونيا، صح.. اشلون نفكر بمحاسبة الحكومة بإهمالها البيئي؟
تقللوا من التطنز اشوي..
وخلونا نفكر مثل الأجانب "على الأقل"
وسلامتكم :)
أنا وياها
هناك مؤامرة تُحاك ضد نفسية المواطن الكويتي
عشان يحوشه احباط تكعيبي من كل الجهات ..
لازم نشوف منو ورا هالشي ..
انفوقتابل وومن...
علامك خربتي وناستي؟ :)
الا كلامك كله صحيح بالنسبة للتصحر ومسؤولية الحكومة وازيدك من الشعر بيت الأهم من التصحر التلوث اللي يتجاهلونه بالرغم من التقارير العلمية الكويتية والخارجية والاصرار على وضع المناطق السكنية في أكثر الأماكن تلوثا مما ينتج ليس فقط بالحساسية وأمراض جهاز التنفس الا أكثر من ذلك بكثير التي تصل الى السرطان اعوذ بالله. بدول محترمة هذه تعتبر جريمة بموجب القانون!
اما مقالنا هذا كان مجرد تسليط الضوء على الاخت المحامية ورغبتها بعناوين الصحف والاضواء بحثا عن الشهرة والنجاح كمامية بهذه الطريقة. المقال كان بين "تقاضي الهواء" او "تقاضي ذبانة ويها" :)
اللي ما يتطنز مو كويتي :)
ما يصير غم بغم يا بنت الحلال
والا المخزون متروس
وومنز ان...
ما شاء الله النساء مسوين شغل اليوم :)
مو بس مؤامرة ضد النفسية الا نجحوا فيها شر نجاح...
ما تشوفين "كويــتي لايــعه كبــده" بدلا من "كويــتي فــاضي وقــال يكــتب"
منو ورا هالشيء؟...
ابدا مو الادارة الفاشلة للدولة وبأكثر الأحيان بتعمد او ما يسمى عند الغير متنفعين بـ"الفساد" وسلامتكم
و ان كسبت القضيه من يعوضها ؟
موظف حكومة موقرة...
الكسب بالنسبة لها هو البروز الأعلامي
لاحول ولا قوة الا بالله
من صجهاااا...والا تغشمر
اللهم لا اعتراض
بنت الشامية...
أنا اللي أتغشمر
والخبر مو صحيح
لكن قابلية البعض ان يصدق خبر مثل هذا دلالة خطيرة على ما وصلنا اليه واللي ممكن نصدقة :)
اههاههاهاهاها
يا يبا المرة اتدافع عن عيال عمها علشان تثبت لهم انها قدها و قدود
و انشالله اذا تستاهل المنصب بيعطونها
مانتوفاني
وش تحس فيه
؟؟__؟؟
مان تو مان...
خوفك اذا "ما هي كفو مثلهم" يعطونها
علامهم ما يتنافسون الا على المضرة؟
صوت المدافع النسائية...
حسرة على أوضاع ديرتي المفتعلة
حب الظهور مشكله
الله يعينا
محمد...
مشكلة يتمناها الكثير مؤخرا
يريت مره وحده ترفع قضيه على الرطوبه ..
غير معرف...
لو لها فايدة فيها وشهرة لعملتها
إرسال تعليق