المشاركات
الطرق برمضان غنية عن التعريف بحالتها والجنون السائد بها. اضطريت للخروج بعد صلاة العشاء والتراويح لتأدية واجب العزاء - ولا اتمنى هذا التوقيت للخروج الا للحكومة. النصيحة هنا هي طيلة البال والا سوف تكون طرف بجريمة دامية. أنا في جانب الطريق الأيمن ولا يميني الا الرصيف. دخل علي بي أم دبليو اكس 5 أسود الى درجة انه ضرب مرآتي الجانبية وتجنبته الى درجة اني "لحست" الرصيف يمين مركبتي. نزلت النافذة.
علامك ياخوي
"انت ليش تعاند؟"
انت اللي داش علي بليني وانا اللي معاند!؟ من صجك انت؟
يبا احنا لا يهال ولا احنا عقد
لا محشوم!
بعد ما "سمح" لي "المو-عقيدي" بالمرور بعد تعطيل الشارع كله ونزلنا من الجسر أخذ حارة الأمان اليمنى و"استن" كأنها حارة اختيارية.
لازلت اتساءل ما هو مفهوم "العقد" لدى صاحب البي أم... اذا كان اصول معينة ام سلوك؟
ربما الحوزة على مركبات من أنواع معينة.
لا أعلم
لا أريد أن أعلم
بعدها وبنفس الطريق بعد دقائق قليلة المركبة أمامي في الازدحام ونحن نحبي على الطريق السريع البطيء تعطلت وأخذت حارة الأمان اليمنى. أمر طبيعي حسب المنطق... لكنه ليس كذلك للمركبة المتخذه لحارة الأمان كطريق شرعي لها وبدأ الأخ يدلي بإنزعاجه عن طريق "الهرن".
مو يا بهيمه... انت بحارة الأمان!
وين يروح الريال يعني؟!
وتدق هرن مو عاجبك!؟
لاحظوا الخنقة المرورية الى درجة وقوف السير بالكامل الا أن حارة الأمان خالية من البهايم
الصورة ليست بالكويت والا كانت حالة الباب المفتوح والشخص خارجه "الدهس"
تفاديا للإجرام أنصحكم وأنصح نفسي قبلكم بالربضة بالبيت
ولا هالعقد أصحاب المركبات الفخمة
هناك 32 تعليقًا:
يبيله هذا
http://www.nrec.eu/20.html
احنا لا يهال ولا احنا عقد
????????????????
عقد
?????????
شنو يعني؟ أذا عقيدي يحق له؟عادي؟...و من متى قمنا نستعمل هالكلمه بحوارنا؟
يعني لو أنت عقيدي جان بو البي أم داس ببطنه عادي؟؟؟؟؟؟؟
=====
رمضان...تشهّد واركب السياره
والله كل أيام السنة بالكويت إجرام مروري بس بشهر رمضان يزيد
قاعدة أقنع نفسي أطلع أخلص جم مشوار قبل لا ينتصف الشهر وتزيد اللوية وتخيل أول بوست شفته بوستك
!!!!
قتلت الرغبة والدافع بالخروج مولية!!
وهذي قعدة
:))
انا برمضان عندي مشكله وحده بس
أطق الهرن بالغلط مادري ليش
مادري شنو علاقتها بالصيام صراحه
بس كل سوم تصير معاي
ما كو ضحايا بس الي يدامي ينقز و يخترع
الردي يظل ردي حتى لو ركب بي ام 700
ياخوك زين سويت تساميت عنه هالحمار
على قولة والدي الله يطول عمره: لما تسوق اعتبر اللي حولك ميانين و انت العاقل الوحيد
قلة الادب وايد منتشره بين اوساط الناس هالسنين
ما عادت حكر على العقد او الياهل
لوول عادي الوضع
خالي مره كان راكب سيارة مسكربه
ونفس الحاله اهو بحارة الأمان وزحمه
واللي وراه " يتركله "
المهم خالي وين يروح ؟
ماكو مكان زحمه
قوموا سفطوه , وطيحوله طق
مسيجين إيده مافيها عظم بس سياخ
لأن مسوي حادث قبل سنه , فالدفاع عن النفس كان زيرو
المهم إن كلاها
..
فالمغزى
لا تركب سيارة مسكربه وتطلع
ترى والله يلعنون خير خيرك
تعال شوف شوارع الكويت الصبح و اهم رايحين الدوامات تصير خمس حارات ثلاثه و اثنين حارة امان و اخذ تطشر
انسكر جامتي مرتين
بسبب هالتهور مالهم لا جاك مستن
فقمت اعاند اوقف السياره على طرف الحارة مالت الامان عناد علشان يكعون بريك
و لازلت احن على البيت عندي اني اشتري وانيت امريكي و ازهلقه و اسنعه بدعامية نيكل و من ورى رمانه شغل واحد من الربع يسويها و ينكلها
علشان صج صج ابي واحد من هالعقد يتحرش فيني
في الكويت فقط
السيايير تمشي حارة الامان وتطوف الشرطي واهو ما يحرك ساكن جنه شغلته يتطمش عالعالم
تنويه
انا لا ياهل ولا عقيدي
حناحينو...
بعد!
اعتقد من الحرج ما عرف شيقول
لكن كون هذه أول شغلة في باله ما هي خوش دلالة
مدام ينق...
تهقين صدفة... والا قسمة؟
:)
شوش...
دارسة بمصر؟
:)
بن ضرار...
صدقت
غياب القانون القناعة التامة بضعفة خلت الشارع غابة والكل يبي يصير أسد
على قولة المثل: الكل مسوي نفسه أمير ولا حنا عارفين منو سواق الحمير
(او شيء من هالنوع)
تعوذت من بليس ورحت العزاء
عمليا لو بتناجر مع كل اثول بالشارع ما راح أخلص
العزيز من لايعه كبده
هذا كله والناس مرتاحة بعد الفطور
الوضع طبيعي جداً ....
عن نفسي برمضان احب البيت أكثر .. ولا أعور راسي بالتقلقص بالزحمة ...
دمت بخير وسلام
لباسك المطز...
أفا ذا العلم!
شموديه حارة الأمان اساسا؟
ردي على مغزاك... اذا راكب سيارة سكراب ووصلت اللي وصلته مع خالك رد عليه قري وطشر خشة سيارته.
العزيز من لايعة كبدة
كم انا سعيدة بهذه المصادفة
:)
عساك بخير يالغالي؟؟
والاهل كلهم بخير؟؟
بو وليد المجرم...
دير بالك ترا واحد من الشباب يوقف على نص حارة الأمان مثلك بس طشروا سيارته بحادث قوي. ما مرون شوي شوي الا طيران.
بعد ما تمتعنا بنعمة ربي من مواتر اكتشفنا ان أحسن السيارات هي اللي ما تحاتيها ولا تكلف خراباتها. بس ترا سبقتك بموتر مخصص لشوارع الكويت من طقة ماد ماكس وحياه الله اللي يبي... لكن تصدق لي طلعت فيه محد يقرب :) المشكلة اني رايح اعزي ومو طالع فيه والا الأكس 5 كان عرف قدرة وما قرب اساسا.
غابة حيوانات مو شوارع
كومن سنس بالكويت ضايع...
واللي قدامه ماشين ساطول على حارة الأمان ويوخرون عن الدورية والشرطي أمامها؟ عيني بعين الشرطي ولا اكو تعبير. حسيت اني انا الغلط.
من لا تحب الانتظار لكنها تحب القطاعة...
البيت ما فيه أحلى منه برمضان
وأحلى بالعيد بعد الزوارات الإجبارية
بخير عساك بصحة وعافية
ما بغينا نسمع منك :)
ومبارك عليك اللي بقى من الشهر
العزيز من لايعه كبده
الله يسلمك من الشر
:))
بس عجبني تحب القطاعة:)
انا اتابعك دائماً وما أقطع عن مدونة من يعزهم قلبي ..
ومبارك عليك مابقى من شهر الخير
من لا تحب الانتظار وما تقاطع لكنها تتابع من بعيد لي بعيد...
:)
عزك ربي دنيا وآخرة
تشرفنا متابعتك وطلتك علينا بين فترة وفترة
بالتوفيق وستر الرحمن في حياتك وأحبابك يا اختي العزيزة
الله يسلمك .. ويحفظك ربي من كل شر
ما تقصر كريم بحديثك دائماً وأبداً
اخجلتني ..:")
دمت أنت ومن تحب بخير وسلام دائم
مو مع الكل بس اللي يستاهلون
والا مع البعض لسان هالطووول
:)
حياك الله
انا ما طلعلتلي طولة اللسان وتعلمتها إلا من خلال قيادتي للسيارة في الشوارع سواء في رمزان أو في غير رمزان ..
الخُلاصة :
الغالب أنه لا يوجد اخلاق لمن يستخدم الطريق .
يمعود قول اللهم اني صائم وعديها :)
اول يوم رمضان كنت ماخذ خروف ورايح للمسلخ , العاده انا ازنط الخروف وانزله , لكن لأني صايم , ولأن الخروف مصك :) , قلت انادي البنغالي ينزله ..
رحت , لقيت واحد مبين بويهه انه تعبان , قلت له محمد تعال نزل الخروف , جان يخزني مدة خمس ثواني , وبعدها نهرني قائلا :
شويه شويه .. انا تعبان ..! :)
ما تتصور شنو كان شعوري ههههههههه
تصور كل ما اكلمه يرد علي بصوت عالي , ما ناقص الا يصكني كف , والغريب اني ما عصبت ورحت ناديت واحد ثاني نزل الخروف وعطيته نص دينار ..!!
هذا بنغالي وجذي معصب , لو كويتي , اتوقع يسدحني صوب القبله ويذكيني ! :)
نون النساء...
ولا لمن كرس كسر القانون وافقده هيبته واخسرنا جميعا
رمزان كريم
مطعم باكه...
السالفة مع الأخ كانت بعد الفطور
بس هم ما منه فود
بس انت زين سويت
وشنو يعني خروف ومسلخ؟
انت تلمسه بايدك؟
واي!
انا اشتري الكوبي بيرجر من مركز سلطان
والفوا قرا من دين آند ديلوكا
وباجي اللحم مدبرة منزلنا اهي اللي تييبه بس ما ادري من وين
:))
اذا ما طليت بفم الخروف وهرست ظهره ماكو فايده
:)
هذا بعد الفطور وجذي عيل قبل الفطور شيسوي بالناس
تحياتي لك بس انا مو ديفل :(
والله يا أخوي بيني وبينك أعتقد قسمة أكثر من الصدفة !!
والصج هذا العيز ... وما صدقت لقيت حجة :)))))
تصدق للحين ما طلعت !!
وصار لي من الساعة 8 وأنا أكلم نفسي وأقول يالله الحين أقوم
أوكي يالله قومي
بس معاندة نفسي
لووول
المشكلة كل سنة من ردينا الكويت وأنا قبل شهر رمضان بأسبوع أو أكثر أكون مخلصة كل شغلي لرمضان وللعيد وللمدارس ... وهالسنة ما مداني :(
للأسف صارت القيادة بالكويت مافيها أي إحترام للآخرين ، تلقى حرمه تمشي ابريحاتها يضايقونها ، والشايب نفس الحاله
المشكله انه الشعب للحين موراضي يقتنع بأنه القياده أخلاق مو بس "فن"
الفن عندهم امنزل العداد والبتوين وربعه اللي ورى يصفقوله عدل عدل...
يبيلها الحكومه تدز الشعب كامل للخارج لتعلم القياده واخلاقياتها ، ولو اني اشك بانهم راح يتعلمون ، الظاهر انهم "عقد" على قولة صاحبنا!!! من متى صرنا جذي!
أينجل هارت...
لي صار لي مزاج أحب اتغشمر
والغشمرة ما تحلو الا مع الأعزاء
قبل الفطور كان أنا راكب فوق سيارته
:)
مدام ينق...
اللي ما يشتري ماجلة رمضان قبله بيوم ويتسوق للعيد قبله بيومين مو كويتي
أنا ما اتسوق بالمرة
فمعفي من المعادلة أعلاه
:)
ويل سيرفسمان...
ومنو يدز الحكومة يتعلمون الإدارة العامة؟
بس ترا انت نسيت الحريم اللي طالعه من الشارع الفرعي سيده عليك وهي على التليفون وتركبك الرصيف وتلاسنك بعد والحق معاها فقط لأنها امرأة :)
إرسال تعليق