15‏/05‏/2009

قــول وفعــل



خلكم من الكلام المصفف وشوفوا المواقف الفعلية... ترى الكلام ببلاش.

اللي نائب سابق شوفوا آداءه واللي ما كان نائب شوفوا تاريخه والكل له تاريخ ما قبل المجلس.


الديرة صغيره والكل يعرف الثاني أو يعرف اللي يعرفه. لا ينقص عليكم.
واللي مو كفو لا تعطيه لأنه عطاك فلوس باجر يطلع اللي خذيته من جبدك. ولا تعطي اللي يعرف الأهل والا اللي من قبيلتك اذا ما يستاهل ما يستاهل وانت ادرى. اللي يخدم الديره يخدمها كلها وانت وعيالك مستفيدين ان شاء الله واللي يخدم نفسه على حساب الديرة تراك انت اللي خربت البلد عن طريقه وخربته على عيالك. شتسوى عليك خلص لك معاملة والا ضبطك بوظيفة؟ الديرة الحين ما تعجب غيور بسبب اللي صار بالماضي لا تزيدونها على نفسكم. ترانا مو ناقصين.



ونكته انتخاباتية نلطف فيها الجو المكهرب...

مطيرية متزوجه حدسي بخيل. طلبت منه فلوس. ما عطاها. كتبت على الجمس ماله "عاشت أسيل" :)

(مع كامل احترامي للمطران لغشمرتنا الأخوية و... بس :) )



بالنهاية...

اتمنى التوفيق لكل المرشحين ومن أي تيار كانوا بشرط أن يهدفون للمصلحة العامة ويحاربون الفساد وهو أساس مشاكل الكويت. لا يهمني ان كان هذا المرشح إسلامي (لله لا لحزب) فكلنا مسلمين ولا اذا كان ليبرالي فهمنا ليس حزب معين بل البلد. ولا يهمني اذا كان بدوي والا "حضري" فكلنا أصحاب أصل وكلنا متحضرين ولله الحمد. الوحده الفعلية هي عدم رؤية الفروقات وفقط رؤية بلد يشملنا كلنا ومصلحته التي هي مصلحتنا. أتمنى لكل الوطنيين النجاح وان لم يكونوا من اختياراتي. النجاح للكويت ان شاء الله.



هدية:
انظر الى أعلى الجانب الأيمن من المدونة تحت عنوان "مصادر انتخابية ممتازة" للتعرف (1) على المرشحين المختلفين من سير ذاتية ومقابلات شخصية صوت وصورة وأيضا (2) لمعرفة معلوماتك الشخصية لعملية الانتخاب.


هناك 16 تعليقًا:

حاطب ليل يقول...

عسى الله يطرح اللي فيه بركه
للبلاد والعباد
والنكته
راحت مسج خلاص:)

ولد الديرة يقول...

لول

عيل اسمع هذي مني لك حصريا

سيد تهاوش مع اخوه المرشح راح كتب على سيارته

نعتذر عن تقبل الخُمس

هههههههههههههههههههههههه













اطلع حرتي قبل بجوة باجر عقب النتايج

الأستاذ حمام يقول...

الله يطرح فيك البركة والأمل بالله قوي ان الكويت راح تنتخب ناس كفو ان شاء الله..

والمقالة القادمة حول مقالتك "تدندن"..

تفاءل وابتسم :)

kuwaitawy يقول...

عسى الله يكتب اللي فيه خير

enter-q8 يقول...

مالنا امل غير في ربنا الا ان يهدينا

اما نكت الانتخابات

سئل ابو جهل من أشد قبائل جزيرة العرب
فقال: مطيــر
ثم سقط مغشياً عليه ولما افاق بكى بكاءاً شديدا حتى ابتلت لحيته من دمع عينيه
فسئلوه لماذا البكاء و الخوف؟
فقال: انهم قوم اهل حرب و لا يخافون في الله لومة لائمو اذا عزموا على أمر أتموه لا يردهم جيش و لا عيش فأجتنبوهم
و عندما سئل عن باقي قبائل العرب
مد لسانه و عفط و قال ما عندك أحد

بانوراما يقول...

أتمنى أن لا يكون مجلس هالسنة

كسابقة

كما أطمح أن نرى وجوه جديدة

قادرة على إفادة الوطن

well_serviceman يقول...

الله يحفظ الكويت وشعبها من "الزائفون" والله يقدم كل من فيه الخير والبركه ويهديه هديه للكويت وللأمه

وبانتظار النتائج على أحر من جمر.. والله يستر!!!

ساره النومس يقول...

ريح اعصابك ريحها والله

كويــتي لايــعه كبــده يقول...

حاطب ليل...

ونعم بالله

المسجات الحين بالكيلو

محد مستانس من الانتخابات كل 10 شهور الا شركات الاتصالات

كويــتي لايــعه كبــده يقول...

العقروقة...

نكتتي أحلى
:)


انا بلبس نظارة سودا باجر بالليل علشان محد يشوف عيوني

كويــتي لايــعه كبــده يقول...

استاز فراخ...

ونعم بالله

مسألة التفاءل يبيلها شرح طويل بالنسبة لي :)

بانظار تدندنك بكل طرب وشوق

كويــتي لايــعه كبــده يقول...

كويتاوي...

ان شاء الله خير

كويــتي لايــعه كبــده يقول...

بو وليد...

وهذا ليش أنا أرتعش ان يقرأ شقران هالبوست :)

كويــتي لايــعه كبــده يقول...

بانوراما...

وأنا أتمنى أن أطير

لكن التمني شيء والعمل الواقعي شيء آخر

كويــتي لايــعه كبــده يقول...

ويل سيرفسمان...

"الزائفون" من النواب والا الحكومة والا ...

طووط طووط طووط

كويــتي لايــعه كبــده يقول...

طموحة مملوحة...

اعصابي تهدي لي حسيت البلد فيها أمان على مستقبل عيالي