24‏/11‏/2008

مصــدر رئيــسي للصحــافة

التدوين صار مصدر رئيسي لأفكار الصحافة والا يتراوالي؟!

بعد ما انتبهت لسرقة ما كتبه الزميل فريج سعود (أنا اتسرقت يا رجالا) تفاجأت بشخصية اسمها "مبطوط جبده" في نفس الصفحة ! :)
(والا انا ما أدري عن هوا "دار" هالجريده)


اضغط هنا للمصدر (واحنا حتى لما نعرض صورة لبوقتهم نذكرهم مصدر)

يا حجي يوسف حجي يوسف حجي في شيء واحد بالصفحة من اعدادك؟
على الأقل قسم البوقات على الأسابيع...

لا هي بطوط ولا هي كويــتي لايــعه كبــده

(أدري انك تقرأ والا من وين "تستعير" أفكارك)
الشرهة على اللي معطينك الصفحة ولا يدرون... عفوا بعد ما تصفحت الجريدة أسحب شرهتي


زملاء في عالم التدوين تعرضوا للـ"استعارات" بالسابق ولا أذكر حاليا منهم الا مهندسنا العزيز وأحد الأخوات العزيزات

ياللي يذكر يذكرنا وياه -منو اللي انباق ومنو اللي باقه- اذا أمكن.


أخوكم/
كويــتي لايــعه كبــــــــده
(مو التقليد)


هناك 27 تعليقًا:

Miznah يقول...
أزال المؤلف هذا التعليق.
Miznah يقول...

إذا الديره ابكبرها انباقت.. ما تبيهم يبوقون نك؟

Intellectual property and/ or creativity is non- existent in their awful realm

غير معرف يقول...

انا بالدوام ماتطلعلي الصور ملوت البوست مادري ليش وبالبيت البوست كله ماله وجود وسويت ريفرش كا مره مانفع ؟
شالحل ؟ اشق هدومي ؟
pP;

يـا سْـديـرَه يقول...

هههههه

( مبطوط جبده ) ؟؟؟!!!

اخيي فهمني .. انا خبري مبطوطه جبده !! صح والا أنا اللي خايرته واقط بدليات ؟؟

طوف وأنا أختك يا مالك انت والشباب والشابات اللطيفات بالسرقات

وهذا دليل آخر على العبيثيه في مجال يفترض انه من ينتسب اليه يكون على مستوى من الحرفية والمهنية والإبداع !! احنا عندنا حتى اعميمتي تقدر اتسوي لها صفحة ولا صفحة أخيره جان تبي :) عندها وااااسطه

اعنبوهم على هالبوق ما ايهيعون ؟؟
:)

كويــتي لايــعه كبــده يقول...

تم حذف التعليق...

تشرفنا بمعرفتك

كويــتي لايــعه كبــده يقول...

مزنه...

صوت غير محترم بسوق الصفافير ضايع

هذه حال الكويت الحين
البوقات الكبيـــــــــــره والناس اللي وراها فتحت الباب على الآخر للبوقات الصغيره يمين ويسار

لي كلمت أحد الحين عن هذا غلط يقول لك شوف فلان بعدين تعال

مع الأسف معاه شوية من الحق

القدوة غير حسنه

intellectual property...?
here?...

are you kidding me
!!!

كويــتي لايــعه كبــده يقول...

حمودي...

عيل شلون علقت؟! :)

كل شيء ولا هدومك.
شقهم وانت بروحك بالدار مو بالدوام
والبس شيء رخيص أوفر

:)

جرب تحذف الكوكيز والتمبوريري فايلز والكاش ميموري وياهم. اذا ما نفع احذف الكمبيوتر وياهم

كويــتي لايــعه كبــده يقول...

يا سديره...

بالفعل هم على مستوى من الحرفية والمهنية والإبداع...

الحرفية بالالتفاف على الحق لصالح ملاكم
المهنية بالكذب والافتراء والابتذاء (مثل سكوب والوطن)
والابداع بالبوق من أفكار الناس

شفتي شلون ظلمتيهم
:)

honey يقول...

لوووووووووووووووووول حتى الجرايد صارت تايوان
p;

esTeKaNa يقول...

ويه لا اله الا الله
حتى الجبد اللي انبطت يناشبون عليها
:Pp~
المشكلة اللي تضحكني ان قبل جم سنة لما واحد ينقل شي من البلوق ماحد يدري
البلوقرز كلهم ما يتعدون جم واحد
الحين الكل يعرف ويقرا ويشوف
ما يستحون؟

كويــتي لايــعه كبــده يقول...

شهد...

مبطي!

كويــتي لايــعه كبــده يقول...

شاي ونعنع...

لوول

ما فكرت فيها جذيه

الظاهر ما يعتقون شيء :)


"ما يستحون؟"
NOPE
!!!!

غير معرف يقول...

مو قلت لك انا بالدوان طالعلي البوست بس بدون صور
:(

كويــتي لايــعه كبــده يقول...

حمودي...

الحين أفا عليك أطرش لك الصوره ايميل

صرنا تدوين توصيل منازل :) علشان الحبايب


عاد البوست مو بذيك الاهميه

كويــتي لايــعه كبــده يقول...

تعال... شنو ايميلك؟
مو حاطه بالبروفايل

انت طرش لي ايميل اذا ما تبي تعلنه

أكثر من جذيه شسوي؟
أوصل الصوره بنفسي لي بيتكم؟
:)

Hamad Alderbas يقول...

ادخل موقع بدر الكويت ودور اللي بايقك من بين الحرامية اللي هناك

ساره النومس يقول...

اوكي مالومك بس مبطوطة جبده غير عن لايعة جبده ووايد نقول هالكلام لايعة جبدي مبطوطة جبدي عدل ؟؟ انا حاولت ابطل الصفحة موراضية تتبطل ..

هونها ياخوك ... هونها
اروح لك فدوة وارجع بتكسي ... اتغشمر :p

secret يقول...

يالله تفضل

قاموا يسترزقون من ورى المدونات

صورة العم دهب و عايلة بطوط عجيبة .. عاد عندي هالمجلد

بس مو "مستعيره" من أحد :)

عاجـل يقول...

من يقلدك يؤكدك

enter-q8 يقول...

قبل المدونات كانت المنتديات
و كان الشغل على ودنه هلس بهلس

غير معرف يقول...

ناس مخوخها تبن

كويــتي لايــعه كبــده يقول...

حمد...

مو متعود عليك تشتط بتسمية "الحرامية" لكن بعد ما رحت الموقع طلع انهم حرامية صج وانت ما قلت شيء :)

شكرا على النصيحة

كويــتي لايــعه كبــده يقول...

سارونه...

لا تروحين لي فدوه عسى عمرك طويل

ولا تركبين تكسي ما نرضاها عليك

هاك سيارتي وانا ارد مشي :)

كويــتي لايــعه كبــده يقول...

سر...

مو جديده عليهم


مو انا مصور المجلد اللي عندك بس ما استأذنتك... قلت أجرب تكنيك الصحافة :)

كويــتي لايــعه كبــده يقول...

عاجل...

هذه النسخه العربية من
imitation is the sincerest form of flattery
؟؟؟

عاد ما كنت ناطر منهم التأكيد والا كنت اتجهت لهم من اساس

كويــتي لايــعه كبــده يقول...

بو وليد...

ما تغير شيء

لا زال ناس تكتب من قلب
وناس تبوق من قلب

كويــتي لايــعه كبــده يقول...

حسافتج يا كويت...

ليش؟
ليش؟
التبن ما يستاهل؟ :)