من اللي يحميييها...

بالصور تحت شرطيين

واحد مخالف

والثاني تارك الدنيا سايبة

1 - جميع هذه الحالات خلال 3 دقائق!

2 - المخالف الأول كان شرطي بالبدلة الرسمية!

3 - الشاحنة المخالفة الأخيرة كانت على جانب الطريق الى ما وصلت عند سيارة المرور بأمتار!

4 - الطرشي بالدورية كان مجرد ديكور وربما الطاولة أفيد.

أخيرا بما أنكم تدشون وتقرون أكثر من صفحة بالزيارة وتقضون بعض الوقت في المدونات... ليش ما تسوون شيء؟

ناشدناكم لين خاب ظنّا.

فكرنا بحلول بدالكم وانتو مسافرين بإجازات خاصة.

هالحين قمنا نصور المخالفين بنفسنا عل وعسى يحس أحد ويتخذ اللازم.

هذه صور للمخالفين وهم بالجرم المشهود وموضحة لوحات الأرقام وبتوقيع التاريخ والوقت بعد.

يا تعطونا دفاتر مخالفات يا انتو تتحركون.

.

.

.

.

قبل لا أنسى... اللي يعرف راعي دورية المرور لوحة رقم 6955 اللي على الدائري الخامس يوم الأربعاء 4/7/2010 الساعة 1:10 بعد الظهر... يسلم عليه وايد... وعلى مسؤوله وياه.